Santiago, 27 de novembro de 2019.- O portavoz de Sanidade do Grupo Popular, Aurelio Núñez Centeno, salientou esta tarde que o auto do Xulgado de Instrución número 3 de Santiago que arquiva o caso da hepatite C “recoñece a correcta actuación desenvolvida polos cargos do Sergas, que respondeu unicamente a criterios dos especialistas médicos e totalmente allea a intereses económicos, como denunciaron ata a saciedade os grupos da oposición e organizacións interesadas”.
O Parlamento demanda ao Goberno de España un cambio lexislativo que considere prioritaria a defensa da muller deportista no embarazo
Santiago, 27 de novembro de 2019.- O Parlamento de Galicia aprobou hoxe unha proposición non de lei, logo dunha transacción entre o Grupo Popular e o Grupo Mixto, a través da que se insta á Xunta a realizar unha campaña de concienciación entre as federacións deportivas galegas co obxectivo de que inclúan comportamentos discriminatorios como as cláusulas antiembarazo como censurables nos seus códigos de boas prácticas, dentro do seu réxime de financiamento e relacións de partenariado, patrocinio e esponsor. A través desta campaña tamén se poñerá en valor o dobre esforzo realizado polas mulleres deportistas que deciden ser nais ao longo da súa carreira deportiva, conseguindo así un maior apoio dos patrocinadores e esponsors.
O PPdeG demanda acordos entre a Xunta e deputacións para prestar o servizo de extinción de incendios e salvamento nas zonas de sombra
Santiago, 27 de novembro de 2019.- O Parlamento de Galicia aprobou hoxe, logo dunha transacción entre o Grupo Popular e o BNG, unha proposición non de lei a través da que se demanda á Xunta que desenvolva a Lei de emerxencias en todas aquelas cuestións pendentes de planificación e desenvolvemento normativo, estudando e acordando solucións con outras administracións públicas para prestar con garantías o servizo de extinción de incendios e salvamento nas zonas de sombra nas que os tempos de resposta superen os 20 minutos.
O Parlamento galego demanda para as festas parroquiais o recoñecemento como patrimonio cultural inmaterial
Santiago, 26 de novembro de 2019.- O Parlamento galego aprobou hoxe por unanimidade a proposición non de lei do Grupo Popular a través da que se insta á Xunta a que recoñeza ás festas parroquiais galegas como patrimonio cultural inmaterial de Galicia na súa categoría de Ben de Interese Cultural.
O Grupo Popular pedirá ao Goberno central no Pleno a eliminación da taxa de reposición na sanidade e novas poxas de enerxías renovables
Santiago, 26 de novembro de 2019.- O Grupo Popular defenderá no Pleno da vindeira semana que o Goberno central retire a limitación das taxas de reposición de prazas no sistema sanitario publico e convoque novas poxas de enerxías renovables para permitir aumentar a potencia eólica instalada en Galicia.
Puy afirma que, o debate esta semana de decretos-lei no Congreso, confirma que un Goberno en funcións pode aprobar pagar o que debe a Galicia ou o estatuto das electrointensivas
Santiago, 25 de novembro de 2019.- O portavoz do Grupo Popular, Pedro Puy, afirmou hoxe que, o debate esta mesma semana na Deputación Permanente do Congreso de tres decretos-lei, confirma que un Goberno en funcións pode aprobar os decretos-lei correspondentes para abonar a Galicia o que lle debe pola mensualidade do IVE de 2017 ou as compensacións por ser unha comunidade cumpridora en materia de estabilidade, ou para aprobar o estatuto que beneficie as empresas electrointensivas.
O Grupo Popular avoga por continuar desenvolvendo iniciativas para a eliminación da violencia contra a muller
Santiago, 25 de novembro de 2019.- O portavoz do Grupo Popular, Pedro Puy, avogou hoxe por continuar desenvolvendo iniciativas para a eliminación da violencia contra a muller e afirmou que o PPdeG “sempre estará posicionado neste sentido, como o demostramos no último Pleno no que apoiamos a aprobación unánime de cinco acordos pola igualdade e contra a violencia contra a muller”.
Tellado: “Vivimos nunha situación de inestabilidade absoluta patrocinada por Pedro Sánchez”
24, novembro, 2019. O secretario xeral do PPdeG, Miguel Tellado, lamentou este domingo nunha entrevista en Radio Galega que “vivimos nunha situación de inestabilidade absoluta patrocinada por Pedro Sánchez”. Cuestionado acerca do pacto de investidura entre PSOE e Podemos, que cualificou de “erro histórico” salientou que “é moi difícil que funcione un Goberno que se basee no populismo e que teña que apoiarse nos que queren que a España lle vaia mal”.
O Parlamento galego demanda ao Goberno central un incremento das posibilidades de pesca do bonito
Santiago, 22 de novembro de 2019.- O Parlamento de Galicia aprobou hoxe por unanimidade unha proposición non de lei do Grupo Popular a través da que se demanda ao Goberno central que, tendo presente os datos nos que aprecia que o bonito se atopa en boa situación biolóxica, reivindique un incremento das posibilidades de pesca para esta especie e estude unha mellor xestión e reparto de cota que permita alongar a campaña de bonito, canto menos, ata o mes de setembro.
Tellado tacha de “clamorosos” os silencios de Sánchez e Caballero ante os casos de corrupción do PSOE
22, novembro, 2019. O secretario xeral do PPdeG, Miguel Tellado, tacha de “clamorosos” os silencios de Sánchez e Caballero ante os casos de corrupción do PSOE. Así se expresaba referíndose á sentencia dos ERE coñecida esta semana, que fala dun modelo de corrupción sistémica, orquestrada desde un Goberno autonómico que serviu para desfalcar 680 millóns de euros de todos os cidadáns.