Santiago, 16 de decembro de 2021.- O Parlamento galego aprobou hoxe a proposición non de lei do Grupo Popular a través da que se insta á Xunta a seguir desenvolvendo o Plan Estratéxico de Xuventude, sobre todo no referente á posta en marcha da oficina virtual de orientación e asesoramento xuvenil.

?@adrianpardo_es defende seguir desenvolvemento o Plan Estratéxico de Xuventude, “porque traballar pola mocidade é traballar por mellorar o noso presente e axudar a consolidar o noso futuro, porque falase facendo, e a @Xunta ten unha política de feitos” pic.twitter.com/9rGrbKPzBN

— GrupoPopularGalicia (@GrupoPopularGal) December 16, 2021

“Traballar pola mocidade é traballar por mellorar o noso presente, como así o evidencian medidas como a tarxeta Xente Nova ou o Carné Xove, pero tamén axudar a consolidar o noso futuro con medidas como as axudas para a obtención do carné de conducir ou coa oficina virtual de orientación e asesoramento xuvenil”, sinalou o portavoz popular de Xuventude, Adrián Pardo.

O Plan Estratéxico de Xuventude de Galicia aborda un total de 125 medidas agrupadas en seis ámbitos de actuación que tratan de dar resposta ás verdadeiras necesidades da mocidade. Estes ámbitos abranguen o emprego e o emprendemento; o medio rural; o talento e a creatividade; a formación; a participación; e o Xacobeo 21-22.

VIVIR E TRABALLAR LIBREMENTE

“Un plan que guía as políticas destinadas á mocidade e que ten como obxectivo converter a Galicia nun lugar mellor para que a nosa xeración poida vivir e traballar do xeito que libremente desexe”, manifestou Adrián Pardo.

Na súa intervención, o portavoz popular lembrou que na elaboración deste plan implicáronse diferentes departamentos da Xunta “para abranguer todas as necesidades que a nosa xeración poida ter e así poder elaborar políticas transversais”. “Un plan que se fixo de forma participativa e escoitándonos, a través de encontros provinciais e con cuestionarios de valoración das políticas da Xunta neste ámbito, e que contaron coa opinión de máis dun milleiro de rapazas e rapaces”, dixo.

Adrián Pardo criticou ás políticas de xuventude do BNG porque “pensan que se nos pode manipular co pensamento único independentista e onde todos os problemas que nos teñen que preocupar aos máis novos son os relacionados coa causa soberanista”. Así, criticou que no pacto asinado polos nacionalistas galegos co PSOE para apoiar a investidura de Pedro Sánchez “se falaba de dar solucións aos problemas de Galicia, pero da mocidade non falaban absolutamente nada, nin unha liña”.

Respecto do Partido Socialista, afirmou que “sempre que goberna o PSOE á xuventude vainos mal”, polo que pediu ao Goberno central “seriedade e que se poña ao carón da xuventude, non só en conseguir o seu voto, para axudar a construír un futuro sólido para a nosa xeración”.