Santiago, 16 de maio de 2017.- O Parlamento de Galicia aprobou esta tarde unha proposición non de lei, impulsada polo Grupo Popular, a través da que se demanda ao Ministerio de Fomento que impulse unha rehabilitación estrutural do firme da estrada Nacional-120, especialmente no tramo que transcorre desde Valdeorras ata Monforte de Lemos. Así mesmo, o deputado popular Moisés Blanco asegurou que “nin o PP, nin Valdeorras, nin a terra de Lemos, nin O Bierzo imos permitir que grupos políticos como En Marea paralicen a construción da autovía A-76”.
O Grupo Popular defenderá no Pleno a promoción das axudas para rehabilitar vivendas nos Camiños de Santiago e a regulación da publicidade sanitaria
Santiago, 16 de maio de 2017.- O Grupo Popular defenderá no Pleno da vindeira semana que a Xunta de Galicia manteña e promova as axudas para a rehabilitación de vivendas nos Camiños de Santiago e que o Goberno central mellore e clarifique a regulación da publicidade sanitaria para evitar anuncios enganosos.
O Grupo Popular solicita que se garanta o pago das prestacións aos pensionistas retornados de Venezuela
Santiago, 15 de maio de 2017.- O Grupo Popular vén de rexistrar unha proposición non de lei a través da que solicita ao Goberno central que promova as accións legais que sexan oportunas para que o Goberno de Venezuela cumpra o convenio bilateral de Seguridade Social entre España e Venezuela, de xeito que garanta o pago do importe íntegro das cantidades adebedadas e a continuidade das prestacións dos pensionistas retornados. Así mesmo, mentres non se resolvan estes problemas, demándase ao Goberno español que facilite que estes pensionistas poidan recibir axudas sociais.
O PPdeG pon hoxe a primeira pedra para mellorar as capacidades comunicativas do partido co seu I Torneo de Debate
Santiago, 13 de maio 2017.- O secretario xeral dos populares galegos, Miguel Tellado, asegurou esta mañá que o PPdeG pon hoxe a primeira pedra para mellorar as capacidades comunicativas do partido coa celebración do seu I Torneo de Debate.
Segundo sinalou, “a mellora da oratoria e as nosas capacidades de comunicación foi unha materia pendente durante moitos anos. E sempre que atopamos algo a mellorar, poñémonos como deberes melloralo”. Nese senso, engadiu que a intención é que este tipo de eventos se convertan nun ámbito de traballo con máis percorrido no tempo.
Tellado destaca con Pablo Casado a unidade de mensaxe do PPdeG en calquera punto do país fronte ás desavenencias de En Marea
A Coruña, 12 de maio 2017.- O secretario xeral dos populares galegos, Miguel Tellado, salientou esta mañá a unidade de mensaxe do PPdeG en calquera punto do país fronte ás desavenencias de En Marea. Así, indicou que “unha das nosas grandes fortalezas é que somos un partido que, respectando as características de cada lugar, podemos facer o mesmo discurso tanto a nivel local, como autonómico e nacional”.
Seguir leyendo
O Grupo Popular apoia a inclusión da Podoloxía na carteira básica do Sistema Nacional de Saúde
Santiago, 11 de maio de 2017.- O portavoz de Sanidade do Grupo Popular, Aurelio Núñez Centeno, defendeu hoxe no Parlamento que o Goberno central inclúa a Podoloxía na carteira básica do Sistema Nacional de Saúde, dotándoa dun financiamento xusto e necesario para a súa posta en marcha e desenvolvemento.
Así mesmo, Núñez Centeno avogou porque a Consellería de Sanidade remate o estudo que se está a levar a cabo para asinar e poñer en marcha un convenio ou acordo de colaboración co Colexio de Podólogos para realizar actividades conxuntas, do mesmo xeito que se está a facer noutras comunidades autónomas nas que existe este servizo.
SOLUCIÓN TEMPORAL
“Pensamos que este convenio, do que se falou nunha reunión entre representantes do Colexio Profesional de Podólogos de Galicia e da Consellería, pode solucionar temporalmente a situación da podoloxía, ata que no Consello Interterritorial se aprobe a inclusión da podoloxía na carteira común de servizos”, manifestou.
Núñez Centeno afirmou que, diante do compromiso dos catro grandes partidos en Madrid, PP,PSOE, Podemos e Ciudadanos, de impulsar no interterritorial a inclusión da podoloxía da carteira común, non ten moito sentido abordar neste intre a inclusión dos servizos de podoloxía na carteira complementaria”.
O Parlamento aproba o cambio de denominación do Hospital da Costa polo de Hospital Público da Mariña Lucense
Santiago, 11 de maio de 2017.- O Parlamento de Galicia aprobou hoxe, a instancia do Grupo Popular, instar á Xunta a modificar a denominación do Hospital da Costa, de tal xeito que pase a levar o nome de Hospital Público da Mariña lucense.
Preto dun cento de persoas participarán este sábado no I Torneo de Debate dos populares galegos
Santiago, 11 de maio 2017.- O Partido Popular de Galicia celebrará este sábado a primeira edición do seu Torneo de Debate, no marco da súa aposta pola formación constante dos seus cargos públicos, afiliados e simpatizantes. Inscribíronse no evento 16 equipos de entre dous e catro membros cada un, enchendo o cupo máximo de prazas que ofrecía o evento. Está previsto que nel participen preto dun cento de persoas, entre oradores e xuíces, polo que a xornada matutina se terá que desenvolver nun hotel próximo á sede autonómica.
Seguir leyendo
Pedro Puy afirma que os orzamentos do Estado supoñen para Galicia máis investimento, máis gasto social, máis recuperación e menos paro
Santiago, 10 de maio de 2017.- O portavoz do Grupo Popular, Pedro Puy, afirmou hoxe no Parlamento que os orzamentos do Estado “contribúen á redistribución da riqueza a nivel nacional e para Galicia supoñen máis investimento, máis gasto social, máis recuperación e menos paro”.
O Parlamento solicita que as axudas para incorporación de agricultores mozos tributen como mínimo durante cinco anos
Santiago, 10 de maio de 2017.- O Parlamento de Galicia aprobou hoxe por unanimidade unha proposición non de lei, impulsada polo Grupo Popular, a través da que se solicita que o período mínimo de imputación das subvencións por incorporación de agricultores mozos, no caso de que tribute no IRPF do mozo, sexa como mínimo de cinco anos a contar dende o período de incorporación. Así mesmo, no caso de que a incorporación do mozo se faga mediante a súa participación en entidades, demándase que a subvención percibida se impute na imposición da entidade participada e non no IRPF do mozo.