Santiago, 22 de febreiro de 2017.- O portavoz de Sanidade do Grupo Popular, Aurelio Núñez Centeno, asegurou hoxe que “todo o persoal sanitario de Galicia ganará máis neste ano 2017 que o pasado 2016”. Así mesmo, avanzou que están previstos concursos de traslados abertos e permanentes, así como a convocatoria do máximo de prazas para o acceso de novo persoal estatutario fixo en primaria e hospitais, en concreto 820 persoas, “unha cifra que se incrementará no caso de desaparecer as limitacións que establece a taxa de reposición en vigor que o Goberno galego xa ten solicitado a súa eliminación”.
O GPP critica a «bipolaridade» do BNG ao pedir hai dous meses derrogar o decreto do plurilingüismo e hoxe demandar o seu cumprimento
Santiago, 22 de febreiro de 2017.- O portavoz de Sanidade do Grupo Popular, César Fernández Gil, criticou hoxe a “bipolaridade argumentativa” do BNG, porque “hai dous meses pedían derrogar o decreto de plurilingüismo e hoxe piden o seu cumprimento”. “Nunca se debe poñer unha lingua nin outro ben cultural ao servizo dunha causa concreta, e aínda menos se falamos de causas políticas, pois lígase o futuro da lingua ao da ideoloxía política á que se asocia”, sinalou.
O GPP reitera o seu compromiso coa actividade industrial e os postos de traballo nas factorías de Ferroatlántica de Cee-Dumbría
Santiago, 21 de febreiro de 2017.- O Grupo Popular volveu impulsar este martes no Pleno un amplo acordo parlamentario en defensa da actividade industrial e o mantemento dos postos de traballo nas factorías de Ferroatlántica de Cee-Dumbría, sobre a base do texto transaccionado unha semana antes en Comisión parlamentaria.
Marta Nóvoa reafirma o compromiso total do Goberno galego e do PPdeG con todos os fogares en situación máis vulnerable
Santiago, 21 de febreiro de 2017.- A portavoz de Enerxía do Grupo Popular, Marta Nóvoa, subliñou esta tarde no Parlamento “o compromiso total do Goberno galego e do PPdeG con todos os fogares en situación máis vulnerable, e con aqueles que non poden pagar nin o recibo da luz nin do gas”. Neste sentido, lembrou que a Xunta “atendeu a totalidade das solicitudes de axudas para paliar a pobreza enerxética e por suposto que atenderá este ano todas as demandas que reciba”.
O GPP demanda unha modificación da fiscalidade sobre a enerxía para favorecer a competitividade das empresas e o benestar dos fogares
Santiago, 21 de febreiro de 2017.- A portavoz de Enerxía do Grupo Popular, Marta Nóvoa, defendeu esta tarde no Parlamento que o Goberno central leve a cabo unha revisión da fiscalidade sobre a enerxía, de tal xeito que se adecúe o tipo de IVE e o Imposto Especial de Electricidade para favorecer a competitividade das empresas e o benestar dos fogares. Respecto da solicitude dunha tarifa galega por parte do BNG, subliñou que “a tendencia é cara á integración en aras dun mercado único, que sexa capaz de garantir un subministro a fogares e empresas nas mellores condicións de eficiencia, de seguridade e competitividade posibles, algo que apoia a maioría das forzas políticas en Galicia, en España e no resto de países europeos, a excepción de opcións extremas e o populismo”.
O Grupo Popular propón por terceira vez que o Parlamento aprobe unha declaración reclamando un informe independente e incontrovertido sobre o sinistro de Angrois
Santiago, 21 de febreiro de 2017.- O portavoz de Infraestruturas do Grupo Popular, Martín Fernández Prado, propuxo hoxe por terceira vez a aprobación polo Parlamento galego dunha declaración institucional na que se solicite a elaboración dun informe independente, incontrovertido e incuestionable sobre o accidente ferroviario de Angrois. Fernández Prazo reiterou o interese do PPdeG de que se esclarezan completamente as causas deste accidente coa maior profundidade e rapidez posible, pero sinalou que “é necesario que se faga nos foros adecuados, nos que teñen competencias para elo e fuxindo de usos demagóxicos e partidistas deste tráxico suceso”.
Puy considera que «é o momento de que o Goberno galego faga un estudo sobre os escenarios que se abren en Galicia co Brexit»
Santiago, 20 de febreiro de 2017.- O portavoz do Grupo Popular, Pedro Puy, considerou hoxe que “é o momento de que o Goberno galego faga un estudo para saber cales son os escenarios que se abren” coa saída do Reino Unido da Unión Europea.
O GPP apoia no Parlamento demandar ao Ministerio de Facenda que elimine a obrigatoriedade de habilitación nacional para os tesoureiros dos concellos de menos de 10.000 habitantes
Santiago, 17 de febreiro de 2017.- O Grupo Popular apoiou hoxe no Parlamento a aprobación dunha proposición non de lei a través da que se demanda ao Goberno central a eliminación da obrigatoriedade da habilitación nacional para os tesoureiros dos concellos de menos de 10.000 habitantes.
O Parlamento solicita ao Ministerio de Facenda un cambio de criterios de cómputo de entidades suprimiridas nas autonomías para que recoñeza o esforzo real feito en Galicia
Santiago, 17 de febreiro de 2017.- O Parlamento de Galicia aprobou hoxe, a instancia do Grupo Popular, unha proposición non de lei a través da que se solicita ao Ministerio de Hacienda e Administracións Públicas que modifique os criterios de cómputo de entidades e aforros do sector público autonómico de Galicia no seu informe de situación dos procesos de reordenación, de xeito que inclúan a globalidade das entidades extinguidas, aforros acadados e procesos de reordenación impulsados dende a Comunidade galega.
O PPdeG poñerá en marcha esta primavera os seus congresos locais nas cidades
Santiago, 17 de febreiro de 2017.- O secretario xeral do PPdeG, Miguel Tellado, afirmou esta mañá que nos próximos meses a encomenda dos populares galegos é traballar nos congresos locais. Así mesmo, avanzou que os máis inmediatos serán os de A Coruña e Lugo, que posiblemente se celebren xa esta mesma primavera, e aos que seguirán os doutras cidades e un bo número de vilas de tamaño intermedio.