Santiago, 14 de xullo de 2017.- A portavoz de Xuventude do Grupo Popular, Sandra Vázquez, subliñou hoxe que “os menores de 30 anos son un colectivo prioritario para o Goberno galego” e lembrou o obxectivo de crear 20.000 novos postos de traballo para a mocidade coa execución da Axenda 20.
Continue reading
O Parlamento aproba instar á Xunta a elaborar unha APP con acceso aos datos de vacinación dos nenos e adultos
Santiago, 14 de xullo de 2017.- O Parlamento de Galicia aprobou hoxe, a instancias do Grupo Popular, unha proposición non de lei a través da que se insta á Xunta a elaborar unha app para dispositivos móbiles que facilite recordatorios e acceso aos datos de vacinación dos nenos e adultos. “É unha ferramenta fácil, accesible e gratuíta que vai servir para que sexan máis os que se vacinen, mellorando as coberturas da poboación”, sinalou a deputada Marta Rodríguez-Vispo.
Continue reading
O Grupo Popular demanda medidas para mellorar as condicións laborais entre as empregadas do fogar
Santiago, 14 de xullo de 2017.- A portavoz de Igualdade do Grupo Popular, Marián García Míguez, demandou hoxe no Parlamento a posta en marcha de medidas e accións para mellorar as condicións laborais entre as empregadas do fogar en Galicia, nun marco de consenso co Consello Galego de Relacións Laborais.
Continue reading
Daniel Vega pide axilidade aos concellos na designación dos seus representantes no grupo de traballo para a mellora da liña ferroviaria Ferrol-Ribadeo
Santiago, 13 de xullo de 2017.- O deputado do Grupo Popular Daniel Vega demandou hoxe aos concellos axilidade na designación dos seus representantes para proceder á constitución do grupo de traballo entre Xunta, Renfe e administracións locais para levar adiante as actuacións de mellora da liña ferroviaria entre Ferrol e Ribadeo.
Continue reading
O Grupo Popular apoia demandar que se respecten as condicións laborais e salariais do persoal que traballa na ampliación da Ponte de Rande
Santiago, 13 de xullo de 2017.- O Grupo Popular apoiou hoxe no Parlamento a aprobación dunha proposición non de lei a través da que se insta ao Goberno galego a promover, no marco da Comisión de Seguimento sobre a AP-9, o respecto das condicións laborais e salariais do persoal que traballa nas obras de ampliación da Ponte de Rande.
Continue reading
O Parlamento galego demanda á Xunta que vele porque o cambio de propiedade do Banco Pastor teña o menor impacto económico e no emprego para Galicia
Santiago, 12 de xullo de 2017.- O Parlamento de Galicia aprobou hoxe por unanimidade unha proposición non de lei, logo dunha transacción entre o Grupo Popular e o Grupo Socialista, a través da que se insta á Xunta para que vele porque o cambio na propiedade no Banco Pastor teña para Galicia o menor impacto posible sobre a concesión de crédito e o emprego, ao tempo que expresa a firme convicción da Cámara de defender diante do Banco de Santander que o Banco Pastor teña a condición xurídica de filial integrada dentro do grupo bancario.
Continue reading
O Grupo Popular defende un debate sereno, serio e responsable sobre a xestación subrogada
Santiago, 12 de xullo de 2017.- A viceportavoz do Grupo Popular, Paula Prado, defendeu hoxe no Parlamento galego que o Parlamento europeo faga un estudo e análise da situación actual da diferente normativa dos estados membros sobre a xestación subrogada, co fin de levar a cabo a armonización lexislativa nesta materia dentro do ámbito da Unión Europea. “É preciso que se produza un debate sereno, serio e responsable, e se estuden as implicacións nos dereitos humanos non só das mulleres senón tamén dos menores co fin de evitar o turismo reprodutivo”, manifestou Paula Prado, quen considerou “preciso que se proceda á harmonización lexislativa nesta materia dentro do ámbito da Unión Europea para que o que non se dea nun país se poda dar no do lado”.
Continue reading
O Parlamento demanda aos concellos a devolución aos contribuíntes recadadas a través da plusvalía municipal
Santiago, 12 de xullo de 2017.- O Parlamento galego aprobou hoxe unha proposición non de lei, impulsada polo Grupo Popular, a través da que se demanda aos concellos galegos a habilitación de mecanismos para proceder á devolución aos contribuíntes afectadas das cantidades indebidamente recadadas a través da plusvalía municipal, naquelas situacións de vendas de inmobles con perda nos que a regulación do imposto facía pagar este imposto. Para isto, demándase que esta devolución se realice do xeito máis eficaz posible e mediante procedementos áxiles, co fin de evitar a conflitividade neste ámbito tributario.
Continue reading
O Parlamento galego demanda a mellora da seguridade dos ciclistas nas estradas galegas
Santiago, 12 de xullo de 2017.- O Parlamento de Galicia aprobou hoxe por unanimidade unha proposición non de lei, impulsada polo Grupo Popular, a través da que se solicitan melloras para a seguridade dos ciclistas nas estradas galegas, a través da reforma do Código Penal para recupera a figura da imprudencia, intensificando o control nos tramos de maior concentración de ciclistas ou mellorando a sinalización que recorde a presenza de ciclistas.
Continue reading
O grupo Popular subliña que o 88,9% das camas hospitalarias estarán operativas este verán
Santiago, 11 de xullo de 2017.- O portavoz de Sanidade do Grupo Popular, Aurelio Núñez Centeno, subliñou hoxe que “este verán estarán operativas o 88,9 por cento das camas hospitalarias, estando as restantes en disposición de ser atendidas con persoal se fose preciso”. “É un punto porcentual máis que o pasado ano, cando a ocupación durante os meses de verán só chegou ao 75 por cento”, concretou.
Continue reading