Pregunta sobre o investimento para a adquisición de inmobles nos núcleos históricos de Ferrol, Betanzos, Lugo e Ourense, no marco do programa Rexurbe

O Goberno galego nos últimos anos veu intensificando  a súa aposta pola rehabilitación  de vivendas na nosa Comunidade  a través da convocatoria de distintas liñas de axuda destinadas a preservar o patrimonio construído, mellorar as condicións das vivendas dos galegos e así incidir nunha mellor calidade de vida dos cidadáns. Goberno galego nos últimos anos veu intensificando a súa aposta pola rehabilitación de vivendas na nosa Comunidade   a  través   da  convocatoria   de  distintas   liñas   de  axuda destinadas a preservar o patrimonio construído, mellorar as condicións das vivendas  dos  galegos  e  así  incidir  nunha  mellor  calidade  de  vida  dos cidadáns.

Na pasada lexislatura ademais das distintas liñas de axudas dirixidas aos propietarios  e  aos  concellos  para  a  rehabilitación  de  vivendas  e  dos contornos  urbanos,  a  Xunta  tamén  está  a  impulsar  outras  actuacións directas de rehabilitación,  en distintas  cidades galegas, en inmobles  que son da súa propiedade.

Tamén anunciaba que ía seguir apostando por estas actuacións de rehabilitación  directa,  coa  adquisición  de  novos  inmobles  en  distintos centros históricos de cidades e vilas galegas e publicaba ofertas públicas de adquisición de inmobles nos núcleos históricos dos concellos de Ferrol, Betanzos,  Lugo  e  Ourense  que  serán  rehabilitados  directamente  pola Xunta no marco do Programa Rexurbe.

É por iso que os deputados e deputadas asinantes formulan a seguinte pregunta oral en comisión:

-Que investimento prevé destinar a Xunta para a adquisición de inmobles nos núcleos históricos de Ferrol, Betanzos, Lugo e Ourense, no marco do programa Rexurbe, e para a súa posterior rehabilitación?

Rexistro Iniciativa: http://www.es.parlamentodegalicia.es/Expedientes/11/POC-000032