Santiago, 17 de xaneiro de 2017.- O Parlamento de Galicia aprobou hoxe, a iniciativa do Grupo Popular, unha proposición non de lei a través da que se insta á Xunta a redactar as normas técnicas de planeamento que complementen ao regulamento da Lei do Solo, recentemente aprobado, como ferramenta ao servizo dos concellos.
O GPP lembra que a Deputación de Ourense ten previsto investir 120.000 euros na mellora estradas OU-701 e a que une Manzaneda con Trives
Santiago, 17 de xaneiro de 2017.- A deputada do Grupo Popular Marta Nóvoa lembrou hoxe no Parlamento que a Deputación de Ourense ten previsto realizar obras de acondicionamento da estrada OU-701, xunto coa que une Manzaneda con Trives, por importe de 120.000 euros. “Trátase dunha estrada competencia da Deputación e na que regularmente fai traballos de mantemento”, apuntou.
O Parlamento solicita a Fomento e Audasa a instalación de pantallas antirruído nas obras de ampliación da AP-9
Santiago, 17 de xaneiro de 2017.- O Parlamento de Galicia aprobou esta tarde a proposición non de lei do Grupo Popular a través da que se insta ao Ministerio de Fomento e a Autopistas del Atlántico S.A. (Audasa) para que, no marco das obras de ampliación da capacidade da AP-9 que se están a realizar na entrada de Vigo, se proceda a cumprir co seu compromiso de instalar pantallas antirruído naqueles puntos onde sexa necesario de acordo á normativa vixente, adoptando medidas paliativas que minimicen o impacto da autoestrada e melloren a compatibilidade desta infraestrutura coa contorna construída e co día a día dos veciños.
O GPP apoia solicita á Xunta que continúe coas medidas de control e erradicación da Herba da Pamba
Santiago, 17 de xaneiro de 2017.- O Grupo Popular apoiou esta tarde no Parlamento, logo dunha transacción acordada co Grupo Socialista, a aprobación dunha proposición non de lei a través da que se insta á Xunta a continuar coas medidas de control e erradicación da Herba da Pamba, elaborando para o presente ano un plan de erradicación e control en toda a Comunidade galega. Así mesmo, demándase do Ministerio de Fomento o deseño dun plan de eliminación desta especie vexetal nas autoestradas de Galicia.
O GPP asegura que Portos de Galicia axilizará ao máximo a aprobación da dragaxe da Ría de Pontevedra para poder licitar as obras no 2018
Santiago, 17 de xaneiro de 2017.- O portavoz de Medio Ambiente do Grupo Popular, Martín Fernández Prado, asegurou esta tarde no Parlamento que “Portos de Galicia axilizará ao máximo a aprobación do proxecto de dragaxe do fondo da ría de Pontevedra, co obxectivo de poder licitar as obras durante o ano 2018”.
O GPP defenderá elaboración programa axudas para as familias monoparentais e regulación réxime contratación investigadores
Santiago, 17 de xaneiro de 2017.- O Presidente da Xunta, Alberto Núñez Feijóo, comparecerá no Pleno da vindeira semana para informar dos acordos acadados na Conferencia de Presidentes que se celebra hoxe en Madrid, segundo se acordou esta mañá na reunión da Xunta de Portavoces. Así mesmo, o portavoz do Grupo Popular, Pedro Puy, informou que a Comisión de investigación sobre as caixas de aforro galegas constituirase o vindeiro luns co obxectivo de rematar os traballos realizados durante a pasada lexislatura.
O Parlamento aproba impulsar a comunicación enre Atención Primaria e Hospitalaria a través da e-consulta e consulta telefónica
Santiago, 17 de xaneiro de 2017.- O Parlamento aprobou hoxe na transcurso da Comisión de Sanidade a iniciativa do PPdeG encamiñada a impulsar a comunicación entre Atención Primaria e Atención Hospitalaria a través da e-consulta e a consulta telefónica, para axilizar os tempos de resposta e potenciar a continuidade asistencial, así como mellorar a conciliación familiar e laboral dos pacientes.
Paula Prado acusa á oposición de crear unha “caixa máxica sen ningún tipo de rigor, definición,previsión nin xustificación”
Santiago, 16 de xaneiro de 2017.- A viceportavoz do Grupo Popular, Paula Prado, acusou hoxe á oposición de crear “unha caixa máxica da que sacan os cartos sen ningún tipo de rigor, definición, previsión realista nin xustificación”. Fronte a isto, “o Partido Popular leva demostrado estes anos de goberno que fai as cousas con prudencia, rigorosidade e pegadas á realidade, que non gastamos máis do que ingresamos, cumprimos o déficit e pagamos a débeda”, afirmou.
Miguel Tellado cualifica a proposta de emendas da oposición de “irreal, irresponsable e inaceptable”
Santiago, 16 de xaneiro de 2017.- O viceportavoz do grupo popular, Miguel Tellado, cualificou este luns a proposta de emendas transversais dos orzamentos da Xunta por parte da oposición de “irreal, irresponsable e, por conseguinte, inaceptable”. Tellado argumentou que o resto de grupos basean os seus cálculos en “ingresos inflados, como facía o bipartito” e reprochoulles que lle pidan ao goberno “desandar un camiño que os galegos refrendaron maioritariamente nas urnas” e “reverter a mellora da economía e os servizos públicos”.
Feijóo di que a Conferencia de Presidentes servirá para facer “unha España máis xusta, máis sustentable e máis autonómica”
O presidente do PPdeG, Alberto Núñez Feijóo, asegurou que a Conferencia de Presidentes servirá para facer “unha España máis xusta, máis sustentable e máis autonómica”.