Santiago, 6 de marzo de 2017.- O portavoz do Grupo Popular, Pedro Puy, afirmou hoxe que a aprobación unánime polo Pleno do Parlamento galego da proposición de lei solicitando a transferencia da AP-9 a Galicia “ten moito valor e significado político tendo en conta a composición actual do Congreso dos Deputados”.
O GPP solicita unha desculpa pública á deputada de En Marea que publicou un chío en Twitter “altamente ofensivo para todos os militantes do PP”
Santiago, 6 de marzo de 2017.- O portavoz do Grupo Popular, Pedro Puy, solicitou hoxe, no nome de todos os deputados e deputadas deste grupo parlamentario, unha desculpa pública á deputada de En Marea que no día de onte publicou un chío en twitter “altamente ofensivo para todos os militantes do Partido Popular”. “Confiamos que se produza esta desculpa, co fin de evitar ulteriores actuacións por parte do noso grupo parlamentario e coa que avanzaríamos bastante nas boas relacións entre os grupos no Parlamento galego”, sinalou.
O PPdeG esixe a Villares que confirme se respalda as acusacións de Santos nas que acusa ao PP de estar detrás dos asesinatos de mulleres en Galicia
Santiago, 6 de marzo de 2017-. O PPdeG solicita unha desculpa inmediata por parte do portavoz parlamentario de En Marea, Luis Villares, pola opinión vertida onte por unha das súas deputadas, Carmen Santos, na que dicía literalmente: “reivindicamos que non nos asasinen señores do PP de Galicia”.
O Grupo Popular visita a Denominación de Orixe do Ribeiro, nomeada mellor D.O. vitivinícola de España
Santiago, 4 de marzo de 2017.- O portavoz do Medio Rural do Grupo Popular, José González Vázquez, xunto co tamén deputado popular Cesar Fernandez Gil, visitaron onte o Consello Regulador da Denominación de Orixe Ribeiro e felicitaron a esta entidade polo seu recente nomeamento como mellor D.O. vitivinícola de España no concurso convocado pola prestixiosa páxina web verema.com.
Feijóo traslada o compromiso do PPdeG no camiño cara á igualdade, “que se pavimenta con feitos, non con palabras”
Santiago, 4 de marzo de 2017.- O presidente do PPdeG, Alberto Núñez Feijóo, afirmou esta mañá que “o camiño cara á igualdade paviméntase con feitos, non con palabras”. Así se expresaba na clausura do acto de homenaxe ás mulleres “O PPdeG, de igual a igual”, que se celebrou esta mañá en Compostela.
O Grupo Popular apoia que a Xunta favoreza que todos os concellos galegos posúan software libre
Santiago, 3 de marzo de 2017.- O Grupo Popular apoiou hoxe a aprobación no Parlamento galego dunha proposición non de lei a través da que se solicita á Xunta que favoreza que todos os concellos de Galicia posúan software libre, ao tempo que se impulse a colaboración e a formación para potenciar a implantación do software libre nas entidades locais galega.
Alberto Pazos:”seguiremos velando polos dereitos dos consumidores,avaliando polo miúdo o comportamento das eléctricas” durante os temporais
Santiago, 3 de marzo de 2017.- O deputado do Grupo Popular Alberto Pazos asegurou hoxe que tanto o Goberno galego como o PP “seguiremos velando polos dereitos dos consumidores, avaliando polo miúdo o comportamento das empresas eléctricas” durante os temporais que azoutaron Galicia hai uns días. Ademais, criticou que a oposición desexe que “a Xunta asuma en solitario os danos producidos polos temporais”, sen ter en conta que “a administración competente para asistir técnica e economicamente aos concellos son as deputacións e que existen numerosos danos que deben cubrir as empresas eléctricas ou os propios seguros”.
O PPdeG cualifica de “regularización inédita no sistema tributario español a resposta á problemática dos pensionistas retornados
Santiago, 3 de marzo de 2017.- O deputado do Grupo Popular José González Vázquez asegurou hoxe que a resposta dada polo Goberno central á problemática das pensións de emigrantes retornados en España “foi unha regularización inédita no sistema tributario español”, que conlevou a condonación de sancións, recargos e intereses de demora. Así mesmo, acusou á oposición de pretender dar un trato diferente a pensionistas españois respecto dos emigrantes retornados, xa que os primeiros tributan no imposto da renda das persoas físicas sen ningún tipo de réxime específico.
O Goberno central “cumpriu con axilidade” ante a problemática sober a devolución das cláusulas chan
Santiago, 3 de marzo de 2017.- O portavoz de Vivenda do Grupo Popular, Jaime Castiñeira, asegurou hoxe que o Goberno central “cumpriu con axilidade” dando unha resposta rápida ás sentenzas sobre a devolución das cláusulas chan por parte das entidades financeiras, aprobando un Real Decreto-Lei a través do que no prazo máximo de tres meses as entidades deben responder ás reclamacións dos afectados.
O Parlamento solicita á Xunta a creación dunha comisión técnica de seguimento da couza da pataca
Santiago, 2 de marzo de 2017.- O Parlamento de Galicia aprobou esta tarde por unanimidade, logo dunha transacción acordada entre todos os grupos parlamentarios, unha proposición non de lei a través da que se insta á Xunta de Galicia á creación dunha Comisión Técnica de seguimento da couza da pataca, coa presenza de representantes da Administración galega, a Federación Galega de Municipios e Provincias (Fegamp), o Laboratorio Fitopatolóxico de Galicia e a indicación xeográfica protexida Pataca de Galicia. Esta comisión avaliará as medidas de control da praga, as accións informativas que se leven a cabo, así como da evolución do Decreto que prepara o Goberno central.