Categoría: PP de Galicia

O PPdeG esixe a comparecencia urxente do ministro de Transportes e Mobilidade Sostible, Óscar Puente, para dar explicacións ante as reiteradas incidencias na rede ferroviaria interior de Galicia e na liña de alta velocidade ata Madrid, así como do grave deterioro dos servizos ferroviarios operados por Renfe. Para os deputados populares galegos no Congreso, este “caos ferroviario” deixou de ser “esporádico” para converterse en “endémico para desgraza dos usuarios”.

“As continuas incidencias ferroviarias están impactando de forma moi negativa no dereito a unha mobilidade segura e fiable dos usuarios, así como na actividade económica e turística”, alertan os deputados do PPdeG no Congreso, que presentan unha batería de preguntas parlamentarias co obxectivo de que Puente compareza na Comisión de Transportes e informe das iniciativas do Goberno central ante a parálise ferroviaria que sofre Galicia.

Nas preguntas rexistradas polos populares galegos, consultan ao Executivo de Sánchez polas medidas urxentes ante as incidencias e o deterioro na rede ferroviaria, así como polas responsabilidades que debe asumir o ministro Óscar Puente – de quen depende Adif e Renfe- ante o caos dos trens en Galicia. Neste sentido, os deputados do PPdeG tamén esixen responsabilidades polo incumprimento dos protocolos de inspección e mantemento da infraestrutura e os trens. “Isto xera enormes prexuízos aos usuarios, alén dunha evidente alarma social en todo o territorio”, engade o deputado popular Celso Delgado.

Na iniciativa rexistrada tamén preguntan se o Ministerio de Transportes atenderá as constantes demandas do Goberno galego, que leva meses reclamando información respecto  da situación actual e o mantemento preventivo que se está realizando da rede ferroviaria en Galicia. “Preguntámonos tamén se este mantemento é o adecuado para adiantarse á acumulación de defectos, evitar a súa deterioración progresiva e manter a calidade do servizo”, sinala Delgado.

QUINCE TRENS E MILES DE USUARIOS AFECTADOS NOS ÚLTIMOS DÍAS

Os deputados populares galegos citarán no Congreso as incidencias na infraestrutura ferroviaria que sufriron os usuarios nos últimos días. Entre elas, os atrasos de máis de sete horas dos pasaxeiros dun tren AVLO entre Madrid e Vigo o pasado 24 de xuño, por mor de incidencias técnicas que causaron que o tren quedase detido pouco antes da estación de Taboadela e que houbese que activar un plan alternativo de transporte ou o AVE do 2 de xullo con orixe e destino Galicia que por falta de tensión na catenaria provocou importantes alteracións entre a estación Porta de Galicia (A Gudiña) e Sanabria, obrigando aos pasaxeiros a viaxar por estrada e quedando sen servizo os trens que conectan a Galicia con Madrid durante máis de cinco horas.

Tamén fan referencia ao último episodio de caos ferroviario vivido esta semana, por mor do enganchón do pantógrafo dun tren AVLO no Irixo, que o pasado 8 de xullo deixou sen tensión o tramo entre Ourense e Santiago de Compostela, provocando atrasos e afectando a máis de quince trens e a miles de usuarios. “A operadora pública Renfe informou que outros trens que circularon por esa liña con anterioridade tamén sufriran danos nos seus pantógrafos e víronse obrigados á súa substitución. É dicir, a avaría da catenaria de ADIF xa existía e non fora detectada polos servizos de mantemento”, avisan os deputados do PPdeG.

Para os populares galegos, esta última incidencia é “lamentable” e lembran que o propio Goberno galego volveu a esixir ao Goberno de Pedro Sánchez información puntual sobre as causas deste último suceso, urxindo unha mobilidade digna para os galegos e galegas.

O PPdeG lembra a Miguel Ángel Blanco no 29º aniversario do seu asasinato a mans da banda terrorista ETA. Xunto ao alcalde da Merca, José Manuel Garrido, a secretaria xeral dos populares galegos, Paula Prado, acompañada pola secretaria xeral da provincia de Ourense, Sandra Quintas, participou no acto institucional organizado polo Concello da Merca, a localidade natal do que foi concelleiro do PP de Ermua. Os populares sumáronse á veciñanza nunha misa solemne na igrexa parroquial de San Xes de Faramontaos e na ofrenda floral, onde se honrou a memoria do político vasco con profundas raíces galegas e a súa loita por manter “os valores da democracia e da liberdade” fronte aos “radicalismos” e as súas “terribles consecuencias”.

Así o expresa a número dous dos populares galegos na conmemoración do 29º aniversario da morte de Miguel Ángel Blanco, poñendo en valor o compromiso do PPdeG por respectar “o legado de quen nos deixou un exemplo moral e de coraxe democrático”, lembrando que se deixou a vida “por defender as liberdades”. Neste sentido, critica aos partidos que “esquecen” o significado da banda terrorista ETA, que asasinou a 68 galegos, e lamenta que a esquerda pacte con partidos coma Bildu, “herdeiros de quen sementou o terror no noso país e arrincou liberdades” e, sen embargo, “non esixan un perdón para as vítimas e as súas familias”.

“Non entendemos como hai partidos galegos, como o BNG, aliados con herdeiros de ETA e mesmo asesorados por eles”, asegura Prado, ao tempo que reitera o seu rexeitamento a “todos e cada un dos acordos políticos con partidos que manteñen a indignidade, non condenan os asasinatos da banda terrorista e pretenden lexitimar a súa existencia”. “Tampouco deberían facelo o PSOE e o BNG”, engade, argumentando que “non hai nada que falar ata que non pidan perdón e non axuden a esclarecer todos os crimes”.

A secretaria xeral do PPdeG, Paula Prado, pon en valor o compromiso do Goberno galego coa educación universitaria con medidas pioneiras como a matrícula gratuíta, que contribúe a un futuro de “calidade e innovación” en institucións como a Universidade de Santiago de Compostela (USC).

Así o manifestou a número dous dos populares galegos, acompañada polo deputado autonómico e membro da Comisión de Educación, Julio García Comesaña, nunha reunión de traballo coa reitora da Universidade de Santiago de Compostela (USC), Rosa Crujeiras, a quen aproveitou para felicitar publicamente por ser a primeira muller na historia da institución en acadar este cargo. “É importanteseguir traballando para que haxa moitas máis mulleres no ámbito universitario galego e tamén estatal”, engadiu Prado.

No encontro de traballo, destacaron a importancia da colaboración do Goberno galego presidido por Alfonso Rueda coa universidade, especialmente a través dun plan de financiamento que, en palabras da secretaria xeral do PPdeG, permitirá á USC “estabilidade e planificación de proxectos”.

Para Prado, o compromiso do Goberno de Alfonso Rueda coa USC e co resto de universidades galegas é “claro”, lembrando que en Galicia é posible estudar de xeito gratuíto dende a escola infantil ata rematar os estudos universitarios. Neste punto, lembrou que se acada xa o terceiro ano no que a matrícula na universidade pública galega é gratuíta, con 27.700 alumnos beneficiados. “Só este curso, as familias galegas aforrarán 20 millóns de euros con esta medida”, subliñou.

IMPULSO Á INVESTIGACIÓN DE EXCELENCIA

No caso concreto da USC, a número dous dos populares galegos fixo referencia a investimentos de relevancia como a construción da nova Facultade de Farmacia, para a que a Xunta de Galicia achega 12 millóns de euros; o campus de especialización, con 13,5 millóns de euros; colaboración en I+D a través de convenios para actualizar infraestruturas de investigación e captación de talento, para os que a Xunta destina 9,3 millóns de euros ou o lanzamento do Instituto Iterra no Campus de Lugo para impulsar a investigación de excelencia.

Na reunión tamén abordaron o reto da vivenda e a afectación que ten no alumnado, lembrando a colaboración do Goberno galego a través das residencias universitarias, así como a importancia da universidade no tecido social. Nesta liña, a secretaria xeral, que remarcou a importancia da universidade pública, insta a “non desprezar” posibles proxectos do ámbito privado, “sempre que cumpran cos estándares de calidade, sen terlles medo”.

Prado tamén pediu ás universidades públicas galegas coordinación para estudar o adianto do prazo de matrícula dos másteres universitarios, posto que esta non se pode realizar ata o mes de setembro. Para a secretaria xeral do PPdeG, que os prazos sexan durante o verán, sería unha boa medida “para axudar á planificación do alumnado e captar máis talento”. Neste sentido, puxo tamén en valor que os estudos de posgrado na nosa comunidade autónoma son unha das matrículas máis baratas de toda España.

O PPdeG presentará varias iniciativas no Parlamento de Galicia e, especialmente, nas Cortes Xerais, para urxirlle ao Goberno central medidas que impidan que persoas condenadas por agresión ou abuso sexual a menores poidan volver a exercer funcións docentes en calquera etapa educativa, así como en calquera ámbito relacionado con menores.

Así se acordou hoxe nunha Comisión de Educación extraordinaria do partido, celebrada na sede autonómica con este único punto do día, tras a condena a 9 anos de cárcere por agresión sexual a unha menor para o ex deputado Xabier Ron, antiga man dereita de Yolanda Díaz na desaparecida Alternativa Galega de Esquerda (AGE). Os populares cualifican estes feitos de “desprezables” e que se unen a outros casos cun denominador común: “A súa vinculación á esquerda radical”, subliñou a secretaria xeral do PPdeG, Paula Prado.

A Comisión de Educación do partido, presidida polo coordinador de Educación,  Ovidio Rodeiro e na que, ademais da secretaria xeral, tamén participou o responsable da área de Educación, Ciencia, Universidades e FP do Goberno galego, Román Rodríguez, serviu para poñer en común a necesidade de ferramentas xurídicas ante casos de persoas condenadas por delitos relacionados con menores e que, ademais, traballan no ámbito educativo.

“Aínda que pareza que temos ferramentas para evitar que aconteza que calquera destes agresores poida volver a exercer funcións docentes, non as temos. Non hai medidas xurídicas suficientes”, insistiu a número dous dos populares galegos, que mencionou que o caso de Xabier Ron non é o único.

Neste sentido, fixo referencia a Martiño Ramos, tamén profesor e exlíder local de En Marea en Ourense, quen cumpre condena por violar a unha menor; Rosendo Fernández, que estivo en prisión por abusar dunha menor de 4 anos e que foi portavoz dunha plataforma polos dereitos das persoas con discapacidade, candidato á alcaldía da cidade por Ourense en Común e, despois, militante do BNG e PSOE, ou Ramiro Santalices, asesor de Yolanda Díaz en AGE, detido por posesión de pornografía infantil.

PAULA PRADO: “QUE LECCIÓNS DE FEMINISMO E DE PROTECCIÓN Á INFANCIA PRETENDE DAR A ESQUERDA?”

A secretaria xeral do PPdeG detívose no caso de Rosendo Fernández como o “exemplo máis claro” de que non existen ferramentas xurídicas para apartar a estes agresores do ámbito docente, incluso despois dunha condena. “Foi condenado e cando transcorreu o prazo para a cancelación dos seus antecedentes, non houbo ferramentas xurídicas que evitasen que volva a ter contacto co ámbito docente”, explicou.

Para Prado, todos estes agresores sexuais teñen un denominador común, a pertenza ao ámbito da esquerda, polo que se pregunta “que leccións de feminismo e de respecto á infancia nos poden dar aqueles que respaldan a este tipo de persoas”. Así, afea que líderes políticos coma Yolanda Díaz non se pronuncien nin fagan reflexións políticas ante casos de tal gravidade.

Neste sentido, tamén se pregunta que “tipo de proceso de selección” teñen políticos como Yolanda Díaz para que este “ramillete de delincuentes” se atope sempre no seu ámbito e lamenta que partidos como o BNG non se pronuncien ante as últimas novas, como foi o caso de Xabier Ron.

ROMÁN RODRÍGUEZ: “É DE SENTIDO COMÚN APARTALOS DUN AULA”

Por outra banda, Román Rodríguez cualificou de “lamentable suceso” os feitos polos que se condena ao ex deputado Xabier Ron, feitos “absolutamente desprezables e repugnantes”.

Para o responsable de Educación do Goberno galego resulta de “sentido común” que unha persoa destas características non deba estar nunca máis nun aula nin en contacto con menores, “nin na educación pública, nin na concertada nin na privada”, remarcou.

Rodríguez explicou que dende o Goberno galego e o PPdeG xa se están valorando diferentes vías para encauzar unha perspectiva xurídica e ferramentas que imposibiliten a presenza destes agresores nas aulas. Para o responsable de Educación, casos como o de Xabier Ron, xeraron unha “coincidencia xeral na sociedade”, polo que a Administración “debe tomar medidas ante a inquedanza cidadán”.

O PPdeG defendeu hoxe no Senado o acordo unánime do Parlamento de Galicia para a transferencia da Autoestrada do Atlántico (AP-9) a Galicia, e logrou a aprobación de 7 emendas que serven para recuperar a proposta orixinal, na que se garanten todos os recursos económicos necesarios para a súa xestión, e corrixir o “pacto de traidores” executado por PSOE e BNG, co apoio de Sumar, no Congreso dos Deputados.

Na Comisión de Transportes e Mobilidade Sostible, na que se debateu a Proposición de Lei Orgánica de transferencia de titularidade e competencias da AP-9 á nosa Comunidade, os senadores galegos Nidia Arévalo, José Manuel Barreiro e José Manuel Rey Varela volveron situarse como os garantes de que se respecte o acordo respaldado por todas as forzas políticas representadas na Cámara galega. As emendas presentadas polos populares saíron adiante cos seus votos, mentres que PSOE e BNG votaron en contra.

O PP xa votara, na Comisión de Transportes da Cámara Baixa, en contra do ditame da ponencia sobre a devandita Proposición de Lei Orgánica, por considerar que co novo texto, que “deturpa” e “racha” co orixinal, “Pedro Sánchez pretende aforrar unha vez máis a costa do peto dos galegos e galegas”. Galicia, remarcaban os populares, “quere a transferencia da AP-9, pero sobre a base da vontade expresada na Cámara, non a calquera prezo”.

José Manuel Barreiro preguntouse hoxe no Senado “que mudou” desde que se votou o texto da transferencia no Parlamento de Galicia ata que se modificou no Congreso, e lembrou que “cando un Parlamento fala, deixa de falar cada grupo político, fala a sociedade a través da institución que a representa”. Por conseguinte, “os gobernos mudan, as maiorías mudan, pero os acordos unánimes dun Parlamento deberían ter vocación de permanencia”.

O senador galego contrapuxo que o PP “tivo a mesma posición en Santiago, no Congreso e no Senado”, polo que PSOE e BNG deben aclarar as “razóns” polas que mudaron a súa postura, de tal xeito que “din unha cousa en Galicia e outra distinta en Madrid”. “Non estamos pedindo confianza para o PP, estamos pedindo respecto para o Parlamento de Galicia e para os galegos”, incidiu.

José Manuel Barreiro sinalou que “non existe maior fortaleza para o autogoberno que a capacidade das súas institucións para alcanzar acordos, e esixir que sexan respectados”. E lamentou que a outros partidos políticos lles serva que “nos conformemos con menos dos acordos que Galicia pediu unanimemente”, incidindo en que son o PSOE e BNG os que “están boicoteando a transferencia da AP-9 e os que deben dar explicacións de porque decidiron cambiar o acordo inicial”.

“SEN TRAMPA NIN CARTÓN”

O PPdeG vén reivindicando que a transferencia da AP-9 debe vir acompañada dos recursos económicos necesarios para a súa xestión e que deben manterse todos os compromisos adquiridos, asegurando que se realice coas responsabilidades financeiras delimitadas, sen “trampa nin cartón e sen riscos ocultos para Galicia”. De feito, o texto modificado no Congreso conleva consecuencias “desastrosas”, de 4.000 millóns de euros de custo, para os petos dos galegos e galegas.

A transferencia a Galicia da autopista debe vir acompañada de dous requisitos. Por unha banda, o Goberno de Pedro Sánchez debe seguir financiando os compromisos adquiridos, dotando á Xunta de medios financeiros para ampliar as bonificacións das peaxes nun vial cuxa concesión a Audasa remata en 2048, salvo que o Tribunal de Xustiza da Unión Europea ditamine o contrario.

Ademais, a transferencia da AP-9 debe “suprimir” o incremento tarifario do 1% anual que Audasa aplica desde 2019 en concepto de compensación económica polas obras de ampliación da Ponte de Rande e da circunvalación de Santiago, unha actualización que se manterá por un período de 20 anos e que foi acordada na época do expresidente Zapatero. “O texto remitido desde o Parlamento de Galicia instaba ao Estado a amortizar esa suba”, lembran os populares galegos.

Do mesmo xeito, o PPdeG amosa a súa preocupación ante a desaparición neste acordo dunha disposición na que se obrigaba ao Goberno de Sánchez a asumir as obrigas económicas e financeiras en caso de que se declarase a nulidade das prórrogas mediante as cales se acordou a ampliación do período concesional. Recordan tamén que a Comisión Europea advertiu, ademais, de que España podería ser levada ante o Tribunal de Xustiza da Unión Europea se non adopta as medidas oportunas.

O PPdeG defenderá esta semana no Senado o acordo unánime do Parlamento de Galicia para a transferencia da Autoestrada do Atlántico (AP-9) a Galicia. Os populares proporán varias emendas para recuperar a proposta orixinal, na que se garanten todos os recursos económicos necesarios para a súa xestión.

Así o reclamaron hoxe na reunión da ponencia da Comisión de Transportes e Mobilidade Sostible sobre a Proposición de Lei Orgánica de transferencia de titularidade e competencias da AP-9 á nosa Comunidade. Os senadores galegos Nidia Arévalo, José Manuel Barreiro e José Manuel Rey Varela lamentan que o “pacto da traizón” executado por PSOE, BNG e Sumar no Congreso dos Deputados rachase o consenso acadado na Cámara galega, con consecuencias “desastrosas”, de 4.000 millóns de euros de custo, para a nosa Comunidade.

O PPdeG insiste en que o texto “rebaixado” ao que deu luz verde o PSOE no Congreso, co inestimable apoio dos nacionalistas e independentistas galegos, conleva condicións “inviables” para Galicia nos ámbitos financeiro, político e xurídico. Entre outras, non está garantido que o Estado asuma os custos asociados á transferencia, como o mantemento das bonificacións das peaxes, os investimentos comprometidos ou a indemnización á concesionaria en caso de que a Unión Europea así o ditamine.

Os populares remarcan que, ademais de dotarse á transferencia desta infraestrutura crítica para Galicia dos recursos económicos necesarios para a súa xestión, é “innegociable” que se manteñan todos os compromisos adquiridos ata agora. Por conseguinte, reclaman recuperar o texto orixinal e aparcar as modificacións, feitas de costas ao consenso acadado por todas as forzas parlamentarias galegas, que xera unha “enorme incertidume”.

O PPdeG reivindica que está a ser o único garante de que se preserve a transferencia da AP-9 nas condicións que se acordaron antes de que o texto quedase “completamente destrozado”. Unha fidelidade que contrasta co desleixo doutros partidos que quedan “absolutamente desacreditados” para arrogarse calquera defensa dos intereses de Galicia, ao impoñer unha factura de 4.000 millóns de euros ás arcas da Comunidade co obxectivo de aforrarlla a Pedro Sánchez.

SEMANA NO SENADO

Tras a celebración hoxe da ponencia, mañá debaterase na Comisión de Transportes e Mobilidade Sostible as emendas do Partido Popular para recuperar a proposta orixinal da transferencia da AP-9, e que culminará o xoves coa votación desta lei no pleno do Senado. Os populares galegos insisten en que o “único obxectivo é respectar o acordado por unanimidade no Parlamento de Galicia antes de que PSOE e BNG pactasen -xunto con Sumar- un pacto de traidores”.

O Partido Popular de Galicia, a través dos deputados galegos do Grupo Parlamentario Popular no Congreso impulsan unha Proposición non de lei, para o seu debate na Comisión de Defensa, na que reclaman de forma urxente ao Goberno de España unha base permanente da Unidade Militar de Emerxencias (UME) en Galicia, e que estaría situada na provincia de Ourense, en concreto no Centro integral de Loita contra o Lume no concello de Toén.

A iniciativa parlamentaria do PP sinala que a base da UME máis próxima a territorio galego atópase na actualidade en León, o que implica que “os tempos de resposta que non son os óptimos en situacións onde a rapidez é clave para salvar vidas e protexer a contorna natural”, afirma a deputada ourensá Ana Vázquez.

Galicia presenta un perfil de risco elevado en materia de protección civil debido á súa gran masa forestal, as condicións meteorolóxicas extremas e a dispersión da súa poboación, “polo que carecer dunha base propia supón unha desvantaxe loxística e de prevención evidente”.

A Proposición non de lei fai fincapé nas razóns técnicas, operativas e territoriais que xustifican que Ourense sexa o lugar elixido para albergar de forma permanente unha base da UME, apuntando que, alén de ter unha situación estratéxica no interior galego e boas comunicacións co resto de provincias, é historicamente unha das zonas máis castigadas polos incendios forestais en Galicia.

Ao tratarse dun territorio moi montañoso e con retos demográficos, as tarefas de emerxencia actuais vense dificultadas, “polo que dispoñer dunha base reduciría drasticamente os tempos de despregamento nas zonas rurais máis vulnerables”, subliña a deputada ourensá.

A PNL do PP tamén recolle que a provincia de Ourense arrastra un déficit histórico en canto a investimentos e infraestruturas dependentes do Estado, así como ser unha das provincias afectadas polo despoboamento. Unha base permanente da UME, incide Ana Vázquez, “non só axudaría a reforzar a seguridade dos seus habitantes, senón que tamén actuaría como motor económico coa creación de emprego directo e a dinamización de servizos públicos no rural”.

INICIATIVA NO PARLAMENTO DE GALICIA

A iniciativa dos deputados no Congreso súmase a aprobación no Parlamento de Galicia, o pasado 23 de xuño, dunha proposición na que se insta o Goberno central a crear, no concello de Toén, unha base permanente da Unidade Militar de Emerxencias.

O grupo parlamentario popular na Cámara galega defendeu que esta base da UME constituiría “un reforzo estratéxico de primeira orde” para a capacidade de resposta ante emerxencias para Galicia”, optimizando a capacidade de resposta fronte a emerxencias de distinta natureza: incendios forestais, inundacións, temporais, nevadas ou outras situacións de risco para a poboación.

Na iniciativa salientouse a oportunidade da localización en Toén, onde se atopa o Centro integral de loita contra o lume, de titularidade autonómica, polo que a nova sede da UME favorecería sinerxías entre efectivos.

·      Destaca que “ha quedado acreditado de forma fehaciente que Marlaska ha mentido”. “Mintió antelos medios de comunicación, mintió en sede parlamentaria y eso es inasumible en una democracia moderna, en una democracia madura”, subraya

·      Apunta que la presidenta de la SEPI no puede seguir niun minuto más en su cargo porque, imputada, “esinasumible que sobre ella pesen sospechas de graves casos de corrupción”. “La presidenta de la Sociedad Estatal de Participaciones Industriales maneja un volumen de 20.000 millones de euros en participaciones en empresas con participación pública”, advierte

·      Recuerda que toda la cúpula de la SEPI está imputada, y ya es el tercer presidente imputado. “Parece que en el PSOE se ha convertido en un clásico que los responsables de determinados cargos sean imputados y que los anteriores también”, en referenciatambién a los secretarios de Organización Ábalos y Cerdán.

A secretaria xeral do PPdeG, Paula Prado, afirma que Yolanda Díaz está “inhabilitada para a política activa” tras coñecerse a condena de 9 anos de cárcere por agresión sexual a unha menor para o ex deputado Xabier Ron da desaparecida Alternativa Galega de Esquerda (AGE). “Chegou á política da man da galega e con el Díaz compartiu escano, é estremecedor”, sinalou Prado, quen esixiu a dimisión de Yolanda Díaz, “pois non son casos illados”. A este “pederasta” únese o asesor de Díaz en AGE, Ramiro Santalices, detido en 2016 por posesión de pornografía infantil. “Foi a primeira vez que a Policía Nacional tivo que entrar no Parlamento galego”, engadiu a secretaria xeral, que cualifica de “patrón de conducta” estes casos.

Así o manifestou a número dous dos populares galegos durante a rolda de prensa celebrada hoxe na sede autonómica do PPdeG, onde instou a Díaz a “facer autocrítica e non dar leccións de feminismo”, preguntándose “con que cara mirará ás mulleres”, xusto cando se coñece a nova pola que o seu ex compañeiro de escano, Xabier Ron, deberá afrontar nove anos e medio de cárcere por violar a unha alumna menor de idade e a inhabilitación de 15 anos para exercer no ámbito educativo, ao que Paula Prado reclamou para el unha “inhabilitación perpetua a poder traballar con menores”.

O GOBERNO GALEGO, FARO DE ESTABILIDADE

Por outra banda, aproveitou a súa intervención para poñer en valor a iniciativa do Goberno galego tras o anuncio da elaboración dos Orzamentos de Galicia para o ano 2027, co obxectivo de aprobalos en tempo e forma para que entren en vigor o 1 de xaneiro do próximo ano. Estas contas serían os 18º consecutivos do Goberno do PPdeG, en contraposición coa “inestabilidade do Goberno de Sánchez”. Así, Prado defendeu a Galicia e o liderado de Alfonso Rueda á fronte do “faro de estabilidade”, mentres o Executivo central “acumula retrasos de tres prórrogas orzamentarias”.

Do mesmo xeito, destacou que a finais deste mes se levará ao Parlamento de Galicia o teito de gasto non financeiro e, antes do 20 de outubro, a entrega do proxecto de Orzamentos para a súa aprobación antes de finais de ano. “Galicia cumpre. Sánchez vende fume. Iríalle mellor se copiara un pouquiño máis o noso modelo”, ironizou.

SÁNCHEZ E O SEU DESGOBERNO

Para a secretaria xeral dos populares galegos, o anuncio de Sánchez de presentar o proxecto dos Orzamentos para 2027 é “un anuncio máis da factoría Moncloa”, preguntándose por que este ano si e os tres anteriores non.

“É un intento de tapar toda a escalada de imputacións, nun Goberno que xa ten máis imputados que deputados”, sinalou sobre casos que asolan ao entorno máis próximo a Sánchez.

Para Prado, o principal cometido de Sánchez para intentar aprobar os Orzamentos é “enganar aos seus socios”, téndoo “máis fácil” co BNG, xa que os independentistas galegos “din a todo que si en Madrid e non en Galicia, por sistema”. Neste sentido, afeou aos de Ana Pontón que “vendan a súa terra por aplaudir a Sánchez e as súas políticas de recorte contra a nosa Comunidade”.

Citou os agravios e recortes do Goberno central, consentidos polo BNG, como as escolas infantís, a AP-9, o financiamento autonómico, auxiliares de conversa, a exención das mariscadoras ou as vacinas, entre outros.

O BNG, O PARTIDO DA HIPOCRISÍA

Igualmente, definiu ao BNG como “o partido da hipocrisía”, lembrando que estes días a eurodeputada nacionalista Ana Miranda e unha delegación galega  saudaron ao presidente do Consello Europeo e ex primeiro Ministro de Portugal, Antonio Costa, para entregarlle unha fotografía de incendios forestais.

De feito, a nacionalista foi a Bruxelas a “falar mal da xestión galega cos incendios forestais”, xa que as palabras do BNG para Galicia, “e non para outros, son sempre desoladoras: nin unha boa palabra, nin empatía e nin moito menos admitir que Galicia conta cun dos mellores dispositivos de prevención e defensa contra os incendios forestais”, criticou. Neste punto, recordou que o Goberno central non aporta nada para esta tempada de risco de incendios, o que supón “ningunha novidade con respecto ao 2025”, e coa complicidade do BNG.

En contraposición a estes partidos da esquerda, Prado salientou o gran esforzo do Goberno galego de Alfonso Rueda, que ten “engraxada a máquina de gañar eleccións” no PPdeG e a de “impulsar políticas públicas que melloran a calidade de vida dos galegos e galegas” dende a Xunta de Galicia.

A número dous dos populares galegos tamén quixo ter unhas palabras de agarimo para a comunidade venezolana afectada polos devastadores terremotos. Transmitiu a súa solidariedade e lembrou que o PPdeG e o Goberno galego manteñen contacto permanente cos grupos de galegos e galegas no país.

O PPdeG traslada a súa máxima preocupación pola situación en Venezuela a raíz do dobre terremoto da semana pasada, así como a súa disposición a prestar toda a axuda posible aos afectados por esta traxedia, especialmente aos venezolanos con raíces na nosa Comunidade e a todos os galegos e galegas que residen no país. Así o afirmaron tras a unha reunión da Comisión de Acción Exterior que se celebrou hoxe na sede autonómica.

Este encontro estivo encabezado polo coordinador do Partido Popular Exterior, Antonio Rodríguez Miranda; pola secretaria xeral do PPdeG, Paula Prado; o responsable da área de Emprego, Comercio e Emigración do Goberno galego, José González, e o coordinador de Acción Exterior do PPdeG, Rubén del Río.

No transcurso da xuntanza, na que participaron os integrantes da Comisión, avaliouse a situación en Venezuela, unha semana despois do dobre sismo que deixa 2.000 falecidos e 50.000 desaparecidos. Así mesmo tamén se puxo sobre a mesa o labor despregado desde o Goberno galego, que inclúe a coordinación do desprazamento dun equipo especializado en busca e rescate e actuacións de cooperación canalizadas a través de diferentes ONG.

O PPdeG seguirá moi pendente da evolución do operativo de rescate e das necesidades dos galegos e galegas que resultaron afectados polos terremotos, aos que lembra que está ao seu carón nestes difíciles momentos.

Neste sentido, o Goberno galego xa ten activados todos os mecanismos de Axuda Económica de Emerxencia para colaborar cos galegos afectados no país, que irán ampliándose en función das necesidades. Tamén manteñen un traballo permanente coas Entidades Galegas, que permite ter a funcionar unha rede de asistencia social en todo o territorio venezolano e que está a recibir e acompañar ás persoas afectadas.

Así, os populares remarcan a súa solidariedade e agarimo co pobo venezolano, que sofre os terribles efectos dunha catástrofe natural agravados por anos de castigo a mans dunha ditadura corrupta. Cómpre lembrar que actualmente residen en Venezuela máis de 30.300 persoas galegas, o que supón preto do 21% dos españois residentes neste país. En Galicia residen arredor de 27.600 persoas de nacionalidade venezolana, o que representa algo máis do 7% das persoas venezolanas en España, algo que nos converte en pobos irmáns.