O Parlamento demanda ao Goberno central que defina os cupos de comercialización de marraxo para 2022

Santiago, 15 de febreiro de 2022.- O Parlamento de Galicia aprobou hoxe por unanimidade a proposición non de lei do Grupo Popular a través da que se esixe ao Goberno de España que tome de inmediato unha decisión para definir e determinar os cupos de comercialización do marraxo para 2022 e non xerar así un agravio comparativo para a frota galega respecto doutros países, así como que estenda esta medida con carácter retroactivo para permitir comercializar as capturas efectuadas en 2020 e 2021 nas mesmas circunstancias que os restantes estados membros da Unión Europea.

Continue reading

O Grupo Popular demandará no Pleno ao Goberno central que se reasignen a Galicia os fondos dos plans de rescate que non se executaron

Santiago, 15 de febreiro de 2022.- O Grupo Popular solicitará no Pleno do Parlamento galego da vindeira semana que o Goberno central reasigne a Galicia os preto de 70 millóns de euros dos terceiro e cuarto plans de rescate, que quedaron sen executar polos difíciles requisitos que esixía o Estado, para a posta en marcha dun novo plan de apoio a autónomos e empresas; así como que impulse unha normativa que regule a prestación universal de servizos financeiros básicos ou esenciais, cunha calidade determinada e a un prezo asequible.

Continue reading

O PPdeG demanda no Parlamento galego que o Estado reintegre a Galicia os 70 millóns dos 3º e 4º plans de rescate que quedaron sen executar

Santiago, 14 de febreiro de 2022.- O Grupo Popular vén de rexistrar unha proposición non de lei no Parlamento galego a través da que se insiste ao Goberno central para que reasigne a Galicia os cerca de 70 millóns de euros que quedaron sen executar dos terceiro e cuarto Plan de Rescate das persoas traballadoras autónomas, profesionais e empresas afectadas pola crise da Covid-19, a consecuencia dos difíciles requisitos de cumprir que se impuxeron por parte do Estado.

Continue reading

O Parlamento demanda ao Goberno de España que concrete a planificación para adecuar os anchos de vía ferroviaria entre Ourense e Santiago

Santiago, 10 de febreiro de 2022.- O Parlamento de Galicia aprobou hoxe unha proposición non de lei do Grupo Popular, sen o apoio do Grupo Socialista, a través da que se pide ao Goberno español que concrete a planificación que ten prevista para a adecuación dos anchos de vía ferroviaria existentes no interior de Galicia, especialmente para adaptar a conexión entre Ourense e Santiago ao ancho de vía internacional, tendo en conta os beneficios que iso suporía en canto a maior competencia de operadores e para o conxunto de Galicia.

Continue reading

O Parlamento galego demanda á Xunta rematar o tramo Combarro-Fontela da estrada PO-308 en 2022

Santiago, 10 de febreiro de 2022.- O Parlamento de Galicia aprobou hoxe, logo dunha transacción entre o Grupo Popular e o Grupo Socialista, unha proposición non de lei a través da que se insta á Xunta a continuar traballando en mellorar a seguridade viaria e favorecer a mobilidade peonil na estrada PO-308 ao seu paso polo concello de Poio, nomeadamente nos treitos Combarro-Chancelas-Samieira e Combarro-Fontenla, executando este último treito neste ano 2022.

Continue reading

O PPdeG insiste na necesidade de que o Goberno central se implique no proxecto para que o estaleiro de Navantia sexa competitivo

Santiago, 10 de febreiro de 2022.- A deputada do Grupo Popular Teresa Egerique incidiu hoxe no Parlamento galego “na necesidade de poñer en marcha o proxecto, que conta cun gran consenso técnico, social e político en Ferrol e que suporá que o estaleiro de Navantia sexa competitivo, que consiste no encargo por parte do Goberno central da construción dun buque de acción marítima para a Armada Española, iniciar canto antes a construción das fragatas F-110, axilizar o proceso de modernización do estaleiro e impulsar a área de turbinas para o deseño e comercialización de novos produtos destinados a enerxías renovables.

Continue reading