Santiago, 4 de decembro de 2017.- O portavoz de Pesca do Grupo Popular, Carlos López Crespo, defendeu hoxe no Parlamento que “a Xunta respecte a decisión maioritaria dos traballadores e das súas negociacións coa empresa e realice as accións oportunas para evitar o peche de Conservas Esteiro, polos dramáticos efectos que o peche tería sobre o emprego, a economía da comarca do Barbanza e o conxunto do sector conserveiro galego”.
O Parlamento aproba a Lei que blinda o pago do 50% do recibo da luz aos fogares con menos recursos e evita que se lles poida cortar o subministro eléctrico
Santiago, 4 de decembro de 2017.- O Parlamento de Galicia aprobou esta mañá a proposición de lei, de iniciativa popular, de medidas para garantir a enerxía como servizo público e contra a pobreza enerxética, que “blinda o pago por parte da Administración do 50 por cento do recibo da luz aos fogares con menos recursos, ao tempo que non se lles poderá interromper a subministración”, sinalou a portavoz de Enerxía, Marta Nóvoa.
O Parlamento aproba a primeira Lei de portos de carácter autonómico
Santiago, 4 de decembro de 2017.- O Parlamento de Galicia aprobou hoxe a primeira Lei de portos de carácter autonómico, que adapta a normativa portuaria ás diversas particularidades dos peiraos galegos. “A creación deste necesario marco lexislativo permitirá aproveitar ao máximo as potencialidades dos nosos portos, a través das súas características, singularidades e especificidades; gozar dunha vantaxe cualitativa para o noso sistema portuario respecto a outros marcos normativos; e ter unha Galicia portuaria máis atractiva”, sinalou a deputada popular Teresa Egerique.
Tellado: “O emprego indefinido sobe en Galicia por riba da media do Estado no mellor novembro dos últimos 20 anos”
Santiago, 4 de decembro de 2017.- O secretario xeral do PPdeG, Miguel Tellado, valorou os datos do paro publicados hoxe, salientando que o emprego indefinido subiu en Galicia por riba do ritmo de subida da media do Estado no mellor novembro dos últimos 20 anos, pois rexistramos o menor incremento do desemprego mensual neste mes en dúas décadas.
Tellado: “A Caballero só lle faltaba culpar a Feijóo de que non chovese, e xa o fixo”
Santiago, 1 de decembro de 2017.- O secretario xeral do PPdeG, Miguel Tellado, amosou esta mañá a súa preocupación pola delicada situación que está deixando a seca na nosa Comunidade, cuestionando a actitude dos que intentan enfrontarse á Administración autonómica para tapar as carencias da súa xestión. “Ao tándem Abel Caballero-Carmela Silva o único mal do que lles quedaba por culpar a Alberto Núñez Feijóo era de que non chovese, e esta semana xa o fixeron”, aseverou.
Tellado ve no Concello de San Cibrao “unha mostra do que os populares queremos que sexan Galicia e Ourense”
San Cibrao das Viñas, 30 de novembro de 2017.- O viceportavoz do Grupo Popular, Miguel Tellado, acompañado dos deputados Marta Nóvoa, Cristina Romero e Moisés Blanco, visitaron esta mañá o concello ourensán de San Cibrao das Viñas, do que sinalou que é “unha mostra do que queremos que sexa toda Galicia e toda a provincia de Ourense”. “É un territorio con grande actividade industrial, no que hai xente nova, medra a poboación e en definitiva, hai futuro, grazas ás empresas que apostan polo país e gracias a unhas administracións que están ao seu carón para axudalas”, sinalou.
O PPdeG pide aos socialistas galegos que arranxen as disputas insolidarias do seu partido polo reparto de auga
Santiago, 29 de novembro de 2017.- O PPdeG solicita aos socialistas galegos que arranxen as disputas insolidarias que se están xerando no seu partido polo reparto de auga. A decisión do Concello de Ponte Caldelas de convocar unha manifestación en contra de bombear recursos hídricos cara a área de Vigo amosa non só unha grave falta de sensibilidade ante as necesidades que ten a poboación desa zona senón que denota unha falta de compañeirismo evidente entre rexedores e compañeiros de partido.
O Parlamento insta á Xunta a estudar a creación dun centro de referencia para a rehabilitación de persoas con dano cerebral adquirido
Santiago, 29 de novembro de 2017.- O Grupo Popular apoiou esta mañá no Parlamento a aprobación dunha proposición non de lei a través da que se insta á Xunta a estudar, nos primeiros meses de 2018, a creación en Galicia dun centro público de referencia para a rehabilitación de persoas con dano cerebral adquirido.
O Grupo Popular amosa o “firme compromiso” da Xunta coa construción do novo centro de saúde de Melide
Santiago, 29 de novembro de 2017.- O portavoz de Sanidade do Grupo Popular, Aurelio Núñez Centeno, amosou hoxe “o firme compromiso” da Xunta de Galicia coa construción do novo centro de saúde en Melide “en canto se solucionen os trámites urbanísticos pendentes” respecto da parcela na que se localizará este novo edificio.
O PPdeG avanza a previsión de que o centro de atención diúrna na residencia de maiores de Oleiros estea rematado en xuño
Santiago, 29 de novembro de 2017.- A deputada do Grupo Popular Soraya Salorio avanzou hoxe a previsión de que o centro de atención diúrna da residencia asistida de maiores de Oleiros estea rematado para o mes de xuño do vindeiro ano 2018. Unha vez rematado o acondicionamento deste centro, procederase ao arranxo de chans da residencia por fases, co obxectivo de non pechar listas nin evacuar residentes cunha situación de especial vulnerabilidade.