Santiago, 20 de decembro de 2017.- O Parlamento de Galicia aprobou hoxe por unanimidade unha proposición non de lei, impulsada polo Grupo Popular, a través da que se demanda á Xunta a dotar de modo progresivo de aseos adaptados para pacientes ostomizados en todos os seus edificios, ao tempo que fomente que no resto de infraestruturas, tanto públicas como privadas, se poidan dispoñer deste tipo de baños.
O Parlamento demanda que a Comisión mixta Fomento-Xunta estude a supresión da peaxe no tramo Vigo-Redondela da AP-9
Santiago, 20 de decembro de 2017.- O Parlamento de Galicia aprobou hoxe por unanimidade a proposición non de lei do Grupo Popular a través da que se insta á Comisión Mixta Ministerio de Fomento-Xunta de Galicia para a xestión da AP-9 a que estude posibles fórmulas para a supresión da peaxe na Ponte de Rande no tramo Vigo-Redondela.
O PPdeG apoia instar a Ferroglobe a que potencie o ciclo de produción de silicio solar en todas as súas fases en Galicia
Santiago, 20 de decembro de 2017.- O Grupo Popular apoiou este mércores no Parlamento unha iniciativa para instar á empresa Ferroglobe a que aposte por Galicia para potenciar o ciclo de produción de silicio solar en todas as súas fases.
O GPP considera que establecer novas obrigas normativas sobre o uso do galego podería favorecer o efecto contrario ao desexado
Santiago, 19 de decembro de 2017.- O portavoz de Cultura do Grupo Popular, César Fernández Gil, afirmou hoxe no debate no Pleno do Parlamento da iniciativa lexislativa popular de medidas para a garantía dos dereitos lingüísticos no ámbito socioeconómico que “o establecemento de novas obrigas pola vía normativa, coa correspondente posibilidade de infraccións e sancións e a necesidade de incorrer en novos custos que non todas as empresas estarían en condicións de asumir, podería favorecer o efecto contrario ao desexado e entender como unha obriga formal a utilización do galego”.
O Parlamento aproba a Lei de espectáculos públicos e actividades recreativas, co aval da oposición ao 70% do articulado
Santiago, 19 de decembro de 2017.- O Parlamento galego aprobou hoxe, coa abstención de todos os grupos da oposición, a Lei de espectáculos públicos e actividades recreativas, “unha boa lei, razoable e froito do diálogo, que recolle aportacións de todo o sector e na que o 70 por cento do articulado conta co aval da oposición”, concretou o deputado popular Alberto Pazos.
O Parlamento aproba a Lei de medidas que acompañan aos orzamentos, na que se consensúan cuestións fundamentais para o futuro forestal de Galicia
Santiago, 19 de decembro de 2017.- O Parlamento galego aprobou esta tarde a Lei de medidas fiscais e administrativas que acompañan aos orzamentos da Xunta para 2018. A viceportavoz popular, Paula Prado, salientou as transaccións acordadas para a modificación da Lei de prevención e defensa dos incendios forestais e felicitouse “porque fomos quen de consensuar cuestións fundamentais para o futuro forestal de Galicia”.
Pedro Puy afirma que os orzamentos da Xunta para 2018 “responden ás necesidades de Galicia e son coherentes para cumprir o que recollemos no programa electoral”
Santiago, 19 de decembro de 2017.- O portavoz do Grupo Popular, Pedro Puy, afirmou hoxe que “apoiamos a aprobación dos orzamentos da Xunta para 2018 porque responden ás necesidades de Galicia e son coherentes para cumprir o que recollemos no noso programa electoral”.
Pedro Puy salienta que o pleno aprobará, por terceiro ano consecutivo, uns orzamentos expansivos da Xunta de Galicia
Santiago, 18 de decembro de 2017.- O portavoz do Grupo Popular, Pedro Puy, salientou hoxe que o Parlamento galego aprobará mañá, “por terceiro ano consecutivo, uns orzamentos expansivos da Xunta de Galicia, dotados con 9487 millóns de euros de gasto non financeiro que poderemos dedicar a gasto social e a máis investimento produtivo, ao tempo que mantemos unha presión fiscal progresiva pero máis reducida”.
Pedro Puy cualifica de “frutífero” o debate dos orzamentos da Xunta para 2018
Santiago, 17 de decembro de 2017.- O portavoz do Grupo Popular, Pedro Puy, cualificou hoxe de “frutífero” o debate xeral dos orzamentos da Xunta para 2018, que o vindeiro martes serán debatidos para a súa aprobación definitiva polo Pleno do Parlamento. Nunha entrevista na Cadena SER, Puy indicou que no Partido Popular “estamos abertos a reformas da Constitución” sempre “que haxa consenso”, porque “a idea é que sexa un marco que todos aceptemos como regras de xogo”.
Moisés Blanco salienta a “axilidade e planificación” da Xunta para poñer axudas a disposición dos afectados pola seca
Santiago, 15 de decembro de 2017.- O deputado do Grupo Popular Moisés Blanco salientou hoxe “a axilidade e planificación” realizada pola Xunta de Galicia declarando a prealerta e alerta pola seca e poñendo axudas a disposición dos afectados en Galicia.