Categoría: PP de Galicia

A secretaria xeral do Partido Popular de Galicia, Paula Prado, criticou hoxe o “ecoloxismo radical” de PSOE e BNG, aos que acusou de “facer moito dano” aos gandeiros que sofren o aumento de ataques de lobo nas súas explotacións, mentres o PPdeG traballa “na defensa do rural” e leva anos insistindo “en que non se protexa máis o lobo, porque así se desprotexe ao gandeiro”.

Nunha visita ao concello de Curtis, así llo trasladaron tamén gandeiros afectados durante unha reunión, onde Paula Prado estivo acompañada pola coordinadora de Medio Ambiente do PPdeG, Marisol Díaz Mouteira, o coordinador de Medio Rural, Avelino Souto, os deputados autonómicos Miguel Ángel Viso e Gonzalo Trenor, e o alcalde, Javier Caínzos.

A número dous dos populares galegos amosou a “gran preocupación” do PPdeG polo sector gandeiro tralo aumento dos ataques do lobo que supuxo a entrada desta especie na listaxe de protección especial (Lespre). “Unha decisión inexplicable do PSOE, apoiada en reiteradas ocasións polo BNG, que xa foi revocada hai uns meses pero que fixo e segue facendo moito dano”, expresou.

Así, lembrou que cada día hai en Galicia nove animais de media atacados polo lobo, con centos de gandeiros afectados. Ante estas cifras, puxo en valor as medidas postas en marcha pola Xunta, para prevención e compensación dos danos, con axudas que suman arredor de 2 millóns de euros, en contraste co Goberno central, ao que esixiu que libere os 12 millóns de euros de fondos que debe á nosa Comunidade nesta materia.

“Somos o partido do rural e nós, máis que ninguén, estamos ao carón dos agricultores e gandeiros”, destacou.

Neste sentido, Prado felicitou ao concello de Curtis como “un grande exemplo” do que fan os gobernos do PP, ao traballar por e para os seus veciños e apoiar aos gandeiros. “Grazas ao PPdeG, conseguimos garantir o equilibrio do medio rural, pero as consecuencias da medida impulsada polo Goberno de Sánchez seguen repercutindo”, reiterou, citando os efectos negativos dos ataques en explotacións como as deste municipio.

“No PPdeG comprometémonos a seguir traballando na defensa dos intereses do rural ante todas as autoridades, tanto ante o Goberno central como ante Europa”, subliñou para rematar.

CUANTIOSAS PERDAS PARA OS GANDEIROS

Pola súa banda, o alcalde de Curtis quixo visibilizar o aumento dos ataques de lobo. “Agraváronse nos últimos meses e debemos dar un paso adiante para apoiar aos gandeiros e ás súas explotacións e tomar medidas”, sinalou, facendo fincapé nas “cuantiosas perdas” que supón o ataque da especie para o sector.

Neste municipio, ao igual que noutros concellos galegos, veñen rexistrando un aumento significativo nos últimos meses. Algo que levou ao Concello a solicitar á Xunta unha intervención urxente dada a imposibilidade de actuar derivada da paralización xudicial que sofre o plan de xestión do lobo.

Cómpre recordar que este plan permite medidas de control en casos moi concretos, pero a súa paralización por parte do Tribunal Superior de Xustiza de Galicia (TSXG) impide autorizar na Comunidade medidas de control do lobo por danos recorrentes e acreditados. Algo que, pola contra, xa se fai noutras comunidades como Cantabria ou Castela e León.

A secretaria xeral do Partido Popular de Galicia, Paula Prado, reiterou hoxe o apoio ás demandas do sector da pesca de flexibilizar os controis europeos, fronte á “incoherencia” do PSOE e o “oportunismo” do BNG.

“Somos o Partido da Pesca, como din as nosas siglas: PP. E nunca imos deixar tirados aos nosos mariñeiros”, sinalou durante unha visita á lonxa de Muxía, acompañada da portavoz local e tenente de alcalde, Sandra Vilela, e doutros representantes do partido na comarca.

“Pedímoslle ao Goberno de Sánchez que reaccionara e que aplicara a norma europea respecto ao control da pesca dun xeito que non afogara aos pescadores. E vimos que a flexibilización era posible, só era cuestión de vontade política”, sinalou. Neste sentido, apuntou que o Executivo de Sánchez cambiou a súa postura “grazas á insistencia do PPdeG e, por suposto, grazas á presión do sector”.

Prado puxo en valor a posición “clara e coherente” do PPdeG co sector, fronte a un socialismo “tan entretido cos seus asuntos de corrupción que a pesca é a súa última prioridade” e un independentismo “que en Europa segue aliado co Grupo dos Verdes, que apoiou o veto á pesca de arrastre”.

Ao Goberno central esixiulle “non máis sobresaltos” con este asunto, xa que a “incerteza e a tensión” xerada ao sector do mar nos últimos días foi “gratuíta, innecesaria e totalmente evitable”.

“No PPdeG defendemos ao sector pesqueiro. Nós votamos sempre a favor da xente do mar da Costa da Morte e de toda Galicia”, concluíu.

“O PP SEMPRE ESTIVO AO LADO DOS MARIÑEIROS”

Pola súa banda, Sanda Vilela subliñou que “o PP sempre estivo o lado dos mariñeiros e do sector”, demostrándoo de novo con este problema do regulamento europeo.

Lamentou tamén que o Goberno central “non escoitara antes ao sector” e puxo en valor a pesca artesanal: “Forma parte da nosa identidade e pelexaremos para que sobreviva”.

“POPULISMO” DO BNG CON MERCOSUR

A número dous dos populares galegos apuntou tamén que, do mesmo xeito que a pesca, o PPdeG “ten tamén o agro como unha prioridade” e, como fixo onte no Parlamento Europeo, “vota para protexer os nosos agricultores e gandeiros”.

“Que non nos enganen. O BNG fai populismo: non conseguiu bloquear o acordo de Mercosur, senón que provocou o efecto contrario. Abriu a porta a que se puidese aplicar de xeito inmediato, pero sen o regulamento das cláusulas de salvagarda. E no PP non imos consentilo”, dixo. De feito, explicou, enviar o acordo co Mercosur ao Tribunal de Xustiza da UE “amplía a agonía do campo”.

“Somos o partido do rural e non imos consentir que se aplique o acordo sen as cláusulas de salvagarda automáticas e sen un reforzo claro dos controis en fronteira”, deixou claro Prado respecto das medidas de protección ao sector que o PP reclama e que son “garantía para a actividade económica do sector”. “Ese é o posicionamento do PP: antes de nada, temos que garantir e incrementar a defensa do noso agro”, resumiu.

O Partido Popular de Galicia lamenta que o BNG “dixera unha vez máis ‘non’”, esta vez ao histórico acordo entre a Xunta e a Fegamp para incrementar a achega ao Servizo de Axuda no Fogar (SAF), pero, ao mesmo tempo, “siga sen esixir absolutamente nada” sobre o infrafinanciamento do Goberno de Pedro Sánchez. “Son un meme”, resumen os populares.

O PPdeG lembra que o BNG leva meses pedindo á Xunta, en reiteradas ocasións, aumentar o financiamiento do SAF e por iso, aseguran, non logra entender a súa postura negativa ante o acordo acadado este martes.

“É o ‘non’ polo ‘non’, o ‘non’ a todo, pura hipocrisía, aínda que se trate dunha medida que beneficia aos galegos e galegas. Unicamente fano para levarlle a contraria á Xunta”, sinalan, pedíndolles ademais que “se aclaren entre eles”, tendo en conta que en cada comparecencia pública poñen un custo diferente ao servizo.

De feito, apuntan os populares, resulta “curioso” que o independentismo galego levante a voz contra o Executivo galego mentres cala cando se trata do Goberno de Sánchez, que leva anos incumprindo a súa parte do SAF, lonxe do 50% que lle esixe a lei. “É o que ten ser un socio tan fiel”, ironizan.

“É máis, o acordo que asinaron o PSOE o BNG para materializar o apoio á investidura de Sánchez tamén incluía o compromiso do Goberno central de achegar o 50%, pero todo o mundo sabe que iso foi papel mollado”, engaden.

A débeda do Estado con Galicia en materia de dependencia xa acada este ano os 2.900 millóns de euros. “A Sánchez, enmarañado nas súas tramas de corrupción, nin está nin se lle espera” e ao independentismo galego “só se lle pode tratar como un meme”, conclúen desde o PPdeG.

Os alcaldes e alcaldesas do Partido Popular de Galicia poñen en valor o acordo acadado esta mañá entre a Federación Galega de Municipios e Provincias (Fegamp) e a Xunta de Galicia para incrementar o financiamento do Servizo de Axuda no Fogar (SAF), un servizo esencial para milleiros de familias galegas.

O voceiro dos populares e vicepresidente da Fegamp, Ángel Moldes, destacou que “este é un acordo que dá resposta a un dos grandes problemas que tiñan os concellos, xa que se trataba dun servizo que estaba comprometendo de xeito directo as contas municipais”.

Neste sentido, o tamén alcalde de Poio subliñou a importancia dun entendemento que permite aumentar de xeito importante o financiamento que reciben os municipais para, deste xeito, garantir a continuidade e a calidade do SAF sen poñer en risco a estabilidade financeira das administracións locais.

Moldes quixo tamén agradecer “o diálogo, o entendemento e a disposición da conselleira de Política Social, Fabiola García, para chegar a un acordo que é bo para todos: para os concellos, para a Xunta e, sobre todo, para a cidadanía que precisa deste servizo”.

Así mesmo, desde o PPdeG salientaron que este acordo exemplifica o papel que debe xogar a Fegamp: “Ser un instrumento útil en beneficio da cidadanía e do municipalismo, e non un instrumento para a confrontación”. Unha institución, engadiron, “pensada para chegar a acordos e avanzar, non para bloquealos”.

Alfonso Rueda participó esta fin de semana no acto de presentación da ‘Declaración de Zaragoza’, sobre financiamento autonómico e organizado polo Partido Popular.

O acto pechouno o presidente nacional do PP, Alberto Núñez Feijóo.

A secretaria xeral do PPdeG, Paula Prado, asistiu á comparecencia pública do alcalde de Crecente, Julio César García-Luengo, acompañada polo presidente provincial do PP de Pontevedra, Luis López.

Durante o acto, Julio García-Luengo anunciou que, tras 20 anos de maiorías absolutas á fronte da alcaldía, deixará paso no ano 2027, poñendo fin a unha etapa marcada pola estabilidade, o compromiso e o traballo constante polo ben dos veciños e veciñas de Crecente.

Desde o Partido Popular destacouse e agradeceuse a súa dedicación, a súa vocación de servizo público e a súa contribución á fortaleza do proxecto popular en Galicia, recoñecendo tamén que seguirá sendo unha peza clave da gran familia do PP.

A secretaria xeral do PPdeG, Paula Prado, anunciou hoxe que esixirá no Parlamento de Galicia a dimisión de José Tomé de todos os seus cargos. “Veremos, unha vez máis, que queda do falso feminismo do PSOE e do BNG, máis ocupados en darlle normalidade a este tipo de acordos”, dixo en referencia á postura dos socialistas e independentistas, que aceptaron o voto necesario dun presunto acosador sexual para manterse no goberno na Deputación de Lugo, o que supón “unha vergoña para todos os galegos”.

Defendeu ao PPdeG como “un partido sen líos”, fronte a xestión de PSOE e BNG, encabezados por Xosé Ramón Gómez Besteiro e Ana Pontón, que “pretenden darlle normalidade a este tipo de acordos, pero en ningún caso pode ser normal que unha Deputación conte co apoio dun presunto agresor sexual e que un concello como Monforte teña de alcalde un presunto agresor sexual”. Ademais, subliñou o apoio do PP as vítimas, que anunciaron que acudirán á Fiscalía “porque o socialismo non quere saber delas”.

“Queda claro que, como en Leiro e no conxunto de Galicia, o lugar común da gran maioría, onde se sente máis identificada, segue sendo o Partido Popular”, sinalou durante un percorrido por este municipio de Ourense. Estivo acompañada pola secretaria xeral provincial do PP, Sandra Quintas, e o alcalde de Leiro, Francisco José Fernández.

Reivindicou o PPdeG como “o partido do rural”, centrado “nas preocupacións da xente” e cunha xestión “pensada por e para o rural, desde a estabilidade e coas medidas do Goberno de Alfonso Rueda para facilitar o asentamento de poboación”. Así, despois de poñer como exemplo e visitar o centro de día de Leiro, lembrou que o PP goberna en Galicia no 60% dos concellos de menos de 5.000 habitantes, como é o caso deste municipio.

FRANCISCO JOSÉ FERNÁNDEZ: “TRABALLAR PARA ACHEGAR SERVIZOS AO RURAL”

Pola súa banda, o alcalde de Leiro, Francisco José Fernández, fixo fincapé na xestión do Partido Popular para “traballar por achegar servizos ao rural”.

Así, sacou peito do centro de día do seu municipio, que supón “un servizo fundamental para a veciñanza” e que, ademais, conta cunhas expectativas de crecemento “espectaculares”.

A secretaria xeral do PPdeG, Paula Prado, lamenta a consumación do “pacto guarro” entre PSOE, BNG e o presunto acosador sexual, José Tomé, cuxo voto foi hoxe necesario para que a socialista Carmela López fose elixida como nova presidenta da Deputación de Lugo, semanas despois da dimisión forzada do seu ex compañeiro de filas, por varias acusacións de acoso sexual de mulleres vinculadas ao socialismo. “Hoxe só podo dar o pésame á veciñanza de Lugo porque este tripartito PSOE, BNG e Tomé acaba de enterrar a defensa dos intereses dos cidadáns”, sinala a número dous dos populares galegos.

Prado pregúntalle a socialistas e independentistas “con que cara van defender a partir de hoxe ás mulleres” tras formar goberno co voto dun presunto acosador sexual. Do mesmo xeito, apela a Ana Pontón e a Xosé Ramón Gómez Besteiro como “cómplices” deste pacto. “Que manual de feminismo recomenda formar goberno cun presunto acosador sexual?”, pregúntase.

Á nova presidenta da Deputación de Lugo recórdalle que foi elixida grazas ao apoio deste deputado sobre o que pesan denuncias de mulleres e cualifica de “desvergoña” que Carmela López falase de igualdade durante o seu discurso de investidura. “Ten que saber que ela tamén é cómplice deste pacto guarro”, reitera Paula Prado.

Ademais, o PPdeG amosa de novo a súa solidaridade coas vítimas e asegura que os populares si estarán pendentes de calquera atropelo ás mulleres e ao conxunto da veciñanza de Lugo, como o ocorrido hoxe coa sinatura do pacto. “Todo polo poder, todo polos cartos”, puntualiza Paula Prado.

O PPdeG lamenta que PSOE e BNG vaian consumir mañá o “pacto guarro” cun presunto agresor sexual, José Tomé, cuxo voto é necesario para que a esquerda se manteña no goberno da Deputación de Lugo trala dimisión forzada de Tomé por varias acusacións de acoso sexual.

A secretaria xeral dos populares galegos, Paula Prado, amosou hoxe en Lugo o seu rexeitamento a este “branqueo” dun comportamento “indigno” e que vai supor “escribir unha das páxinas máis negras da historia de Lugo coa complicidade de Xosé Ramón Gómez Besteiro e Ana Pontón”. Por outra banda, amosou o apoio do PP as vítimas do político socialista.

A secretaria xeral do PPdeG, Paula Prado, e a presidenta provincial do PP de Lugo, Elena Candia, fixeron declaracións aos medios na sede dos populares lucenses, onde mantiveron unha reunión na que participaron diferentes representantes, entre eles o portavoz na Deputación, Antonio Ameijide.

A número dous dos populares galegos cualificou de “hipocrisía” o comportamento do PSOE e do BNG, que primeiramente esixiron a José Tomé que deixara de ser tanto deputado provincial como alcalde de Monforte, dúas dimisións que semanas despois seguen sen consumarse. Porén, “despois de pedir o seu cese, mañá consuman ese pacto guarro”.

Neste sentido, criticou a postura do BNG, a quen define como “cómplice” de que mañá na Deputación de Lugo se elixa a unha presidenta co apoio dun presunto acosador sexual. Paula Prado pregúntase con que cara van mirar ás mulleres cando vicepresidan a Deputación co voto de José Tomé e formando goberno coa persoa que encubriu ese presunto acoso, en referencia a Pilar García Porto.

“Estamos ante dous partidos que non respectan os dereitos das mulleres e séntanse con Tomé, vendendo os dereitos das mulleres por medio millón de euros. Ese é o prezo da dignidade das mulleres”, sinalou a número dous dos populares galegos.

Do mesmo xeito, amosouse moi crítica co “aval” de Besteiro e Pontón a ese pacto guarro. “Son cómplices e autorizan esta operación, pola que mañá unha muller vai ser presidenta da Deputación de Lugo co voto dun agresor sexual”, puntualizou sobre os líderes de PSdeG e BNG.

“ONDE ESTÁ O FEMINISMO DA CIG?”

Tamén foi crítica con determinado sector do feminismo galego, preguntándose cantas organizacións se manifestarán mañá diante das portas da Deputación de Lugo. “Vai estar a Marcha Mundial das Mulleres? Vai estar a CIG? Mañá veremos a realidade do feminismo desas mulleres que se manifestan ras rúas pedindo que os agresores sexuais saian das institucións”, manifestou a secretaria xeral do PPdeG ante os medios.

ELENA CANDIA: “OS LUCENSES TEÑEN QUE SABER QUE OS PRINCIPIOS DO BNG VALEN 500.000 EUROS”

Pola súa banda, a presidenta provincial do PP, Elena Candia, analizou o “comportamento moi criticable e indigno dende a nosa humildade opinión” de PSOE e BNG no caso Tomé e no procedemento para a elección da nova presidenta da institución provincial.  “Os lucenses teñen que coñecer quen está ao fronte destes dous partidos políticos e o que valen os seus principios. No caso do BNG, 500.000 euros”.

Candia asegura que o PSOE perpetúa a presentación dunha candidata para a que precisa o voto do ex presidente, a quen o secretario xeral do PSdeG lle pediu a acta e lle pediu a súa dimisión.

A presidenta provincial lembra que o PSOE xa non fala de presunto: “Non imos poñer nós en dúbida se o propio PSOE tivo a contundencia de pedirlle a dimisión. Pero o PSOE ten a compracencia de ampararse no seu voto, que é necesario para a elección da que, como todo parece indicar, será a próxima presidenta da Deputación de Lugo”. E, ademais, ten que apoiarse noutra persoa que foi “absolutamente coñecedora, colaboradora, cooperadora que non deixou a acta e que vai ser imprescindible para esa votación”, engade.

Por outra banda, Candia asegura que  o BNG branquea o comportamento por moi indigno que sexa por 500.000 euros. O seu feminismo a súa defensa dos dereitos das mulleres, as súas reivindicacións que todo coñecemos e constantemente escoitamos quedan minimizadas, branqueadas, normalizadas a cambio de 500.000 euros. A coherencia non existe nestes comportamentos”, puntualiza.

A dirixente popular preguntouse “que foi do BNG” toda vez que “cunha posición férrea defendendo os seus principios esixiu que o candidato á alcaldía Orozco se apartara. De feito, non se sentou a negociar ata que Orozco deixou a súa acta”. E, do mesmo xeito, incluso abandonou o goberno provincial cando o PSOE chegara a un acordo con Martínez -unha vez fóra do PSOE- para aprobar os orzamentos da Deputación de Lugo.

Sobre Tomé lembra que “o ex presidente dicía que no seu momento tomaba esa responsabilidade para restablecer a normalidade democrática” na institución provincial e “acabou provocando a situación máis indigna e máis anómala dentro do análise democrático que tivo esta institución nunca”.

El presidente del PPdeG, Alfonso Rueda, Rueda urgió hoy que el ‘sentidiño’ del Partido Popular aterrice en la Moncloa, de la mano de Alberto Núñez Feijóo, y ha criticado la “tomadura de pelo” de Pedro Sánchez con la financiación autonómica.

Rueda clausuró junto al presidente nacional la 28ª Interparlamentaria del Partido Popular en A Coruña, a la que asistieron cerca de 4.000 personas. El presidente del PPdeG agradeció el alto nivel de participación, así como las intervenciones de los cientos de eurodiputados, diputados nacionales y autonómicos, senadores y representantes de toda España, que durante el fin de semana protagonizaron mesas de debate y propuestas de futuro para el país. Vivienda, empleo, seguridad y regeneración institucional centraron el cónclave que, en palabras del líder de los populares gallegos, reunió a portavoces de diferentes territorios, pero con una misma vocación: “Servir, representar y defender la democracia”.

Durante su intervención, Rueda fue crítico con el pacto en el modelo de financiación acordado esta semana por Sánchez con ERC, que garantiza casi 5.000 millones de euros extra a Cataluña. “Pactar un modelo de financiación bilateral con una formación independentista el día anterior de presentar el modelo para todos es una tomadura de pelo a los ciudadanos. Ni tan siquiera se ha negociado con un Gobierno, sino con un partido independentista que no tiene responsabilidades de Gobierno y cuya principal pretensión es acabar con el Estado español. No vamos a tolerar este chantaje”, lamentó.

En ese sentido, aprovechó para poner en valor la responsabilidad de las comunidades autónomas. “Estamos cubriendo la irresponsabilidad del Gobierno central. Si este país funciona, es porque las autonomías seguimos funcionando. Centradas en lo importante. Ofrecemos gobierno frente al desgobierno, estabilidad frente al caos y avances frente a la parálisis”, señaló.

En este punto, quiso mostrar su respaldo a los compañeros de partido en Aragón (Jorge Azcón), Castilla y León (Alfonso Fernández Mañueco) y Andalucía (Juanma Moreno), de cara a las elecciones de los próximos meses.

GALICIA, TIERRA ABIERTA Y SOLIDARIA

Por otro lado, el presidente de los populares gallegos presumió de Galicia como “tierra de acogida y solidaria”, reivindicando el “valor de la normalidad” en política. “Estamos hartos de campeones, de gente histriónica. Somos una tierra abierta, no somos excluyentes. No nos dejamos atrapar en discursos identitarios y vacíos que enfrentan”, aseveró.

En contraposición a esos discursos de odio y separatistas, Rueda insistió en la “naturalidad y normalidad” del gobierno del Partido Popular en Galicia, deseando que ese ‘sentidiño’ llegue de manera urgente a la Moncloa, con Alberto Núñez Feijóo como futuro presidente del Gobierno.

“Nos llamamos Galicia y nos apellidamos ‘Calidade’. Hacemos las cosas bien. Aquí no somos nacionalistas ni independentistas. Aquí somos gallegos. Y también españoles. Queda demostrado que con más Partido Popular, a España le sentará bien”, señaló. En este sentido, recordó que España “necesita ya a un presidente sensato, que trabaje y haga las cosas bien. España necesita a Alberto Núñez Feijóó en el Gobierno”.

Dirigiéndose al presidente del PP nacional, Rueda trasladó a Feijóo: “Es urgentísimo que llegues a la Moncloa, no para aplaudirte y callarnos. Vamos a ser críticos, no queremos ‘putos amos’ en el Gobierno, queremos que hagas las cosas bien. Vamos a exigir mucho, un poco más si se nos permite. Pero para exigirte, tiernes que estar. Lo fundamental es que España vuelva a tener Gobierno”.

Asimismo, aprovechó para enviar un mensaje claro de apoyo a Venezuela, especialmente a los gallegos que viven allí y a los miles de venezolanos que están en Galicia: “Estamos con vosotros. Lo estuvimos cuando parecía imposible. Lo estuvimos cuando otros miraban para otro lado de manera cobarde y descarada. Lo estuvimos cuando otros —desde aquí, como el BNG— aplaudían la tiranía. Y lo estaremos hasta el final: hasta que se borre por completo la dictadura y Venezuela sea una democracia plena y un país libre”.