Santiago, 28 de xaneiro de 2020.- O deputado do Grupo Popular Martín Fernández Prado asegurou hoxe que a nova Lei de Ordenación do Territorio, que hoxe superou o seu debate de totalidade no Pleno, dotará a Galicia dunha normativa “máis simple, útil, eficiente e práctica, apostando por unha simplificación administrativa, tanto do número de figuras como no procedemento da súa tramitación”.
Pedro Puy amosa a disposición da Xunta o e do PPdeG de colaborar coa Administración do Estado, pero “pedindo o que nos corresponde”
Santiago, 27 de xaneiro de 2020.- O portavoz do Grupo Popular, Pedro Puy, asegurou hoxe que “a Xunta e o PPdeG estamos abertos a cooperar e colaborar coa Administración Xeral do Estado en todo aquilo que sexa bo para Galicia, pero que non nos digan que estamos confrontando cando o único que facemos é pedir o que nos corresponde, o mesmo que están a facer outras comunidades autónomas que ven como o Goberno socialista lles nega o que lles corresponde”.
Tellado lamenta que onte o PSdeG “aplaudise as mentiras do ministro Ábalos”
26, xaneiro, 2020. O secretario xeral dos populares galegos, Miguel Tellado, lamentou este domingo que o PSdeG onte “aplaudise as mentiras do ministro Ábalos”. Así, sinalou que o titular da carteira de Transportes “mentiu cando dixo que as obras do AVE galego rematarían en 2019 e volveu a mentir este sábado cando prometeu que a alta velocidade xa estaría en funcionamento en 2021”. Sobre isto, lembrou que o propio Goberno de España enviou informes á Comisión Europea na que retrasa esta data a 2022.
Feijóo sinala ao PPdeG como a gran maioría aberta a todos os que prefiren moderación, coherencia e defensa dos intereses de Galicia
25, xaneiro, 2020. O presidente dos populares galegos, Alberto Núñez Feijóo, sinalou ao PPdeG como “a gran maioría aberta a todos” os que prefiren moderación, coherencia e defensa dos intereses de Galicia. Unha gran maioría, engadiu, fronte as posicións extremas, a intransixencia, o sectarismo ou as imposicións minoritarias.
Tellado di que Sánchez ratificou esta semana a tripla traizón a Galicia: o IVE, o AVE e o Estatuto electrointensivo
24, xaneiro, 2020. O secretario xeral do PPdeG, Miguel Tellado, di que Pedro Sánchez, os seus ministros e os seus socios ratificaron esta semana as tres traizóns a Galicia: a do IVE, a do AVE e a do Estatuto electrointensivo. “Tres golpes que volven demostrar que este non é o Goberno central que a Comunidade merece nin necesita”, destacou.
Paula Prado critica que o Goberno central “aproveite os cartos dos galegos para maquillar o seu déficit e atender os seus gastos extraordinarios”
Santiago, 22 de xaneiro de 2020.- A viceportavoz do Grupo Popular, Paula Prado, criticou hoxe que a negativa do Goberno de Pedro Sánchez a pagar a débeda de 370 millóns de euros que ten con Galicia responde a que “aproveita os cartos de todos os galegos para maquillar o seu déficit, pagar favores a outras comunidades afíns que lle renden pleitesía ou para atender os seus gastos extraordinarios”. “Gustaríanos saber que pensan os socialistas galegos deste roubo, porque sería unha traizón a Galicia que apoiaran esta decisión que pon os intereses do PSOE por enriba dos intereses e necesidades dos galegos”, apuntou.
Tellado asegura que Sánchez “xa non ten escusas” para non aprobar o estatuto electrointensivo
22, xaneiro, 2020. O secretario xeral do PPdeG, Miguel Tellado, esixiu ao Goberno de Pedro Sánchez que aprobe de forma inmediata o estatuto da industria electrointensiva “ou que vaia pensando en cesar á ministra de Transición Ecolóxica porque non fai o seu traballo”.
O Grupo Popular pedirá no Pleno ao Goberno central que convoque a Mesa das Pontes e que facilite o retorno de españois
Santiago, 21 de xaneiro de 2020.- O Grupo Popular defenderá no Pleno da vindeira semana dúas proposicións non de lei a través da que se demanda con urxencia ao novo Goberno central que convoque a Mesa das Pontes, para establecer a folla de ruta que garanta un futuro para as 750 familias que dependen da actividade da central térmica; e que flexibilice e simplifique a obtención de permisos de residencia e traballo para as parellas mixtas ou con fillos retornadas a Galicia e sen nacionalidade, así como a homologación dos seus títulos universitarios, o troco do carné de conducir ou suprima taxas de expedición do pasaporte ou doutra documentación requirida para o seu retorno.
Pedro Puy prevé o debate de totalidade do proxecto de Lei de ordenación do territorio no Pleno da vindeira semana
Santiago, 20 de xaneiro de 2020.- O portavoz do Grupo Popular, Pedro Puy, avanzou hoxe a previsión de que no vindeiro Pleno se proceda ao debate de totalidade do proxecto de Lei de Ordenación do Territorio de Galicia, “unha normativa máis simple, útil, eficiente e práctica, que aposta por unha simplificación administrativa, tanto do número de figuras coma no procedemento da súa tramitación”.
O Parlamento galego demanda que o Goberno central modifique a normativa para poder incrementar a potencia dos buques que se utilizan para marisqueo
Santiago, 17 de xaneiro de 2020.- O Parlamento de Galicia aprobou hoxe a proposición non de lei do Grupo Popular a través da que se demanda ao Goberno central que modifique o Real Decreto de Ordenación Pesqueira de xeito que se considere a posibilidade de poder rexistrar e empregar como auxiliares de 4ª lista os buques que se utilizan para o marisqueo ou a extracción de recursos específicos coma o percebe, algas, ourizos, a similitude dos buques auxiliares de coral, empregados de facto para achegar aos pescadores alí onde se encontra o recurso.