Iniciativa sobre a continuación coa aplicación do programa Rexurbe realizando novas convocatorias públicas de adquisición de inmobles e declarando novas áreas Rexurbe

No  programa  electoral  co  que  o  Partido  Popular  de  Galicia  obtivo  a confianza maioritaria dos galegos en setembro de 2016, existía un epígrafe específico sobre a recuperación dos cascos históricos.

Dentro  das medidas  contempladas  neste  epígrafe  contemplábanse medidas de intervención pública directa “orientadas a conseguir a rehabilitación de aqueles cascos ou edificacións que están especialmente degradados  e que requiren,  polo tanto,  unha maior  intervención  pública para conseguir a súa rehabilitación”.

En cumprimento  dese compromiso  electoral, en 2017 a Xunta de Galicia creou o programa Rexurbe, destinado á adquisición e rehabilitación de vivendas en conxuntos históricos, e realizou a primeira oferta pública de adquisición de inmobles en Betanzos, Ferrol, Lugo e Ourense.
A  aposta  decida  da  Xunta  de  Galicia  pola  rehabilitación   directa  en conxuntos  históricos  xa  deu  froitos  no  Casco  Vello  de  Vigo,  no  barrio lucense da Tinería ou no Casco de Vello de Ourense, entre outros, demostrando que se trata dunha liña de actuación que debe manterse no tempo e incrementarse dentro do posible.

Por iso a Xunta de Galicia impulsou na pasada lexislatura a aprobación da Lei 1/2019, do 22 abril, de rehabilitación e de rexeneración e renovación urbanas  de  Galicia,  que  regula  as  áreas  de  rexeneración  urbana  de interese autonómico (Rexurbe).

No novo programa electoral co que o Partido Popular de Galicia volveu a obter a confianza maioritaria dos galegos en xullo de 2020, o compromiso adquirido  foi  o de  poñer  en marcha  a rehabilitación  de  preto  de  3.000 vivendas a través da declaración de novas áreas REXURBE que se creen ao abeiro da devandita Lei de rehabilitación, rexeneración e renovación urbana.

Por iso, desde este Grupo Parlamentario,  presentamos  a seguinte proposición non de lei en ComisiónImage“O  Parlamento   de  Galicia  insta  á  Xunta  de  Galicia  a  continuar  coa aplicación do programa Rexurbe realizando novas convocatorias  públicas de adquisición de inmobles e declarando novas áreas Rexurbe a través da Lei 1/2019, do 22 abril, de rehabilitación e de rexeneración e renovación urbanas de Galicia”.