Santiago, 4 de xullo de 2018.- A deputada do Grupo Popular María Antón Vilasánchez subliñou hoxe no Parlamento que “os deputados pontevedreses de PSOE e En Marea marcaron o paso a seguir aos concelleiros socialistas de Santiago ao posicionarse favorablemente cara a ampliación da depuradora de Silvouta” nunha proposición non de lei debatida esta mañá na Comisión 2ª.
O Grupo Popular demanda ao Concello de Silleda que remita á Xunta o expediente completo do PXOM
Santiago, 4 de xullo de 2018.- O portavoz de Ordenación do Territorio do Grupo Popular, Martín Fernández Prado, demandou hoxe ao Concello de Silleda que remita o expediente completo do novo plan xeral á Xunta de Galicia para que esta, no prazo máximo de tres meses, poida resolver.
Jacobo Moreira salienta o cambio de postura do PSOE respecto a ENCE desde que está no Goberno central
Santiago, 4 de xullo de 2018.- O deputado do Grupo Popular Jacobo Moreira salientou hoxe no Parlamento o cambio de postura dos socialistas galegos respecto de ENCE desde que están no Goberno central, xa que “agora xa non son tan entusiastas co populismo de derrogar a concesión, senón que a limitan a que sexa de acordo co desenvolvemento dos procedementos xurídicos vixentes”.
O Grupo Popular afirma que a Xunta ten previsto aprobar o Plan Reitor do Parque Nacional das Illas Atlánticas no último trimestre deste ano
Santiago, 4 de xullo de 2018.- A deputada do Grupo Popular Marián García Míguez avanzou hoxe no Parlamento a previsión de que a Xunta aprobe no último trimestre deste ano o Plan Reitor de usos e xestión do Parque Nacional das Illas Atlánticas, un documento consensuado con todos os sectores implicados e que recollerá todas as actuacións que se poderán realizar e os investimentos que poderán executarse.
O Grupo Popular demandará no Pleno que o Goberno central ratifique que o AVE a Galicia estea en probas en 2019
Santiago, 3 de xullo de 2018.- O Grupo Popular defenderá no Pleno da vindeira semana, ademais de demandar á Administración do Estado que realice as accións legais que recomenda o informe da Comisión de Expertos para reintegrar o Pazo de Meirás ao dominio público, que o Goberno central ratifique que o AVE a Galicia estea funcionando en probas en 2019 e se manteña o compromiso do anterior ministro de Fomento de visitar cada trimestre Galicia para informar dos avances das obras.
Tellado: “A Sánchez aínda non lle dou tempo a estragar a gran herdanza económica que lle deixou o PP”
O secretario xeral do PPdeG, Miguel Tellado, asegurou que a Pedro Sánchez “aínda non lle dou tempo a estragar a gran herdanza económica que lle deixou o goberno do Partido Popular”. Así se expresaba logo de coñecerse os datos do paro de xuño, que reflicten que “Galicia volve demostrar que a súa estabilidade política repercute positivamente na evolución do emprego, con máis afiliacións que a media estatal”.
Pedro Puy amosa “a máxima vontade” do Grupo Popular para chegar a un acordo que permita reintegrar o Pazo de Meirás ao dominio público
Santiago, 2 de xullo de 2018.- O portavoz do Grupo Popular, Pedro Puy, amosou hoxe “a máxima vontade de chegar a un acordo” cos grupos da oposición respecto da proposición non de lei que pide á Administración do Estado que realice as accións legais que o Informe elaborado pola Comisión de expertos recomenda co obxecto de reintegrar o Pazo de Meirás ao ámbito dos bens de dominio público.
Feijóo di que Galicia non permitirá atrasos no AVE, coa “coartada do PSdeG”
01, xullo, 2018. O presidente do Partido Popular de Galicia, Alberto Núñez Feijóo, clausurou este domingo o congreso local da formación en Lalín, no que resultou elixido José Crespo como presidente. “Despois dunha carreira tan extensa e frutífera, o común dos mortais tería perdido xa a motivación e estaría buscando un retiro tranquilo, pero Pepe Crespo non é unha persoa común: é un político extraordinario”, salientou.
Feijóo cre que “moitos pontevedreses hoxe miran ao Concello e ven un proxecto esgotado cun alcalde canso”
O presidente do Partido Popular de Galicia, Alberto Núñez Feijóo, clausurou este sábado o congreso local da formación en Pontevedra, no que resultou elixido Rafael Domínguez como novo presidente. Feijóo gabou o “compromiso con Pontevedra”, o “espírito emprendedor” e a “fortaleza de carácter” de Domínguez, do que subliñou que “sabe escoitar” e “ten a forza e as enerxías necesarias para afrontar este importante reto”. “Estamos a vivir un día grande para o Partido Popular, pero tamén para Pontevedra”, apuntou, para expresar que este conclave é unha oportunidade para “afrontar con certezas o futuro” e volver a ilusionar á cidade.
O Parlamento galego demanda ao Goberno central beneficios fiscais para os afectados pola explosión de Tui
Santiago, 29 de xuño de 2018.- O Parlamento de Galicia aprobou hoxe, a instancias do Grupo Popular, unha proposición non de lei a través da que se demanda ao Goberno central beneficios fiscais para os afectados pola explosión de Tui, que van desde a exención do imposto da renda nas axudas percibidas; as cotas sobre o imposto de bens inmobles das vivendas, establecementos industriais ou locais de traballo; ou das taxas de Tráfico para a tramitación da baixa dos vehículos, ata a redución do imposto de actividades económicas ás industrias cuxos locais fosen danados polo accidente.