Santiago, 5 de xuño de 2019.- O deputado do Grupo Popular Moisés Blanco demandou hoxe no Parlamento que o Instituto Enerxético de Galicia (Inega) intensifique as súas axudas dirixidas ao sector agrícola primario para a mellora da eficiencia e o aforro enerxético, así como para o fomento das enerxías renovables.
O Grupo Popular lembra que a Xunta xa conseguiu que Iberdrola manteña o emprego na comarca de Valdeorras
Santiago, 5 de xuño de 2019.- O deputado do Grupo Popular Moisés Blanco afirmou hoxe no Parlamento que a Xunta de Galicia “xa conseguiu que a empresa Iberdrola manteña o emprego na comarca de Valdeorras, logo de que a empresa eléctrica se comprometera a minimizar o impacto do proceso de reorganización no centro de operacións que ten na zona, garantindo a continuidade de todos os traballadores”, tal e como confirmou o pasado 16 de maio o director xeral de Enerxía e Minas nunha comparecencia no Parlamento galego.
O PPdeG salienta que o decreto de vivendas turísticas “está conseguindo ordenar con éxito este sector”
Santiago, 5 de xuño de 2019.- A portavoz de Turismo do Grupo Popular, Cristina Romero, salientou hoxe no Parlamento que o decreto 12/2017 polo que se establece a ordenación de apartamentos turísticos, vivendas turísticas e vivendas de uso turístico na Comunidade galega “está conseguindo ordenar con éxito este sector brindando un marco de seguridade e loitando contra a competencia desleal sen restar competitividade ao sector hoteleiro”. De feito, salientou que “a demanda turística nos establecementos tradicionais está a medrar un 5 por cento e a rendibilidade hoteleira é hoxe a máis alta da década”.
Tellado: “A humildade nas vitorias é o que nos diferenza dos que celebran as súas derrotas”
5, xuño, 2019. O secretario xeral do PPdeG, Miguel Tellado, asegurou que a humildade nas vitorias “é o que nos diferenza dos que celebran as súas derrotas”, insistindo en que os populares só coñecen unha receita para acadar o éxito: “Humildade, esforzo e defensa dos intereses da nosa Comunidade e dos nosos veciños e veciñas”.
O Parlamento galego demanda a creación dun órgano colexiado que coordine a protección dos consumidores entre Xunta e concellos
Santiago, 5 de xuño de 2019.- O Parlamento de Galicia aprobou hoxe a proposición non de lei do Grupo Popular a través da que se insta á Xunta a crear un órgano colexiado de carácter consultivo e participativo entre a Administración Autonómica e as entidades locais galegas co obxectivo de procurar a máxima coordinación, cooperación e participación nas materias que afecten á protección dos dereitos das persoas consumidoras e usuarias, desenvolvendo a Lei 2/2012 galega de protección xeral das persoas consumidoras e usuarias.
O Parlamento solicita ao Concello de Abadín que subsane as obras que imposibilitan o acceso á súa vivenda a unha persoa con discapacidade
Santiago, 5 de xuño de 2019.- O Parlamento de Galicia aprobou hoxe por unanimidade, logo dunha transacción entre o Grupo Popular, Grupo Socialista e En Marea, unha proposición non de lei a través da que se solicita ao Concello de Abadín que proceda á subsanación dos efectos negativos das obras realizadas que imposibilitan o acceso á súa vivenda dunha persoa con discapacidade no lugar de Couto na parroquia de Abeledo.
O Grupo Popular salienta que o persoal no Hospital de Verín se incrementou un 38% nos últimos dez anos
Santiago, 5 de xuño de 2019.- A deputada do Grupo Popular Marta Rodríguez-Vispo salientou hoxe que “o cadro de persoal do Hospital de Verín incrementouse nos últimos dez anos un 38 por cento, pasando de 154 a 213 traballadores, ao tempo que se ampliou a súa carteira de servizos con consultas de cardioloxía, neuroloxía, reumatoloxía, dixestivo, endocrinoloxía e oncoloxía médica”.
O Grupo Popular salienta que nos últimos 10 anos incrementáronse 20 prazas de auxiliar de enfermería e 8 de celadores no Hospital do Salnés
Santiago, 5 de xuño de 2019.- O portavoz de Sanidade do Grupo Popular, Aurelio Núñez Centeno, salientou hoxe no Parlamento que “nos últimos dez anos incrementáronse 20 prazas de técnicos en coidados auxiliares de enfermería e outras 8 de celadores no Hospital do Salnés, a pesar das dificultades económicas que atravesou Galicia neste período”. “O número de efectivos destas categorías, como de calquera outra, é incrementado cando as necesidades asistenciais así o demandan”, apuntou.
O Grupo Popular demanda que a Xunta convoque o grupo de traballo de emerxencias unha vez se constitúan as novas corporacións locais e a Fegamp
Santiago, 4 de xuño de 2019.- O deputado do Grupo Popular Jacobo Moreira demandou hoxe que a Xunta convoque o grupo de traballo de emerxencias unha vez se constitúan as novas corporacións locais e a dirección da Federación Galega de Municipios e Provincias (Fegamp), para acordar a sede dos novos grupos de emerxencias supramunicipais (GES) atendendo ao mapa de isocronas existente.
Tellado salienta que Galicia sexa a segunda comunidade autónoma na que máis baixou o paro no último ano
Santiago, 4 de xuño de 2019.- O viceportavoz do Grupo Popular, Miguel Tellado, salientou hoxe que “o desemprego continuou caendo no mes de maio na Comunidade galega, e xa levamos seis anos consecutivos descendendo, situando a Galicia como a segunda comunidade autónoma de España na que máis baixou o paro no último ano”. Diante destes datos, celebrou “as palabras da ministra da ministra de Economía, Nadia Calviño, nas que recoñecía que non era conveniente derrogar a reforma laboral do Partido Popular, admitindo que esta reforma impulsada polo Goberno de Mariano Rajoy foi fundamental para sacar a España da crise e instalala no crecemento económico”.
Miguel Tellado salientou que o paro en Galicia descendera no último ano en 15.891 persoas, o que supón unha baixa do 8,99 por cento, moi por enriba do 5,31 por cento da media nacional. Neste sentido, salientou que o paro na Comunidade galega se situara en niveis moi inferiores aos rexistrados hai dez anos.
No que respecta ás afiliacións á Seguridade Social, Tellado destacou que “Galicia supera o millón de afiliados, logo de rexistrar un incremento superior ao dous por cento no último ano, en concreto 20.315 afiliados máis”.
REFORMA LABORAL ÚTIL
O viceportavoz popular salientou que esta redución do desemprego, tanto a nivel nacional como galego, “está a demostrar que a reforma laboral impulsada polo Goberno do PP ten sido útil e está sendo útil para sacar a España da situación de crise económica e de crecemento do desemprego que padecíamos hai uns anos”.
Así, lembrou que a ministra Nadia Calviño recoñecera a semana pasada que “non é conveniente derrogar esta reforma laboral, admitindo que mentiron de forma consciente cando criticaban esta medida e dicían que o primeiro que farían ao chegar ao Goberno sería derrogala”.