Cre que puido ser a mensaxe máis difícil na vida de Felipe VI no ano máis difícil da historia recente de España e opina que estivo á altura
O secretario xeral do PPdeG, Miguel Tellado, cualificou de “valente” o discurso pronunciado onte polo Rei e alabou o carácter inspirador das palabras de Felipe VI. O dirixente popular destacou a proximidade da súa mensaxe e a súa especial sensibilidade cara a situación que vive España, tanto no eido sanitario como socioeconómico.
De xeito especial, resaltou o recordo que tivo para as persoas falecidas pola COVID-19 e para as súas familias, ao que todos nos sumamos nun Nadal marcado sen dúbida polas ausencias. Igualmente, subliñou o apoio trasladado pola Súa Maxestade tanto aos colectivos que contribuíron a afrontar os momentos máis duros da pandemia como a aqueles que padecen de forma máis cruel e directo os seus efectos. Tamén puxo en valor a mensaxe esperanzadora que lanzou cara aos mozos do noso país, que viron como as súas expectativas de vida se frearon pola pandemia.
O número dous dos populares galegos opinou que o de onte puido ser o discurso máis difícil na vida de Felipe VI no ano máis difícil da historia recente de España. Neste sentido, considerou que, ao igual que os cidadáns estiveron á altura da complexa situación vivida en 2020, tamén a Súa Maxestade o estivo á hora de escoller as palabras para dirixirse aos españois.
Tellado tamén puxo o acento na presenza dun exemplar da Constitución española na escenografía escollida polo Rei e agradeceu a defensa do texto que explica os mellores anos de progreso e concordia da historia de España.
A este respecto, lamentou que desde as entrañas do Goberno de España se cuestione a Carta Magna e, fronte a iso, compartiu a lealdade expresada por Felipe VI á Constitución “Fronte a un Goberno dividido que anhela unha España dividida, nós compartimos a unidade que garante a Carta Magna que nos demos entre todos os españois, cando a altura de miras dos representantes políticos era moito maior que a que existe hoxe no Consello de Ministros”, resumiu.
