A viceportavoz do Grupo Popular, Paula Prado, acusou hoxe a En Marea e BNG de “pretender facer unha investigación prospectiva” sobre os contratos dun grupo empresarial coa Xunta de Galicia porque “non coñecen nin un só contrato con estas empresas que poida ser fraudulento, non coñecen unha soa concesión ou adxudicación que non cumpra escrupulosamente a lexislación vixente”. “Queren facer a política da tinta de lura, sementar dúbidas e poñer todo baixo sospeita”, manifestou.
Puy salienta o “proceso altamente participativo” que está a seguir a Xunta na planificación do novo mapa de transportes por estrada
Santiago, 5 de xuño de 2017.- O portavoz do Grupo Popular, Pedro Puy, salientou hoxe o “proceso altamente participativo” que está a seguir a Xunta de Galicia na planificación do novo mapa de transportes por estrada. Neste sentido, apuntou que o plan atópase nestes momentos “en fase de información pública e todos os concellos teñen a oportunidade de presentar as alegacións que lles conveñan”.
Continue reading
O Grupo Popular insta a regular o emprego das novas formas de financiamento de formacións políticas
Santiago, 5 de xuño de 2017.- O Grupo Popular vén de rexistrar unha proposta de resolución ao informe de fiscalización do Consello de Contas sobre as contabilidades electorais das ultimas eleccións autonómicas a través da que se insta á Xunta a adaptar o réxime xurídico vixente en materia de financiamento das formacións políticas para regular o emprego das novas formas de financiamento como o crowdfunding e os microcréditos ou micropréstamos.
Pedro Puy marca como obxectivo manter a tendencia de creación de 20.000 postos de traballo cada ano en Galicia
Santiago, 4 de xuño de 2017.- O portavoz do Grupo Popular, Pedro Puy, expresou hoxe o obxectivo de “manter a tendencia anual de creación de 20.000 postos de traballo en Galicia en anos vindeiros” e apuntou que “o que interesa agora é que ese emprego se vaia consolidando, que sexa a tempo completo e que sexa de calidade para ir recuperando en liñas xerais o poder adquisitivo da parte salarial”.
O Grupo Popular ve nos datos do paro de maio “o anticipo dunha espectacular campaña de verán”
Santiago, 2 de xuño de 2017.- A deputada do Grupo Popular Isabel Novo Fariña afirmou hoxe no Parlamento que os datos de paro relativos ao pasado mes de maio, que revelan que hai 20.826 persoas desempregadas menos con respecto a hai un ano, que supoñen un descenso do 9,45 por cento anual, son “o anticipo dunha espectacular campaña de verán”. Así, lembrou que as cifras atópanse por debaixo das de 2009, e que Galicia encadea máis de tres anos e medio de baixadas interanuais consecutivas.
Feijóo destaca que, fronte aos que din “non a todo”, o PPdeG “di si a Galicia”
O Pino, 3 de xuño de 2017.- O presidente do PPdeG, Alberto Núñez Feijóo, afirmou hoxe que, fronte aos que din “non a todo” o PPdeG “di si a Galicia, si a mellorar Galicia e si a modernizar Galicia”.
Continue reading
O Parlamento aproba solicitar ao Goberno central a creación dun fondo forestal nacional
Santiago, 2 de xuño de 2017.- O Parlamento de Galicia aprobou hoxe, a instancia do Grupo Popular, unha proposición non de lei a través da que se solicita ao Goberno central a creación dun fondo forestal nacional, co obxectivo de compensar aos titulares de montes que cunha xestión sostible xeran servizos medioambientais e fomentar a ampliación destes espazos ben por reforestación ou por implantación de xestión forestal sostible.
O PPdeG volve apoiar no Parlamento que a familia Franco cumpra a obriga legal de abrir o Pazo de Meirás ao público catro días ao mes durante todo o ano
Santiago, 1 de xuño de 2017.- O Grupo Popular volveu apoiar esta tarde no Parlamento unha proposición non de lei para que a familia Fraco cumpra a obriga legal, recollida na Lei do patrimonio cultural de Galicia, de abrir o Pazo de Meirás ó público polo menos durante catro días ó mes durante todo o ano, incluíndo o mes de agosto.
O PPdeG critica a “frivolidade” do BNG ao solicitar que a Xunta dedique recursos públicos á conservación e restauración de patrimonio cultural privado
Santiago, 1 de xuño de 2017.- A deputada do Grupo Popular María Antón Vilasánchez criticou a “frivolidade” amosada polo BNG esta tarde no Parlamento “ao solicitar que a Xunta dedique recursos públicos á conservación, mantemento e restauración de bens integrantes do patrimonio cultural galego que son de titularidade privada”.
O GPP defenderá no pleno que Xunta e concellos colaboren na elaboración do novo mapa de transporte por estrada, implicando tamén ás deputacións
Santiago, 30 de maio de 2017.- O Grupo Popular defenderá no Pleno da vindeira semana unha proposición non de lei a través da que se insta á Xunta para que estableza cos concellos galegos un marco de diálogo e colaboración na planificación do novo mapa de transporte por estrada, no que tamén se solicita a implicación das deputacións provinciais. Ademais, solicitará a creación dun calendario de vacinación para adultos.