Proposición non de lei sobre reducción do IVE turístico

Sen  ningunha   dúbida,  un  dos  sectores   máis  debilitados   pola  crise  económica   e sanitaria motivada pola expansión da covid-19 é o sector turístico.

O Estado de Alarma obrigou a pechar durante meses á práctica totalidade dos establecementos   turísticos  en  Galicia,  xusto  ás  portas  do  comezo  da  tempada  alta, perdendo a semana santa a gran parte dos meses do verán.
Este   situación   afectou   especialmente   ás   pequenas   e  medianas   empresas,   que perderon   a  maior  parte  dos  ingresos   do  ano,  moitos  xusto  despois   de  realizar importantes investimentos.

Actualmente,  aínda  que  progresivamente   estanse  recuperando  os  visitantes,  segue existindo unha grandísima volatilidade no sector, que

demanda das administracións públicas seguridade e certezas, así como medidas de dinamización  económica  que  permitan  paliar  os danos  dunha  das  maiores  crises  da historia recente.
Neste  contexto,  resulta  máis  necesario  que  nunca  a  aplicación  de  medidas  de  alto impacto, que permitan repoñerse a un sector fundamental  para a economía de Galicia e do conxunto de España.

Unha destas medidas excepcionais,  amplamente  demanda polo sector, é a rebaixa do IVE  turístico,  que  aliviaría  notablemente   a  carga  fiscal  á  que  están  sometidos  os visitantes, incentivando a demanda e dinamizando economicamente un sector profundamente  debilitado nestes momentos.
Por todo isto:

Image  O Parlamento  de Galicia insta ao Goberno central a reducir o IVE turístico, unha medida fundamental para a recuperación económica dos centos de miles de profesionais do sector turístico en Galicia.

Iniciativa Rexistro: http://www.es.parlamentodegalicia.es/Expedientes/11/PNC-000055