O Grupo Popular lembra que o Pacto Local asinado polo Goberno bipartito coa Fegamp recollía que os concellos asumían o mantemento dos colexios

Xoves, 20 de Setembro de 2018
8:28 a.m.
Duración de lectura aproximada: 2 minutes

Santiago, 19 de setembro de 2018.- O deputado do Grupo Popular Alberto Pazos criticou hoxe que a deputada socialista Begoña Rodríguez Rumbo “borre episodios da súa vida como responsable de Administración Local e esqueza que no Pacto Local asinado polo Goberno bipartito do que formaba parte xa se recollía que os concellos se farían cargo do custo do mantemento nos centros de ensino, ademais de que o persoal subalterno que presta os seus servizos nos colexios continuaría mantendo a súa relación laboral coa administración local”.

“Non podemos permitir que os socialistas pretendan, unha e outra vez, falsificar a realidade, incluso cando foron os responsables de atribuír competencias no mantemento dos centros docentes aos concellos, primeiro a través da LOE aprobada en 2006 e, pouco máis tarde e a nivel galego, desenvolvendo o Pacto Local durante o Goberno bipartito”, concretou.

TEXTO LITERAL DO ACORDO

Deste xeito, e para que a señora Rodríguez Rumbo e todos os socialistas galegos recuperen a súa memoria, Alberto Pazos deu lectura no debate da proposición non de lei dos socialistas celebrado na sesión da Comisión 1ª celebrada esta mañá ao texto recollido no Pacto Local, subscrito entre o Goberno bipartito e a Federación Galega de Municipios e Provincias (Fegamp):

“(…) Segunda- O presente acordo marco non afectará ao persoal subalterno ou doutro tipo, dependente dos concellos que preste servizos nos centros docentes, seguirá desempeñando as mesmas funcións que xa ten encomendadas e seguirá dependendo laboralmente do concello respectivo.

Terceira.-
A) No que atinxe ás obras de reparación, conservación e mantemento estas son responsabilidade de cada concello, que as debe realizar nos centros de ensino que del dependa. Entre elas se conta, as que de seguido se enumeran so a modo de exemplo:
-Interior: pintura, reparación de carpintería, reposición de portas e outros elementos de carpintería, manillas de portas, cristais rotos, reposicións de bombillas, fallos de electricidade, roturas de tuberías tanto sanitarias como de calefacción ou fecais, fallos no funcionamento da caldeira, limpeza de fosas sépticas, etc.

-Exterior: goteiras no tellado, limpeza e reposición de canalóns e baixantes; pintura, reposición de cristais, limpeza e axardinamento de zonas exteriores e de patios de xogos, conservación e reposición de xogos para alumnos de infantil, desatascamento de conduccións de augas, conservación dos peches perimetrais e das portas de acceso de modo que se impida o libre acceso dende ou para o exterior, etc.”

O deputado popular salientou o compromiso do actual Goberno galego de colaborar cos concellos no mantemento dos centros de ensino, “que vai máis alá de asumir unicamente o pago do gasóleo, como se establecía no pacto, senón que tamén está a afrontar o pago das caldeiras de biomasa, que non estaban contempladas no acordo asinado en 2008”.

Noticias recomendadas

Alberto Pazos afirma que a Comisión de Investigación chega ao seu fin demostrando o bo facer dos gobernos do PPdeG

Venres, 20 de Decembro de 2024

O portavoz do Grupo Popular, Alberto Pazos, manifestou hoxe que a Comisión de Investigación sobre a contratación da Administración galega “está chegando ao seu fin cumprindo os obxectivos que desde

Borja Verea destaca a “imparable” forza do cambio iniciada en Santiago tras a vitoria nas eleccións municipais: “Cada vez somos máis”

Xoves, 19 de Decembro de 2024

O presidente do PP de Santiago, Borja Verea, animou hoxe os seus a seguir traballando con ganas, entusiasmo e ilusión para acadar o obxectivo de gobernar a capital de Galicia

O PPdeG demanda ao Goberno central un plan integral de abordaxe da obesidade dirixido á sociedade en xeral, como o que ten en marcha a Xunta

Xoves, 19 de Decembro de 2024

A portavoz de Sanidade do Grupo Popular, Encarna Amigo, demandou hoxe no Parlamento de Galicia que “o Goberno central, do mesmo que xa está a facer a Xunta de Galicia,

« Siguiente 1 2 3 4 5 6 7 Anterior »

Nome da cookie

Activa

PHPSESSID

care_did

wp-wpml_current_language