Santiago, 7 de maio de 2019.- A deputada do Grupo Popular Encarna Amigo subliñou hoxe no Pleno do Parlamento o compromiso asumido polo Goberno galego de crear 40 novas prazas de fisioterapia na atención primaria galega. “Na Consellería de Sanidade sábese da importancia e do indubidable valor que aportan os profesionais de fisioterapia do Servizo Galego de Saúde, fundamentalmente no ámbito da atención á patoloxía crónica e na prevención da patoloxía músculo-esquelética”, apuntou.
O PPdeG pide ao Goberno do Estado que facilite o financiamento previsto na lei para a mellora das condicións da docencia non universitaria
Santiago, 7 de maio de 2019.- O portavoz de Educación do Grupo Popular, César Fernández Gil, demandou hoxe no Pleno do Parlamento que o Goberno do Estado habilite o financiamento para o ensino galego, de acordo co previsto na Lei de mellora das condicións para o desempeño da docencia e a ensinanza no ámbito da educación non universitaria, como paso previo a que se poida adoptar a decisión máis acaída respecto dos horarios do persoal docente.
O PPdeG afirma que a nova lei de farmacia garante á cidadanía un acceso rápido, eficaz, oportuno, equitativo e racional aos medicamentos”
Santiago, 7 de maio de 2019.- A deputada do Grupo Popular Marta Rodríguez-Vispo asegurou hoxe no Parlamento que a nova lei de ordenación farmacéutica, que hoxe foi debatido na súa totalidade no Pleno, “está orientado á regulación da atención farmacéutica entendida como servizo de interese público e dirixida a garantir á cidadanía o acceso rápido, eficaz, oportuno, equitativo e racional aos medicamentos e produtos sanitarios que necesite”.
O Parlamento aproba a lei que permite ao Goberno galego utilizar os 125 millóns do superávit de 2018 en educación, sanidade e servizos sociais
Santiago, 7 de maio de 2019.- O Parlamento de Galicia aprobou hoxe a Lei que permite ao Goberno galego utilizar 125 millóns do superávit de 2018 para reducir o endebedamento, aforrar gastos financeiros e financiar investimentos en sanidade, educación, servizos sociais e no medio rural.
Paula Prado asegura que a utilización do superávit por parte do Goberno galego “é exercer o noso autogoberno e defender os intereses de Galicia”
Santiago, 6 de maio de 2019.- A viceportavoz do Grupo Popular, Paula Prado, afirmou hoxe que a utilización por parte do Goberno galego do superávit de 2018, cuxo proxecto de lei debaterase mañá no Pleno do Parlamento, “é exercer o noso autogoberno e defender os intereses de Galicia”. Deste xeito, demandou aos grupos da oposición, “que tanto se teñen manifestado pedindo un maior investimento en sanidade, educación e servizos sociais, que apoien este proxecto de lei para que estes 125 millóns do superávit sexan útiles para os galegos e se gasten nas súas necesidades reais”.
Tellado: “Que Galicia sexa o territorio onde máis baixa o paro referenda a política económica do PPdeG”
06, maio, 2019. O secretario xeral do PPdeG, Miguel Tellado, valorou os datos de desemprego do pasado mes de abril publicados esta mañá, destacando que Galicia é o territorio onde máis baixa o paro, feito que “referenda a política económica do PPdeG”.
O Parlamento insta á Xunta a levar a cabo as actuacións comprometidas para o mantemento da dársena do porto de Camariñas
Santiago, 3 de maio de 2019.- O Grupo Popular apoiou hoxe no Parlamento a aprobación dunha proposición non de lei a través da que se insta ao Goberno galego a levar a cabo, antes de que remate este período de sesións, as actuacións comprometidas no seu día, para o mantemento da dársena do porto de Camariñas.
Tellado: “Cando nos trabucamos temos que escoitar á cidadanía para retomar o rumbo que nos pide”
5, maio, 2019. O secretario xeral do PPdeG, Miguel Tellado, salientou que a división do voto do centro e da dereita foi clave o 28 de abril. Así, de cara as próximas eleccións municipais, incidiu en que é preciso unir e concentrar todo este electorado: “O PP é a única ferramenta posible para poñer freo ao populismo e ao nacionalismo que acompañan ao PSOE”.
Feijóo avoga por reconstruír “a nova maioría”
04, maio, 2019. “Todos os españois que somos diferentes, pero que compartimos moitas cousas, xa estivemos xuntos e, por iso, podemos reconstruír a nova maioría”, destacou o presidente do PPdeG, Alberto Núñez Feijóo.
Tellado lamenta que o dieselazo de Sánchez lle vaia custar aos galegos 70 millóns de euros ao ano
3, maio, 2019. O secretario xeral do PPdeG, Miguel Tellado, lamentou que o dieselazo de Pedro Sánchez lle vaia custar aos galegos 70 millóns de euros ao ano, unha medida que afectará a milleiros de condutores en Galicia, incluídas familias e pequenas e medianas empresas que terán máis gastos.