O PPdeG reivindícase como o partido con máis alcaldesas de Galicia enxalzando a Nava Castro como unha das protagonista dos seus éxitos

O PPdeG reivindicouse hoxe como o partido con máis alcaldesas de Galicia (28 en total) asegurando que, grazas a rexedoras como Nava Castro, a muller é protagonista das políticas do Partido Popular e seguirá séndoo ao longo do próximo ano 2025.

 

Enxalzando tamén a outras alcaldesas do sur da provincia de Pontevedra como a de Mos, a de Oia ou a de Salvaterra do Miño, a secretaria xeral do partido, Paula Prado, tivo palabras ademais para grandes figuras masculinas como o presidente provincial do PP de Pontevedra, Luis López, que foi quen de transformar a Deputación nun lugar onde xa non hai sectarismos; e o presidente do PPdeG, Alfonso Rueda, que coñece e coida cada recuncho da provincia.

 

A número dous dos populares galegos, rememorando as palabras de Nava Castro durante a campaña das eleccións municipais, cando dixo que quería “resetear” Ponteareas, felicitouna por logralo en tan só ano e medio como alcaldesa e por ter ademais contribuído aos grandes éxitos electorais deste ano.

 

En febreiro, os veciños de Ponteareas apoiaron ao presidente Rueda con máis dun 41% de voto e, en xuño, este concello deulle ao PP máis de 3.000 votos nas eleccións europeas. Uns resultados cos que, subliñou Paula Prado, o concello pode estar tranquilo de seguir contando nos Orzamentos da Xunta.

 

NAVA CASTRO: “CELEBREMOS O ESFORZO E OS LOGROS ACADADOS”

 

Pola súa banda, a alcaldesa Nava Castro quixo agradecer aos presentes a súa asistencia a un acto co que “non só celebramos estas datas tan entrañables, senón tamén o esforzo e os logros que acadamos grazas á vosa dedicación e apoio”.

 

“Estes encontros lémbrannos a importancia de compartir momentos máis alá do día a día político. O Nadal é un tempo de unidade, de reforzar lazos e de renovar as enerxías para seguir traballando con ilusión e compromiso polo noso concello”, asegurou animando aos asistentes a “seguir fortalecendo este proxecto común que nos motiva e nos une”.

O PPdeG pon en valor o compromiso, o traballo e o esforzo que fixeron de Enrique Sotelo o mellor alcalde da historia de Cangas

O PPdeG quixo hoxe recoñecer a Enrique Sotelo como o mellor alcalde da historia de Cangas e poñer en valor o seu traballo e esforzo, así como o seu exemplo de compromiso político durante os 3 mandatos que liderou.

 

Na comida de Nadal organizada hoxe polo partido en Cangas, a secretaria xeral do partido, Paula Prado amosouse convencida de que ao partido local tamén lle irá moi ben nesta nova fase. Non en balde, engadiu, o Partido Popular conta sempre con equipos fortes, unidos e compostos polos mellores.

 

A número dous dos populares galgos lamentou que, a pesar de que os cangueses saiban ben o que é ter un bo alcalde como foi Enrique Sotelo, hoxe teñan que padecer o que xa é unha tónica habitual dos gobernos conformados por pactos de perdedores: ser máis coñecidos polos seus escándalos que pola súa acción de goberno.

 

Unha situación protagonizada por quen se dedica a discutir en vez de a gobernar e que bloquean en vez de actuar. Tal e como acontece, engadiu, nun Goberno central cuxo día a día está marcado polos escándalos, a degradación institucional, as negociacións entre bambalinas e a imposibilidade de aprobar uns orzamentos.

 

Prado mostrouse moi critica con que o socialismo galego e o nacionalismo calen ante isto e ante os agravios de Pedro Sánchez a Galicia. Por sorte, engadiu, os galegos e galegas xa dixeron en febreiro que non compartían todo isto e volveron confiar no único partido centrado en defender os intereses de Galicia por riba de todo: o PPdeG, liderado por Alfonso Rueda.

 

Así mesmo, dixo estar segura de que o presidente nacional do PP, Alberto Núñez Feijóo, visitará pronto este concello como presidente do Goberno de España: “Os que estamos hoxe aquí sabémolo, tamén o di unha enquisa publicada hoxe, e para el tamén van moitos ánimos”.

 

Concluíu lamentando que, mentres o PP celebra estes días avance de Galicia, exemplificado en concellos coma Cangas, haxa algúns, liderados polo BNG, que queren volver ao pasado: “Quero reivindicar que sen industria e sen emprego, sempre respectando o noso medio ambiente, o futuro de Galicia non será próspero”.

O PPdeG pon a Telmo Martín e Sanxenxo como exemplo da “estabilidade” dos seus gobernos e da “importancia” dos proxectos a longo prazo

O Partido Popular de Galicia puxo hoxe a Sanxenxo como exemplo da “estabilidade” que aportan aos veciños e veciñas os seus gobernos e, ao mesmo tempo, da “importancia” dos proxectos a longo prazo como o liderado durante 15 anos, en dos etapas, por Telmo Martín.

 

Durante a cea de Nadal organizada polo PP de Sanxenxo, con máis de 300 asistentes, a secretaria xeral do partido, Paula Prado, quixo agradecer tamén a achega desde concello aos dous grandes éxitos deste ano do PP en Galicia: en febreiro, nas eleccións autonómicas, cun apoio ao de case un 55% de voto; e en xuño, nas eleccións europeas, cunha porcentaxe similar.

 

Grazas a iso, destacan desde o PPdeG, os veciños e veciñas de Sanxenxo están representados por unha magnífica deputada no Parlamento galego, María Deza. A ela, a Telmo Martín e a todo o seu equipo desexan os populares galegos un 2025 no que Sanxenxo siga destacando e no que todo o partido siga poñendo os seus ollos para tomar como referente.

 

Mentres, o responsable de Educación do Goberno galego, Román Rodríguez, gabou o traballo do PP de Sanxenxo, “un proxecto de equipo liderado por Telmo Martín con visión de futuro, que é quen de entender as necesidades da veciñanza e encamiñar proxectos de progreso e benestar”.

 

“Sanxenxo demostra que o modelo do PPdeG funciona e é o mellor para o futuro deste concello, un referente na comarca do Salnés e no municipalismo galego pola súa capacidade aglutinadora e de mellorar a vida dos cidadáns”, salientou.

 

“PARA MANTER O APOIO SÓ HAI UNHA FÓRMULA: TRABALLAR”

 

Pola súa banda, o alcalde e presidente local do PP, Telmo Martín, agradeceu a asistencia dos afiliados e veciños e desexoulles “saúde e un gran ano 2025”, xa que “o demais, a capacidade de traballo e de emprender de Sanxenxo, está sobradamente demostrada”.

 

Así mesmo, lembrou que o Partido Popular gañou hai un ano e medio as eleccións municipais cunha ampla maioría do 56%. “Se queremos seguir mantendo ese apoio dos veciños só hai unha fórmula: humildade, traballo e máis traballo. Non o esquezades nunca”, subliñou.

 

Por último, quixo recoñecer o esforzo e a dedicación dos concelleiros do goberno, posto que “só eles e as súas familias saben o sacrificio que fan”. “Mentres sigamos xuntos e a nosa prioridade sexa o interese xeral, nada será imposible para Sanxenxo”, concluíu o alcalde.

Alfonso Rueda sitúa a Gonzalo Durán como exemplo de todo o que poden facer polos seus veciños os gobernos estables do Partido Popular

O presidente do PPdeG, Alfonso Rueda, situou hoxe ao alcalde de Vilanova de Arousa, Gonzalo Durán, e ao seu equipo como exemplo de todo o que poden facer polos seus veciños os gobernos estables do Partido Popular.

 

Na cea de Nadal organizada neste concello polos populares da comarca do Salnés, o presidente destacou a mellora, o desenvolvemento e o progreso constantes que leva experimentando a vila ao largo dos anos. Algo que explica, na súa opinión, que Durán poida contar cun apoio electoral superior ao 60% por parte dos seus veciños.

 

Rueda asegurou que o Goberno galego tamén quere ser partícipe desta Vilanova puxante e, por iso, os Orzamentos de 2025 apoiarán neste concello a mellora das estradas, a construción de sendas, o impulso do turismo, a aposta polos parques empresariais e a mellora dos centros educativos.

 

Un apoio transversal que é posible precisamente polo bo facer do Concello e por unha estabilidade que, indicou, oxalá se dese en todos os concellos galegos e especialmente nun Goberno central cun presidente cuxo único plan é o de manterse no poder a costa de acumular nun caixón todos os proxectos vinculados a Galicia.

Fronte a isto, remarcou, os galegos poderán seguir contando no PPdeG cun partido obsesionado con facer as cousas ben e centrado en defender os intereses de Galicia por riba de todo. Tal e como demostrou onte o propio Alfonso Rueda na Conferencia de Presidentes.

 

Unha Conferencia na que o presidente galego deu a batalla por un financiamento xusto, por unha política de vivenda que de verdade funcione, por unha inmigración ordenada e por unha sanidade con profesionais suficientes. Cuestións todas elas que irán en beneficio da nosa Comunidade e de toda España e que han de ser defendidas desde o “Estilo Galicia”: defender o noso dentro do interese común.

 

LUIS LÓPEZ: “SOMOS UN GRAN EQUIPO E HOXE VOLVEMOS DEMOSTRALO”

 

O presidente provincial do Partido Popular de Pontevedra, Luis López, destacou que a cea de Nadal de Vilanova de Arousa é sempre unha estupenda oportunidade para poder xuntar aos populares. Xa que, ano tras ano, acoden a ela desde centos de simpatizantes e afiliados ata deputados nacionais e autonómicos, senadores, e mesmo o presidente do Partido Popular de Galicia.

 

“Vilanova é un exemplo de unión do partido. Xa non só arrasan en cada cita electoral, senón que tamén arrasan en cada cea de Nadal que organizan. E así, todos xuntos celebramos estes datas tan especiais, amosando unha completa unidade. Somos un gran equipo e estas ceas así o demostran”, finalizou.

 

GONZALO DURÁN: “UN AGRADECEMENTO AOS DOUS PRESIDENTES”

 

Pola súa banda, o alcalde e presidente local do PP, Gonzalo Durán, agradeceu ao presidente autonómico e provincial que, un ano máis, quixeran estar presentes na cea de Vilanova, “un clásico do Nadal”. “Esta cea non é só para reunir aos nosos veciños, senón unha forma de agradecerlle aos dous presidentes e aos seus gobernos todos os investimentos e a súa implicación no futuro deste concello”, dixo.

 

Do mesmo xeito, o tenente de alcalde e vicesecretario provincial, Javier Tourís, gabou a “un presidente que xa é historia de Galicia”, Alfonso Rueda, ao que este ano Vilanova outorgou un “apoio masivo” no “gran éxito” eleccións autonómicas. Así mesmo, subliñou o labor de Luis López como “o presidente da Deputación máis municipalista, sempre pendente de todos e cada un dos concellos”.

Alfonso Rueda destaca o traballo, o compromiso e a eficiencia de Ángel Moldes no seu obxectivo de ofrecer unha política útil para os veciños de Poio

O presidente do PPdeG, Alfonso Rueda, asegurou hoxe que Ángel Moldes está demostrando en Poio os mellores valores dos gobernos do Partido Popular ao traballar cada día para facer unha política real e útil para os seus veciños desde o traballo, o compromiso e a eficiencia.

 

Segundo asegurou hoxe o líder dos populares galegos na cea de Nadal organizada pola agrupación local poiense, Ángel Moldes demostrou neste tempo ter un plan para Poio e, grazas a iso, o concello deixou atrás as trifulcas e conta hoxe cun goberno estable e con moitísimo impulso. E iso, recalcou, a pesar da difícil herdanza que lles tocou xestionar.

 

Rueda explicou acto seguido que tamén o Goberno galego ten un plan tanto para Poio como para todos os concellos de Galicia. Un plan que pasa por seguir investindo o próximo ano en mellorar as conexións e o saneamento, así como poñer a disposición dos veciños e veciñas máis e mellores servizos.

 

No caso concreto deste concello, están sobre a mesa proxectos de futuro como a humanización da PO-308, a construción da senda peonil, a mellora das paradas de autobús ou a posta en marcha do centro de atención temperá.

 

Se isto é posible, explicou o presidente do PPdeG, é porque, ao igual que Ángel Moldes e o seu equipo, o Goberno galego leva meses traballando sen perder nin un minuto, cumprindo os obxectivos marcados e volvendo a ser quen de aprobar uns orzamentos en tempo e forma.

 

UN PARTIDO UNIDO E COMPROMETIDO

 

O presidente provincial do Partido Popular de Pontevedra, Luis López, destacou que a cea de Nadal de Poio é sempre un gran acto de apoio ao seu alcalde Ángel Moldes, xa que acoden practicamente todos os seus afiliados. Algo que amosa, na súa opinión, o cariño e o apoio que lle ofrecen sempre a Moldes.

 

“Penso que estas xuntanzas son sempre moi boas. Serven para que compartamos uns intres nestas datas festivas e sobre todo para amosar a unidade e compromiso do noso partido, algo fundamental sempre, porque unidos traballaremos moito mellor e acadaremos os nosos obxectivos”, indicou.

 

ÁNGEL MOLDES: “SI HABÍA OUTRO XEITO DE FACER AS COUSAS”

 

Pola súa banda, o presidente local e alcalde de Poio, Ángel Moldes, puxo en valor todo o conseguido durante o último ano no Goberno: “Estamos demostrando que si había outro xeito de facer as cousas: con ilusión, con responsabilidade, con compromiso, escoitando e traballando para todos e cada un dos veciños do noso concello”. Por iso, asegurou que “hoxe Poio é un concello diferente, con maior estabilidade, con máis dinamismo e con máis oportunidades”.

 

Durante a súa intervención enumerou todos os logros conseguidos ata o de agora: “Ademais de xestionar unha herdanza económica nefasta, tamén estamos facendo realidade o noso programa de Goberno, dando resposta a demandas e investimentos históricos”.

 

Referiuse, por exemplo, á baixada de impostos, a humanización da PO-308 na Barca, os investimentos para mellorar o saneamento, a compra da Gardería de Campelo, os eventos lúdicos e culturais que fan de Poio un referente na comarca, a ampliación das prazas de aparcamento gratuítas, a urbanización do polígono de Fragamoreira, a estrada de Campelo, a senda entre Chancelas e Combarro ou o Centro de Atención Temperá.

 

Nesta liña, recoñeceu que “non hai receitas máxicas” e que o segredo é “traballar arreo, escoitar e ter claro que o único importante son as prioridades e necesidades de cada unha das persoas que vivides en Poio”. Así, agradeceu tamén o “respaldo dun partido e duns afiliados cos que sempre se pode contar e que, ademais, son os máis esixentes”. Algo que considera moi positivo porque “obríganos a dar sempre o mellor de nós”.

Millán Mon celebra la continuidad del Intergrupo Patrimonio Cultural Europeo, Caminos de Santiago y otras Rutas Culturales Europeas

El eurodiputado gallego Francisco Millán Mon expresa su satisfacción por la continuidad del Intergrupo “Patrimonio Cultural Europeo, Caminos de Santiago y otras Rutas Culturales Europeas” en la décima legislatura del Parlamento Europeo, que comenzó en julio de este año.

 

“Este Intergrupo, que alcanza ya su cuarto mandato consecutivo, es un instrumento importante para proteger y promover el rico Patrimonio Cultural de Europa y las llamadas Rutas Culturales Europeas”, dice Millán Mon, que ha venido presidiendo esta asociación de eurodiputados en las últimas tres legislaturas.

 

El eurodiputado pontevedrés ha querido rendir homenaje al político gallego y expresidente de la Xunta de Galicia, Gerardo Fernández Albor, quien en los años 90 impulsó como eurodiputado la creación del primer Intergrupo “Caminos de Santiago” y cuyo legado “sigue vivo y nos inspira para seguir trabajando por las rutas a Compostela y por el Patrimonio Cultural Europeo”

 

LA RIQUEZA DEL PATRIMONIO CULTURAL EUROPEO

 

Millán Mon subraya que Europa cuenta con el Patrimonio Cultural más rico del mundo, con el mayor número de sitios reconocidos por la UNESCO. Una riqueza que muestra, por ejemplo, la Catedral de Notre Dame de París, cuya reciente restauración ha sido recibida con admiración y con un amplio respaldo en todo el mundo.

 

“Este patrimonio no solo tiene un valor artístico e histórico. También representa un motor económico, social y turístico, además de ser una fuente de empleo y un dinamizador de las zonas rurales”, señala el eurodiputado pontevedrés.

 

“Para mí, el románico, el gótico, el renacimiento o el barroco no son estilos nacionales, sino europeos. Son muestra de la profunda interrelación de las andaduras históricas de los pueblos europeos”, afirma.

 

LOS CAMINOS DE SANTIAGO

 

Millán Mon pone en valor el papel de las Rutas Culturales Europeas como expresión de la riqueza cultural del continente y de su carácter supranacional. En este sentido, destaca los Caminos de Santiago, reconocidos en 1987 como la primera Ruta Cultural Europea por el Consejo de Europa y origen del programa de Rutas Culturales, que ya suma 48 itinerarios oficialmente reconocidos.

 

UN COMPROMISO COLECTIVO

 

Agradeciendo el apoyo de las fuerzas políticas del Parlamento Europeo que han respaldado la continuidad del Intergrupo, pone de manifiesto que “la protección del Patrimonio Cultural es un compromiso que trasciende ideologías y fronteras”.

 

“El continente europeo es un continente de la memoria y también del futuro. Cada calle, cada catedral, cada plaza y cada paisaje evocan siglos de historia, a menudo compartida. Sigamos trabajando juntos para preservar este rico legado cultural al tiempo que promovemos nuestros valores y principios, incluido el proceso de integración europeo”, concluye el eurodiputado gallego.

O PPdeG agarda que a “incompetencia do Goberno de Sánchez” e a falta de Presupostos estatais para o próximo ano non prexudique o Xacobeo 2027

O Partido Popular de Galicia alerta de que a incapacidade do Goberno de Sánchez para conseguir aprobar os Presupostos Xerais do Estado implica o risco  de que a declaración do Xacobeo 2027 como Acontecemento de Excepcional Interese Público non se faga realidade a tempo para lograr os obxectivos que se pretenden conseguir.

 

Neste sentido a secretaria xeral Paula Prado anunciou hoxe que a próxima semana os populares solicitarán, tanto no Parlamento galego como nas Cortes Xerais, que o Goberno central habilite, cos procedementos que sexan necesarios, que as empresas que desexen patrocinar actividades turísticas ao abeiro do Xacobeo 2027 o poidan facer xa a partir do 1 de xaneiro de 2025.

 

Un anuncio que a número dous dos populares galegos realizou antes de encabezar, xunto ao presidente provincial do PP de Pontevedra, Luis López, a reunión da Comisión de Turismo do PPdeG que esta mañá se celebrou en Cambados e na que se abordaron, entre outros asuntos, as consecuencias que suporá para o sector turístico galego o plan do Goberno central de implantar un rexistro de viaxeiros.

 

“É incomprensible que nun país no que o turismo é fundamental para a nosa economía o Goberno central insista en castigar e menosprezar ao sector turístico e en cargar sobre os seus profesionais a desproporcionada responsabilidade de xestionar datos tan completos e sensibles”, explicou ao tempo que cualificaba esta medida de “amago de Gran Hermano cutre co que Sánchez demostra novamente o escaso respecto que lle merecen os datos de particulares”.

 

Prado pediu abertamente ao PSdeG que “deixe de branquear todo o que fai Sánchez aínda que sexa a costa de prexudicar os intereses dos galegos” e ao BNG que “deixe de lado a súa turismofobia e, por unha vez, apoie á Galicia aberta e na que todos os visitantes recibidos”. En contraposición, engadiu, o PPdeG seguirá apostando, como sempre, por un turismo con sentidiño e que achegue riqueza a Galicia.

 

Unha aposta que se verá reflectida nos Orzamentos de 2025 que se aprobarán a próxima semana. Unhas contas nas que o Goberno presidido por Alfonso Rueda destina 146 millóns de euros á área de Turismo, incrementando esta partida en 1,3 millóns respecto a este ano.

 

De a aí o rexeitamento dos populares cara esta medida e a iniciativa que veñen de rexistrar no Parlamento para instar ao Goberno central a que, previa consulta e consenso co sector, modifique o Real Decreto 933/2021 –do que deriva esta medida– e flexibilice as súas esixencias para evitar que se dificulte a xestión do procedemento de rexistro dos viaxeiros en establecementos de hospedaxe e para garantir que se respecte a normativa vixente sobre protección de datos e o principio de transparencia.

 

Explican os populares que estas esixencias afectan a todas as tipoloxías de aloxamentos de hospedaxe, desde as vivendas de uso turístico ata os albergues, ademais das empresas de aluguer de vehículos. Todas elas se verán obrigadas a recoller medio centenar de datos persoais dos seus clientes e introducilos nunha plataforma informática.

 

Isto supón unha sobrecarga de traballo para os profesionais do sector, ao requirir tempo extra no procedemento habitual de entrada e rexistro dos viaxeiros (check in) e pola necesidade de implantar medidas de seguridade na recollida e custodia de datos que non son estritamente de carácter turístico.

 

A PROBLEMÁTICA DA REGULACIÓN DAS VIVENDAS DE USO TURÍSTICO

 

Outro dos asuntos abordados na reunión da Comisión de Turismo foi a regulación das vivendas de uso turístico. Un asunto sobre o que lamentaron a inacción do Goberno central sobre esta cuestión sobre a que tamén ten competencias.

 

Indican que desde o Executivo estatal non se concretou se esta nova modalidade de aloxamento se constitúe como actividade económico. Ao que habería que engadir o recente anuncio de que se está a traballar nun Real Decreto de alugueiros de corta duración que incluiría, entre outras cuestións, un rexistro único para as VUT.

 

Polo momento é só un borrador, pero desde o PPdeG lamentan que nin foi consensuado nin se tivo en conta antes da súa aprobación a realidade de comunidades autónomas que, como Galicia, xa teñen o seu propio rexistro.  E por isto último reclaman ao Goberno que non xere nin duplicidades, nin inseguridade xurídica, nin invada competencias.

 

LUIS LÓPEZ: “TRÁTASE DUNHA TEMERIDADE ECONÓMICA QUE ATACA A UNHA INDUSTRIA CLAVE EN GALICIA E NA PROVINCIA”

 

O  presidente provincial do PP de Pontevedra, Luis López, explicou pola súa banda que a esixencia de máis de 40 datos aos viaxeiros que contraten servizos turísticos “non é so obrigar aos hoteleiros a exercer de policías, ademais dunha vulneración flagrante do dereito á intimidade dos turistas, senón que é directamente unha temeridade económica que atenta contra unha industria clave en España, en Galicia e na provincia de Pontevedra”.

 

Unhas declaracións que ilustrou cos datos dun sector turístico que en Galicia xera máis de 12,4 millóns de pernoctas e que só na provincia de Pontevedra xera máis de 3.000 millóns de euros en ingresos. De aí que se mostrase contrario a unha medida que “ameaza o traballo de décadas na construción dun destino forte como o galego ou o das Rías Baixas”.

 

Algo ao que tamén apuntou a presidenta do PP de Cambados, Sabel Fole, que reivindicou esta vila como “un referente no turismo grazas aos bos resultados que obtivemos tanto este verán como ao longo do que vai de ano nun sector fundamental como é o turismo”.

Os senadores do PP lucense afean que “o Goberno de Sánchez non teña intención de rebaixar o status de protección do lobo”

“O Goberno de Sánchez non ten intención de rebaixar o status de protección do lobo e, ademais, deriva aos seguros agrarios”, segundo afirman os senadores do PP lucense -José Manuel Barreiro, José Manuel Balseiro e Juan Serrano- tras coñecer a resposta oficial a preguntas formuladas no Senado.

 

Os senadores expuxeron nunha reunión celebrada na Pastoriza con alcaldes e portavoces das comarcas da Terra Chá e A Mariña e con gandeiros afectados polos ataques do lobo as explicacións do Goberno de Sánchez á pregunta formulada para coñecer se tiña intención de retirar o lobo da Listaxe de Especies Silvestres en Réxime de Protección Especial (LESRPE) en consonancia coa Unión Europea (UE) que vén de aprobar a rebaixa do seu nivel de protección de ‘estritamente protexido’ a ‘protexido’.

 

O Goberno de España argumenta que o estado de conservación da especie é desfavorable-inadecuado ao norte do río Douro, “con base nun censo nacional que non se actualiza dende fai 6 anos”, segundo puntualizan os populares. Pero, “á vista do número de avisos por ataques dende o 2021 que en Galicia se incrementou nun 72%”, segundo se desprende dos datos provisionais da Consellería de Medio Ambiente e Cambio Climático, os senadores defenden que o estado de conservación da especie non é desfavorable, a partir da información da que se dispón na comunidade.

 

Así, o Grupo Popular reclamará dende o Senado ao Goberno de Sánchez que retire o lobo da Listaxe de Especies Silvestres en Réxime de Protección Especial (LESRPE), que revise a súa estratexia adecuándoa aos datos do censo actuais e que se aprobe unha nova co consenso das comunidades autónomas.

 

Polo tanto, reclaman ao Goberno de Sánchez que “rectifique e deixe de poñer trabas administrativas ao control da especie para garantir o equilibrio entre a súa protección e a actividade gandeira, tal e como demanda o sector”. E inciden en que “á vista da importante participación nesta convocatoria, se trata dun tema que preocupa aos gandeiros e gandeiras”.

 

Os senadores piden que “o Goberno de Sánchez deixe de dar as costas aos lucenses. E, máis concretamente, aos gandeiros e gandeiras que se vén afectados polos ataques desta especie causando danos e baixas irreparables entre os seus animais e, polo tanto, perdas económicas na súa actividade. O que vimos ata agora é que o Goberno de Sánchez, coa complicidade do PSOE galego e do BNG, defende máis o lobo que aos nosos gandeiros e gandeiras”, segundo afean os representantes do PP por Lugo no Senado.

 

De feito, o pasado mes de setembro, “España foi -xunto a Irlanda- un dos países que votaba no Consello Europeo en contra da proposta aprobada para rebaixar o status do lobo”. Os senadores sinalaron ao respecto que “dende o PP temos claro que estaremos ao lado dos gandeiros da nosa provincia e seguiremos pedindo ao Goberno de Sánchez que retire o lobo da lista de especies ameazadas”.

 

A XUNTA, COS GANDEIROS

 

O presidente da Xunta, Alfonso Rueda, anunciou a convocatoria de liñas de axudas de prevención e indemnización polos danos do lobo incrementando nun 50% o orzamento con respecto ao ano 2024.

 

E a conselleira de Medio Ambiente e Cambio Climático do Goberno galego remitía recentemente unha carta á nova Ministra para a Transición Ecolóxica e o Reto Demográfico solicitando unha reunión para abordar as peticións da Xunta de Galicia entre as que se atopa a autorización dalgunha medida excepcional de xestión desta especie.

 

EXTRACTO DA RESPOSTA OFICIAL DO GOBERNO

 

O nivel de protección do lobo está adaptado á información técnica e científica dispoñible na actualidade e non existen evidencias científicas nin técnicas que demostren que as circunstancias que xustificaron a súa incorporación á Listaxe de Especies Silvestres en Réxime de Protección Especial tivesen variado dende entón.

 

O Ministerio para a Transición Ecolóxica e o Reto Demográfico e a maior parte das comunidades autónomas integrantes da Comisión Estatal para o Patrimonio Natural e a Biodiversidade apostaron no 2021 por un cambio no modelo de xestión do lobo en España, en liña con outros Estados da Unión Europea.

 

Este cambio, impulsado pola protección legal da especia en toda España, supón priorizar as medidas preventivas ou protectoras do gando fronte á eliminación non selectiva de exemplares e manter unha atención permanente ás indemnizacións causadas polos danos do lobo, con criterios uniformes e sen atrasos.

O PPdeG agarda que Sánchez deixe de pensar só nunha comunidade e pense en todas na Conferencia de Presidentes: “Se de verdade hai vontade de chegar a acordos, haberá acordos”

O PPdeG considera que a Conferencia de Presidentes de mañá é unha oportunidade para que Pedro Sánchez “dea unha boa nova a Galicia” pero ten claro tamén que para iso é necesario que deixe de pensar só nunha comunidade e pense en todas: “A pelota está no seu tellado e, se de verdade hai vontade de chegar a acordos, haberá acordos”.

 

“Todas as comunidades, non só a nosa, agardamos que a Conferencia teña máis utilidade que a rolda de encontros bilaterais”, engadiu hoxe a secretaria xeral Paula Prado rememorando a reunión de Alfonso Rueda con Pedro Sánchez celebrada o pasado 19 de setembro. Unha reunión na que “o presidente Rueda cumpriu defendendo a dignidade de Galicia e os intereses dos galegos e das galegas ante o Goberno central pero a outra parte, que ten a chave para un bo número de asuntos, volveu dicir que non é a quenda de Galicia”.

 

De aí que, de cara á convocatoria de mañá, os populares agarden que Alfonso Rueda poida “regresar non só con boas palabras, senón con acordos beneficiosos para Galicia”. Non en balde, o presidente galego acudirá cunha axenda de importantes asuntos como a vivenda, o financiamento, a inmigración, a dependencia e outros problemas comúns a todos os territorios.

 

Paula Prado lamentou que Pedro Sánchez “só teña ollos para unha comunidade á que se vendeu por 7 votos e que agora mesmo se lle rebela, ou como moito para dúas, porque todos sabemos da devoción do Goberno central polo nacionalismo vasco única a exclusivamente tamén polos seus votos”.

 

A número dous dos populares galegos arremeteu ademais cara unha oposición á que reprochou a súa postura cada vez que se acerca unha cita deste tipo: “Ao BNG e ao PSdeG pedímoslle que defendan, con nós, a dignidade de Galicia e deixen de buscar inimigos onde non os hai”.

 

Neste sentido, amosouse sorprendida de que os nacionalistas teñan “o atrevemento de dar leccións e a cara de dicir que o presidente Rueda non acude coa axenda galega cando foron os primeiros en traizoala apoiando a investidura de Pedro Sánchez, vendendo fume aos galegos cun pacto repleto de incumprimentos”.

 

“O BNG leva anos subordinado ao que lle pide o Goberno central e os seus socios independentistas”, concluíu ironizando con que “en vez de tanto pedir a independencia de Galicia, mellor nos iría se se independizasen de Pedro Sánchez”.

 

No que se refire á actitude do PSdeG, Prado constatou que, como xa se demostrou tantas veces, o socialismo galego “é incapaz de separarase de Sánchez e ver todo o dano que está facendo a Galicia”.

 

O CALENDARIO DE ADVENTO DE AGRAVIOS DO GOBERNO CENTRAL

 

Á vista dos numerosos agravios do Goberno central a Galicia, que os populares galegos están expoñendo estes días nas súas redes sociais en forma de Calendario de Advento, a secretaria xeral do partido ten claro que “este ano Sánchez tampouco vai ser Papá Noel con Galicia”.

 

“Pedímoslle a Pedro Sánchez que neste Nadal non sexa Pedro Grinchez, que deixe de enredarse en tramas e subtramas de corrupción e que exerza dunha vez de presidente do Goberno, que xa vai tocando. E se non o fai, que busque canto antes a porta de saída”, incidiu.

Miguel Lorenzo: “El apoyo y trabajo de nuestros afiliados y simpatizantes hará que logremos el cambio que piden los coruñeses”

El líder del Partido Popular en la ciudad de A Coruña, Miguel Lorenzo, reunió hoy a los afiliados y simpatizantes de la formación en una cena de Navidad en la que quiso agradecerles su apoyo constante y su gran trabajo: “Sin vosotros no se puede conseguir nada y con vosotros lo podemos lograr todo”.

 

“Hay un enorme deseo de cambio por los coruñeses y para hacerlo realidad hace falta seguir en la calle, escuchar y explicar nuestro proyecto”, explicó incidiendo en la importancia de los comités de barrio, “nuestros ojos y oídos”; de los comités sectoriales, “nuestros pulmones”; y de cada afiliado y simpatizante del partido, a los que definió como “el ADN del Partido Popular”.

 

Lorenzo subrayó que A Coruña fue “el ayuntamiento que más votos aportó a la primera mayoría de Alfonso Rueda” y agradeció públicamente que el presidente haya devuelto esa confianza depositada en él “impulsando por nuestra ciudad con inversiones como el nuevo CHUAC, la estación intermodal, el Puerto o las más de 4.000 viviendas públicas en Xuxán y Monte Mero que cubrirán toda la demanda del registro de solicitantes en la ciudad”.

 

A pesar del gran esfuerzo realizado por el partido en las últimas convocatorias electorales, el líder de los populares coruñeses aseguró que “los afiliados están esperando con ansia las elecciones generales para que Alberto Núñez Feijóo devuelva la dignidad, el honor y el respeto al Gobierno de España”.

 

Enfrente, recordó, está una Inés Rey que, en sólo un año y medio del actual mandato, es “la alcaldesa que más protestas en la calle ha recibido de toda la historia de la ciudad”. Afeó también a sus socios del BNG la “contradicción” que supone el hecho de que “dicen que desconfían de ella y que se sienten engañados, pero no apoyan una moción de censura”.

 

LA OPCIÓN MAYORITARIA DE LOS CORUÑESES

 

Junto al presidente provincial del partido, Diego Calvo, y a la vicesecretaria nacional de Organización popular, Carmen Fúnez, estuvo presente también en la cena la secretaria general del PPdeG, Paula Prado.

 

Los populares gallegos agradecen la gran aportación de la agrupación local en las últimas convocatorias electorales: en febrero, la ciudad de A Coruña apoyó al presidente Alfonso Rueda con casi un 45% del voto y, en junio, le dio al PP más de casi 200.000 votos en las elecciones europeas.

 

Un apoyo en las urnas que hace también del PP la opción mayoritaria en una ciudad que, al contrario que Galicia, va a empezar el 2025 sin Presupuestos debido a la desunión y la debilidad de un PSOE con un líder nacional acorralado por una corrupción y un líder autonómico desaparecido, así como de un BNG cada vez más próximo a los que defienden la independencia de Galicia o la imposición del gallego.

 

DIEGO CALVO: “SEGUIREMOS NUESTRA HOJA DE RUTA”

 

El presidente provincial, Diego Calvo, puso en valor que el partido está “en un buen momento pese a todo lo que Sánchez intenta para desviar la atención” y puso el foco en los objetivos de futuro: “El año 2025 es un año importante para nosotros, por lo que debemos seguir trabajando, haciendo nuestro camino y prepararnos para cuando Sánchez decida convocar elecciones”.

 

En un momento en el que PSOE “intenta dividir y enfrentar para que no se hable de sus problemas”, Calvo hizo un llamamiento a los suyos para “seguir nuestra hoja de ruta, trabajar, pensar en los vecinos y estar pendientes de sus problemas”.

 

Por último, el popular destacó que “el mejor ejemplo lo tenemos en Galicia, con un Gobierno que saca adelante sus presupuestos, que cumple, y que sigue centrado en lo que interesa a la gente”.

 

CARMEN FÚNEZ: “HAY QUE BLINDAR ESPAÑA CONTRA EL SANCHISMO”

 

Por su parte, la vicesecretaria nacional de Organización del PP, Carmen Fúnez aprovechó su intervención para cuestionar que el Gobierno de Sánchez “sólo consigue apoyos para subir impuestos y rebajar delitos y sólo ejerce el poder para complacer a sus socios cómplices y para defenderse a sí mismo frente a la oposición, los tribunales y los medios de comunicación”.

 

Añadió que el mejor retrato del Gobierno se pudo ver el pasado 6 de diciembre, con motivo del Día de la Constitución: “Los socios de Sánchez rechazando la Carta Magna de plano y él mismo pidiendo blindar determinados derechos, cuando resulta que si la Constitución, que es un blindaje para los derechos de los españoles, corre peligro, es por culpa suya y de sus socios”.

 

“Está claro que lo que hay que blindar es España, pero contra el sanchismo, desde todos los ámbitos en los que esté representado el Partido Popular”, concluyó.