O Parlamento de Galicia pide avanzar na dixitalización do ensino galego con técnicas de big-data e intelixencia artificial

O Parlamento de Galicia aprobou hoxe por unanimidade a proposición non de lei do Grupo Popular a través da que, en coherencia co previsto na Estratexia Educación Dixital 2030, se pide á Xunta que avance na dixitalización do ensino galego a través do uso das técnicas de big-data e intelixencia artificial, co obxectivo de implementar novas iniciativas ou programas que axuden no deseño de estratexias e na toma de decisións sobre políticas educativas en Galicia, que faciliten e axilicen a xestión de datos e información que xera o sistema educativo, que faciliten acadar un expediente dixital para cada alumno e alumna, e que aborden a necesaria modernización das canles de comunicación e información entre a administración educativa e os diferentes axentes educativos.

Seguir leyendo

O Parlamento galego reitera ao Goberno central que cubra as vacantes existentes na Unidade de Policía Adscrita ata chegar aos 500 efectivos

O Parlamento de Galicia aprobou hoxe a proposición non de lei do Grupo Popular a través da que se reitera ao Ministerio do Interior para que, a través da Dirección General da Policía, se articule un concurso de méritos na Policía Nacional que permita cubrir vacantes na Unidade de Policía Adscrita (UPA) ata chegar os 500 efectivos que deben integrar esta Unidade, de xeito que poida cumprir con normalidade as funcións que ten encomendadas.

Seguir leyendo

O Grupo Popular apoia que a Xunta estude a posible incorporación de ópticos e optometristas no Sergas

O Grupo Popular apoiou hoxe a aprobación no Parlamento de Galicia dunha proposición non de lei a través da que se pide á Xunta realizar un estudo sobre a posible incorporación progresiva e sistemática da figura do óptico e optometrista no Servizo Galego de Saúde, tendo en conta as avaliacións sobre o tema realizadas polos colectivos implicados. Así mesmo, solicítase diálogo co Colexio Oficial de Ópticos e Optometristas para avaliar posibles modificacións no convenio para facilitar a atención aos cidadáns nos establecementos.

Seguir leyendo

O Parlamento pide que nos partos por cesárea se permita en todas as áreas sanitarias o acompañamento da persoa que a nai decida

O Parlamento de Galicia aprobou hoxe por unanimidade a proposición non de lei do Grupo Popular a través da que se insta á Xunta a elaborar unha guía que homoxeneice en todas as áreas sanitarias galegas o protocolo de atención aos nacementos por cesárea para permitir o acompañamento no parto da persoa que a nai decida e para posibilitar o contacto pel con pel continuado co recén nado.

Seguir leyendo

O Parlamento galego pide ao Goberno de España que axilice a reparación da estrada N-642, vía vertebral de comunicación para a Mariña lucense

O Parlamento de Galicia aprobou hoxe por unanimidade a proposición non de lei do Grupo Popular a través da que se pide ao Goberno de España que axilice a obra de reparación da estrada N-642, vía vertebral para a comunicación dos concellos do litoral da Mariña lucense, de tal xeito que se finalicen con carácter de urxencia os traballos pendentes no treito afectado polo socavón aparecido no mes de xaneiro e se garanta a recuperación da circulación no conxunto desta estrada en condicións de normalidade, vialidade e seguridade.

Seguir leyendo

Paula Prado reivindica que o PPdeG goberna no 60% dos concellos galegos de menos de 5.000 habitantes: “O presidente Rueda demostra cada día que está no rural”

A secretaria xeral do PPdeG, Paula Prado, reivindicou hoxe á súa formación como “o partido que máis e mellor representa aos pequenos concellos do rural”, indicando que os populares gobernan actualmente no 60% dos municipios de menos de 5.000 habitantes: “6 de cada 10 galegos benefícianse do bo facer na xestión que nos caracteriza”.

Seguir leyendo

Paula Prado critica a “subasta de suma e segue cos independentistas” na que Pedro Sánchez converteu a súa investidura: “Máis Sánchez significa menos Galicia”

A secretaria xeral do PPdeG, Paula Prado, amosouse hoxe moi crítica coa “subasta de suma e segue cos independentistas” na que Pedro Sánchez converteu a súa investidura e que, na práctica, tradúcese en que “cantos máis cartos pide Cataluña, máis cartos están perdendo o resto de Comunidades”. Unha idea que resumiu en que “máis Sánchez significa menos Galicia”.

Seguir leyendo

Alberto Pazos afirma que o DEA da vindeira semana confirmará que o Presidente Rueda “goberna desde as persoas e para as persoas”

O portavoz do Grupo Popular, Alberto Pazos, afirmou hoxe que o Debate sobre o Estado da Autonomía que se celebrará a vindeira semana servirá para “volver demostrar que o Presidente Rueda goberna desde as persoas e para as persoas”, con novas medidas “para que Galicia mellore aínda máis a súa posición a nivel nacional na atención ás familias e na prestación de servizos sociais a todos os galegos, tanto no ámbito educativo, como no sanitario e na atención a maiores, dependentes e xuventude”.

Seguir leyendo