Categoría: PP de Galicia

20 de xuño de 2023. O Grupo Popular demandará ao Goberno de España no Pleno da vindeira semana a convocatoria urxente dunha xuntanza do Comisionado do Corredor Atlántico con representantes das comunidades autónomas de Galicia, Asturias e Castela e León, co fin de avanzar nas actuacións e compromisos que se consideraron prioritarios; e unha rectificación na falta de planificación na xestión dos fondos europeos de recuperación, ofrecendo certezas para poder levar a cabo proxectos tractores para Galicia pendentes de financiamento.

Seguir leyendo

20 de xuño de 2023. O Parlamento de Galicia aprobou hoxe por unanimidade unha proposición non de lei a través da que se solicita ao Goberno de España para que defenda ante a Comisión Europea a exclusión total do atún do Acordo de Libre Comercio con Tailandia e, por tanto, do proceso de liberalización arancelaria; e se establezan de normas sólidas e equitativas que garantan a igualdade de condicións que evite a competencia desleal.

Seguir leyendo

20 de xuño de 2023. O Parlamento de Galicia aprobou hoxe a proposición non de lei do Grupo Popular, que non contou co apoio nin de BNG nin de PSdeG, a través da que se solicita ao Goberno de España que recupere o potencial do Instituto Español de Oceanografía (IEO) de Vigo e o sanee, para sacalo da dramática situación económica na que se atopa.

Seguir leyendo

19 de xuño de 2023. O portavoz do Grupo Popular, Pedro Puy, avanzou hoxe que o Pleno da vindeira semana incluirá o debate de aprobación da Lei reguladora dos xogos de Galicia, unha norma que incorporou “modificacións na súa tramitación parlamentaria que axudaron a mellorala, sumando novas medidas de prevención e cambiando determinados aspectos na redacción que contribúen a facelo máis sinxelo e comprensible”.

Seguir leyendo

16 de xuño de 2023. A secretaria xeral do PPdeG, Paula Prado, destacou hoxe a renovación do 75% nas listas que a formación presenta ao Congreso e o Senado, nas que 3 de cada 4 membros están por primeira vez. “Somos un partido grande e temos a capacidade de renovar os equipos”, engadiu.

Seguir leyendo

 

14 de xuño de 2023. O Parlamento de Galicia aprobou hoxe por unanimidade a proposición non de lei do Grupo Popular a través da que se insta á Xunta a realizar un proceso asistencial integrado (PAI) da abordaxe da fraxilidade osteomuscular e a enfermidade da osteoporose, que homoxeneice a asistencia e a prevención deste proceso, integrando acciones en atención primaria e atención hospitalaria para estandarizar os coidados destas persoas e tendo en conta as necesidades específicas para o súa prevención e tratamento.

Seguir leyendo

14 de xuño de 2023. O Parlamento de Galicia aprobou hoxe a proposición non de lei do Grupo Popular a través da que solicita ao Goberno de España que desenvolva as negociacións oportunas dirixidas a acadar un Pacto Nacional pola Vivenda.

Seguir leyendo

13 de xuño de 2023. O viceportavoz do Grupo Popular, Alberto Pazos, asegurou hoxe no Pleno do Parlamento galego que “Galicia reclamará o traspaso dos medios para despregar a nova Lei do litoral exactamente nos mesmos termos en que foron cedidos a outras comunidades autónomas: a través dun Real Decreto aprobado polo Goberno de España”.

Seguir leyendo

12 de xuño de 2023. O Grupo Popular demandará no Pleno desta semana a posta en marcha dun Pacto Nacional pola Vivenda que incorpore medidas específicas para a xente moza e a construción de vivendas sociais. Por outra parte, o portavoz popular, Pedro Puy, cualificou de “francamente mellorable” o balance da xestión dos fondos europeos Next Generation por parte do Goberno de Pedro Sánchez e afirmou que “non é o mesmo que haxa un Presidente do Goberno de España que coñece os problemas de Galicia que un Goberno que só fai anuncios para as comunidades onde goberna”.

Seguir leyendo

30 de maio de 2023. O deputado do Grupo Popular José Luis Ferro asegurou hoxe no Pleno do Parlamento galego que “no PPdeG temos o compromiso político de defender o galego, sen atacar a ninguén, entendendo que nos define como pobo e que o bilingüismo é unha realidade e unha riqueza para Galicia”.

Seguir leyendo