Santiago, 3 de marzo de 2017.- O Grupo Popular apoiou hoxe a aprobación no Parlamento galego dunha proposición non de lei a través da que se solicita á Xunta que favoreza que todos os concellos de Galicia posúan software libre, ao tempo que se impulse a colaboración e a formación para potenciar a implantación do software libre nas entidades locais galega.
Alberto Pazos:»seguiremos velando polos dereitos dos consumidores,avaliando polo miúdo o comportamento das eléctricas» durante os temporais
Santiago, 3 de marzo de 2017.- O deputado do Grupo Popular Alberto Pazos asegurou hoxe que tanto o Goberno galego como o PP “seguiremos velando polos dereitos dos consumidores, avaliando polo miúdo o comportamento das empresas eléctricas” durante os temporais que azoutaron Galicia hai uns días. Ademais, criticou que a oposición desexe que “a Xunta asuma en solitario os danos producidos polos temporais”, sen ter en conta que “a administración competente para asistir técnica e economicamente aos concellos son as deputacións e que existen numerosos danos que deben cubrir as empresas eléctricas ou os propios seguros”.
O PPdeG cualifica de «regularización inédita no sistema tributario español a resposta á problemática dos pensionistas retornados
Santiago, 3 de marzo de 2017.- O deputado do Grupo Popular José González Vázquez asegurou hoxe que a resposta dada polo Goberno central á problemática das pensións de emigrantes retornados en España “foi unha regularización inédita no sistema tributario español”, que conlevou a condonación de sancións, recargos e intereses de demora. Así mesmo, acusou á oposición de pretender dar un trato diferente a pensionistas españois respecto dos emigrantes retornados, xa que os primeiros tributan no imposto da renda das persoas físicas sen ningún tipo de réxime específico.
O Goberno central «cumpriu con axilidade» ante a problemática sober a devolución das cláusulas chan
Santiago, 3 de marzo de 2017.- O portavoz de Vivenda do Grupo Popular, Jaime Castiñeira, asegurou hoxe que o Goberno central “cumpriu con axilidade” dando unha resposta rápida ás sentenzas sobre a devolución das cláusulas chan por parte das entidades financeiras, aprobando un Real Decreto-Lei a través do que no prazo máximo de tres meses as entidades deben responder ás reclamacións dos afectados.
O Parlamento solicita á Xunta a creación dunha comisión técnica de seguimento da couza da pataca
Santiago, 2 de marzo de 2017.- O Parlamento de Galicia aprobou esta tarde por unanimidade, logo dunha transacción acordada entre todos os grupos parlamentarios, unha proposición non de lei a través da que se insta á Xunta de Galicia á creación dunha Comisión Técnica de seguimento da couza da pataca, coa presenza de representantes da Administración galega, a Federación Galega de Municipios e Provincias (Fegamp), o Laboratorio Fitopatolóxico de Galicia e a indicación xeográfica protexida Pataca de Galicia. Esta comisión avaliará as medidas de control da praga, as accións informativas que se leven a cabo, así como da evolución do Decreto que prepara o Goberno central.
O GPP salienta a aposta pola formación dos gandeiros da Xunta, que este ano se ampliará coa posta en marcha da teleformación
Santiago, 2 de marzo de 2017.- O deputado do Grupo Popular, Daniel Vega, salientou hoxe a formación que a Xunta de Galicia ofrece para os gandeiros, subliñando que “este mesmo ano porase en marcha a teleformación na aula de formación online da Consellería do Medio Rural, na que se ofertará formación cunha estrutura modular para as distintas orientacións produtivas, así como de coñecementos xenéricos do sector”.
Tellado anuncia a celebración de “O PPdeG, de igual a igual”, unha homenaxe ás mulleres e á igualdade
Santiago, 3 de marzo de 2017.- O secretario xeral dos populares galegos, Miguel Tellado, anunciou que mañá, con motivo do Día Internacional da Muller que se conmemora o 8 de marzo, o partido celebrará unha homenaxe ás mulleres nun acto que terá lugar en Santiago e que levará por nome: «O PPdeG, de igual a igual».
Tellado: “As políticas de emprego da Xunta con colectivos sensibles están a dar grandes resultados”
Santiago, 2 de marzo de 2017.- O secretario xeral do PPdeG, Miguel Tellado, valorou esta mañá os datos de paro de febreiro coñecidos este xoves salientando as caídas nas cifras de desemprego nos colectivos especialmente sensibles, como os parados de longa duración, os mozos e as mulleres. “Son grupos nos que o Goberno galego está a centrar moitos esforzos con políticas activas de emprego pensadas especialmente para eles, e en meses coma este vemos que están a dar un gran resultado”, aseverou.
O Parlamento aproba o documento coas propostas de Galicia para o Pacto de Estado contra a violencia de xénero
Santiago, 1 de marzo de 2017.- A Comisión non permanente de estudo para a igualdade e para os dereitos das mulleres do Parlamento de Galicia aprobou esta tarde o documento, consensuado entre todos os grupos parlamentarios, que recolle as propostas de Galicia para a elaboración do Pacto de Estado contra a violencia de xénero.
O GPP defenderá no pleno a continuidade da construción da autovía da Costa da Morte e a elaboración dun informe bianual sobre o sector pesqueiro
Santiago, 28 de febreiro de 2017.- O Grupo Popular defenderá no Pleno da vindeira semana a continuidade na construción da autovía da Costa da Morte e a elaboración dun informe bianual coas inquedanzas, os problemas e os obxectivos do sector pesqueiro galego. Na mesma sesión plenaria tamén se debarerá a proposición de lei, asinada por todos os grupos parlamentarios, para presentar perante o Congreso dos Deputados solicitando a transferencia da titularidade e as competencias da AP-9 á Comunidade galega.