10, marzo, 2019. O secretario xeral dos populares galegos, Miguel Tellado, lamentou este domingo que “Pedro Sánchez só se acordou de Galicia para vir pedir o voto”. “Hoxe vén á nosa Comunidade como candidato do PSOE á presidencia do Goberno, porque en oito meses como presidente non apareceu por aquí”, destacou nunha entrevista concedida a RNE.
Feijóo di que ante as demais forzas políticas, está a garantía, a firmeza e a unidade do PP, que é o voto útil para Galicia e España
09, marzo, 2019. O presidente do PPdeG, Alberto Núñez Feijóo, dixo que, “ante o PSOE de Pedro Sánchez, está a garantía do PP; ante o populismo que só busca romper e só consegue autodestruírse, está a firmeza do PP; ante o nacionalismo e o independentismo que divide está unir as forzas no Partido Popular; e ante os partidos aos que Galicia non lles importa absolutamente nada, está o voto útil para Galicia que é ao Partido Popular”.
O Grupo Popular solicitará no Pleno que o Goberno do Estado permita cubrir as vacantes da Policía Autonómica
Santiago, 5 de marzo de 2019.- O Grupo Popular defenderá no Pleno da vindeira semana que o Ministerio do Interior articule un concurso de méritos na Policía Nacional para cubrir as vacantes da unidade de Policía adscrita á Comunidade galega. Así mesmo, pedirá que o Concello de Vigo retorne ao consenso acadado hai tres anos para a modificación da Lei da Área Metropolitana e cumpra o convenio asinado en materia de transporte metropolitano.
Continue reading
Continue reading
Pedro Puy salienta que Galicia acadara en febreiro a menor cifra de paro feminino desde 1996
Santiago, 4 de marzo de 2019.- O portavoz do Grupo Popular, Pedro Puy, salientou hoxe que Galicia acadou no mes de febreiro a menor cifra de paro feminino desde 1996, con 482.000 mulleres afiliadas á Seguridade Social, tres puntos máis que no 2009.
Continue reading
Continue reading
Tellado: “A estabilidade de Galicia segue protexendo aos galegos do Efecto Sánchez de destrución do emprego”
4, marzo, 2019. O secretario xeral do PPdeG, Miguel Tellado, puxo en valor que a estabilidade de Galicia siga protexendo aos galegos do Efecto Sánchez de destrución do emprego que supuxo a chegada do socialista á presidencia do Goberno. Así, tras coñecerse as cifras do paro do mes de febreiro, a nosa Comunidade é a segunda que rexistra un maior descenso do desemprego.
Feijóo avoga por sumarse á xente que loita pola igualdade e por afastarse daqueles que a usan como arma partidista
03, marzo, 2019. “Eu non quero imitar aos que usan a igualdade como arma partidista, senón que quero sumarme á xente que usa todas as armas democráticas para garantir a igualdade real e efectiva”, indicou o presidente do PPdeG, Alberto Núñez Feijóo, ao tempo que lamentou que se utilice precisamente este tema como un elemento de confrontación. “Non tratemos a igualdade como unha disputa partidista máis. Celebremos o que conseguimos todos xuntos e reivindiquemos o que nos falta por lograr todos xuntos tamén”, incidiu.
Feijóo di que, fronte aos que queren demostrar o compromiso social con palabras baleiras, o PPdeG faino con “feitos, cifras e logros”
02, marzo, 2019. O presidente dos populares galegos, Alberto Núñez Feijóo, dixo que, mentres outras formacións queren demostrar o seu compromiso social con palabras baleiras, o Partido Popular faino con “feitos, cifras e logros”.
Feijóo asegura que o voto ao Partido Popular “mereceu a pena” e foi “útil” para Galicia na última década
1, marzo, 2019.O presidente do PPdeG, Alberto Núñez Feijóo, asegurou que o voto ao Partido Popular “mereceu a pena” e foi “útil” para a nosa Comunidade na última década. Así se expresaba no acto de conmemoración da súa primeira vitoria electoral hai dez anos, unha data na que “os galegos decidiron abrir unha nova etapa en Galicia”.
O Grupo Popular salienta o crecente papel emprendedor das mulleres no medio rural
Santiago, 28 de febreiro de 2019. A deputada popular Raquel Arias resaltou hoxe no Parlamento o incremento do peso da muller nas explotacións agrarias galegas e, en xeral, nas iniciativas empresariais impulsadas por mulleres no campo. Do mesmo xeito, Arias puxo en valor a “implicación do Goberno da Xunta na posta en marcha de medidas que favorecen a igualdade real de oportunidades das mulleres rurais, a súa visibilidade e a súa profesionalización”.
Continue reading
Continue reading
O PPdeG trasladará a Medio Rural a necesidade de rematar a parcelaria de Villestro e Figueiras en Santiago
Santiago, 28 de febreiro de 2019.- A viceportavoz do Grupo Popular, Paula Prado, acompañada do voceiro do Medio Rural, Moisés Rodríguez, reuniuse esta tarde con representantes dos veciños de Villestro e Figueiras e comprometeuse a trasladar á Consellería do Medio Rural a necesidade de rematar o proceso de concentración parcelaria que está en marcha nestas dúas parroquias composteláns.
Así mesmo, Paula Prado comunicou aos veciños que a Consellería está traballando nun proxecto de Lei de recuperación e posta en valor das zonas agrarias e forestais de Galicia, que permitirá potenciar os mecanismos de reestruturación parcelaria actualmente en marcha.
Pola súa banda, Moisés Blanco avanzou que o Grupo Popular apoiará hoxe a aprobación na Comisión 7ª dunha proposición non de lei a través da que se insta á Xunta a que remate o proceso de concentración parcelaria do monte nas parroquias de Figueiras e Villestro, iniciado no ano 1991 e coas bases definitivas aprobadas desde 2009.
Blanco lembrou o compromiso do Goberno galego de rematar ao longo da presente lexislatura os 108 procesos de concentración parcelaria abertos, salientando os 20,5 millóns de euros que se contemplan nos orzamentos da Xunta para este ano co fin de avanzar neste proceso.