As Novas Xeracións do PPdeG reivindican a Escola de Verán “Gerardo Fernández Albor” como punto de encontro para falar “da Galicia que queremos”

A presidenta de Novas Xeracións do PPdeG, Nicole Grueira, reivindica a Escola de Verán “Gerardo Fernández Albor” como un punto de encontro para a mocidade galega, no que “debater, compartir e falar do que somos e do que queremos para o futuro de Galicia”. Para a representante da mocidade galega dos populares, a Escola de Verán é “positiva e pro positiva”, xa que ademais de lembrar “aos que construíron Galicia”, tamén se lle dá voz “aos mozos e mozas que teñen ganas de construír o seu futuro”.

Así o manifestou durante a clausura da Escola de Verán das Novas Xeracións, que celebrou esta fin de semana en Lalín un conxunto de charlas, actividades e visitas nas que se reivindicou o papel dos mozos na política, o legado de Miguel Ángel Blanco ou os retos do municipalismo, entre outras cousas.

Grueira fixo un balance deste encontro, cunha Escola que leva o nome do primeiro presidente do Goberno galego en democracia, figura da que puxo en valor o seu papel na construción da Galicia autonómica. “Para as novas xeracións é importante coñecer a nosa historia, saber de onde vimos e valorar o traballo de quen abriu camiño antes ca nós”, sinalou.

A presidenta de Novas Xeracións do PPdeG tamén citou o legado do concelleiro do PP asasinado por ETA, Miguel Ángel Blanco, cuxa proxección do documental da súa vida foi unha das actividades centrais da Escola. “Realizaremos numerosas actividades coma esta, co obxectivo de lembrar o pasado, falar do presente e propoñer para o futuro”, destacou.

Sobre a figura de Miguel Ángel Blanco, subliñou que a súa historia forma parte da nosa memoria democrática, sendo importante “que as novas xeracións coñezamos o que significou a súa morte e o que supuxo para toda unha sociedade”. Neste punto, lamentou que mentres o BNG e Galiza Nova “enxalzan aos herdeiros de ETA”, no PP o compromiso é “liberdade, democracia e convivencia”, valores que “non se venden e que temos a obriga de defender sempre”.

A presidenta da mocidade popular galega tamén fixo referencia ao reto das eleccións municipais de 2027, facendo fincapé sobre a importancia do municipalismo e lembrando que o PPdeG é o partido que goberna na maioría dos concellos de Galicia, e faino, dixo “contando con moitos mozos e mozas que deron o paso de participar na política municipal”. Neste sentido, puxo en valor o traballo de todos os alcaldes e concelleiros mozos que traballan día a día polos seus veciños.

“A mocidade ten un papel fundamental: é motor de estabilidade alí onde gobernamos e tamén ten que ser motor do cambio alí onde sexa necesario. Queremos que máis mozos e mozas dean ese paso e se impliquen na vida dos seus concellos”, apuntou Grueira.

LUISA PIÑEIRO: “A POLÍTICA PRECISA MOZOS E MOZAS QUE PARTICIPEN”

Na clausura da Escola de Verán “Gerardo Fernández Albor” de Novas Xeracións de Galicia, a secretaria xeral do PP da provincia de Pontevedra, Luisa Piñeiro, puxo en valor a Escola de Verán e a oportunidade que supón para que os participantes sumen “formación para estar preparados, participación para transformar e compromiso para non abandonar cando as cousas se poñen difíciles”.

Neste sentido, cualificou á mocidade como “o futuro”, pero tamén como “o presente, porque en política precisamos mozos e mozas que participen e que fortaleza as estruturas locais”. Piñeiro animou tamén aos mozos e mozas a que “saían á rúa, porque é fundamental coñecer de primeira man as inquedanzas da cidadanía” e os retos que estas xeracións teñen por diante.

ADRIÁN VÁZQUEZ: “OS MOZOS SODES O FUTURO DUNHA EUROPA FORTE”

O eurodeputado lalinense do PPdeG, Adrián Vázquez, tamén participou na clausura desta Escola de Verán, onde reivindicou a mocidade como o futuro “dunha Europa máis competitiva, autónoma e forte”. Respecto ás próximas eleccións, Vázquez fixo un chamamento aos mozos para “estar activos”, sinalando que o seu voto é “esencial para acadar o cambio que España necesita”.

“Cando en Europa defendemos unha AP-9 gratuíta e ben xestionada, os dereitos dos menores en liña, unhas fronteiras seguras para unha inmigración ordenada ou facer a vida máis doada aos nosos gandeiros, agricultores e pescadores; facémolo por vós, a mocidade”, destacou o eurodeputado. Para Vázquez, a política debe servir “para deixar o mundo un pouco mellor que como o atopamos”. Tamén animou ás novas xeracións a emprender en Galicia e “contribuír a mellorar a nosa terra”.

DOCUMENTAIS, VISITAS E MESAS REDONDAS

A Escola de Verán “Gerardo Fernández Albor” celebrou esta fin de semana a súa actividade en Lalín, cunha charla sobre redes sociais, un faladoiro da Galicia do futuro e a proxección do documental de Miguel Ángel Blanco. Nesta primeira xornada, o sábado, a mocidade do PPdeG tamén visitou unha explotación gandeira.

A actividade de hoxe centrouse en mesas redondas nas que diversos representantes do partido falaron dos retos do municipalismo e do papel dos concelleiros mozos.

O PPdeG destaca o investimento da Xunta no novo albergue de Xunqueira de Ambía como un impulso clave para o rural e o Camiño Mozárabe

O PPdeG puxo en valor o investimento de máis de 100.000 euros que a Xunta vén de destinar ao novo albergue de peregrinos no concello de Xunqueira de Ambía, e que supón “un impulso clave para o rural e o Camiño Mozárabe-Vía da Prata”.

Os deputados do Grupo Parlamentario Popular Juan Casares e Víctor Baladrón visitaron o inmoble, situado na localidade de Padroso, que, tras a súa rehabilitación, terá capacidade para oito persoas. Os traballos, segundo explicaron, execútanse ao abeiro dun convenio de colaboración entre o departamento de Turismo do Goberno galego e a Fundación Bieito Ledo. Tal e como salientaron, esta infraestrutura permitirá reforzar a capacidade de acollida dun itinerario cun enorme potencial de crecemento.

Asemade, fixeron fincapé na aposta da Xunta por un desenvolvemento sostible do noso rural, xerando novas oportunidades económicas para os concellos do interior e potenciando un modelo turístico sostible e de calidade. Actualmente, a Rede Pública de Albergues do Xacobeo nesta ruta dispón de 15 establecementos e 480 prazas.

UN DOS ITINERARIOS CON MAIOR POTENCIAL DE CRECEMENTO
A visita serviu, tamén, para enxalzar a excelente saúde da que goza a Vía da Prata. Así, segundo os últimos datos oficiais, se no ano 2025 percorreron esta ruta un total de 8.833 peregrinos, no que vai de 2026 a cifra xa supera as 7.000 persoas.

Para rematar, os deputados populares puxeron en valor a estratexia do Goberno galego por diversificar os fluxos cara a itinerarios que, como este, ofrecen unha gran riqueza patrimonial, etnográfica e paisaxística.

O PP lamenta que a FEGAMP se desmarque “de maneira unilateral” das concentracións de apoio a Ceuta

O grupo do Partido Popular na Federación Galega de Municipios e Provincias (FEGAMP) lamenta que a Federación Galega de Municipios e Provincias non apoie as concentracións de apoio a Ceuta convocadas pola Federación Española de Municipios e Provincias (FEMP) para esta mesma tarde en todos os concellos de España.

O vicepresidente primeiro e voceiro dos populares galegos, Ángel Moldes, sinala que “a FEGAMP se desmarca de maneira unilateral desta convocatoria”, e considera que o presidente Alberto Varela está a facer “un uso partidista da entidade”. “É moi evidente que para os socialistas galegos pesan máis as ordes de Sánchez que a independencia da propia Federación, a cal non debería ter cores políticas”, engade Moldes, ao tempo que anima a todos os galegos e galegas a participar nestas concentracións, “sen ideoloxías políticas, para mandar unha mensaxe de alento aos nosos compatriotas ceutís”.

Esta mesma tarde, e convocados pola FEMP, os cidadáns poderán concentrarse diante de cada concello galego para amosar unha imaxe de apoio ao pobo ceutí, que tras a invasión de milleiros de magrebís hai un mes seguen sen ter respostas nin solucións por parte do Goberno de España ante esta grave crise. As citas serán ás 20:00 horas, coincidindo coa celebración do Día de Ceuta.

O Partido Popular de Galicia súmase a esta convocatoria porque, segundo Moldes, “estamos do lado do que de verdade importa: a solidariedade, a unión e a soberanía nacional”. “O Goberno de Sánchez, totalmente desnortado, debe deixarse de evadir a súa culpa e buscar solucións reais ao que está acontecendo”, conclúe o voceiro dos populares galegos.

Paula Prado urxe a Sánchez que convoque eleccións para acabar co seu Goberno “á deriva”, que abandona ao pobo ceutí e despreza a Galicia

A secretaria xeral do PPdeG, Paula Prado, urxe a Pedro Sánchez a convocatoria de Eleccións Xerais para poñer fin ao seu “Goberno á deriva, en descomposición”, cunha “pasividade total” co que ocorre en Ceuta tras a invasión de milleiros de migrantes e co seu “desprezo constante a Galicia”. “Un Executivo”, subliñou, “que tamén sustentan os independentistas galegos”.

Neste sentido, apelando á unidade e á defensa da soberanía nacional, lembrou a mobilización en apoio ao pobo ceutí hoxe ás 20.00 horas diante de máis de 160 consistorios e coa participación de máis de 200 localidades, convocada pola Federación Española de Municipios e Provincias (FEMP), para amosar a indignación dos galegos e galegas cunha “cuestión de país, sen siglas”.

Así o manifestou a número dous dos populares galegos durante a rolda de prensa celebrada hoxe na sede autonómica do PPdeG, onde defendeu un “cambio de ciclo necesario” no que Alberto Núñez Feijóo sexa o presidente “que España merece e necesita”.

Prado lembrou que Galicia estará hoxe ao lado do pobo ceutí, precisamente no Día de Ceuta, pese aos intentos da oposición en Galicia de “ensuciar” as concentracións. “Están desnortados, non son capaces de deixar a ideoloxía a un lado para defender aos nosos compatriotas”, criticou Prado sobre as acusacións de PSdeG e BNG ás convocatorias, que anunciaron que non apoiarán. Neste punto, lamentou que para os socialistas e os independentistas galegos “non sexa suficiente” que os corpos de seguridade pidan solucións, os sanitarios denuncien colapso ou que haxa unha agresión sexual ao día en Ceuta.

A secretaria xeral pregúntase que clase de feminismo “dá leccións” na oposición mentres ocorren estes incidentes en Ceuta e lamenta que teñan que atacar unha vez máis ao Partido Popular “para tapar a súa falta de criterio e de xestión”. Neste punto, tamén critica que Sánchez “escorra o vulto” amosando máis hostilidade contra o Rei de España que contra o Rei de Marrocos, mentres se coñecen pola prensa novidades como que a Policía informou á xuíza da Audiencia Nacional que a invasión de Ceuta foi guiada e coordinada por xendarmes marroquís.

Facendo referencia a declaracións do presidente do PPdeG, Alfonso Rueda, a número dous dos populares galegos destacou que “ninguén pode vir a darnos leccións do que hai que facer coa xente que entra nun país aos galegos e galegas”, para os que emigrar é sinónimo de “responsabilidade, arraigo, identidade e traballo”.

AS POLÍTICAS DE ‘SENTIDIÑO’

Por outra banda, aproveitou a súa intervención para poñer en valor o traballo diario do PPdeG, as políticas de “sentidiño” e a senda de estabilidade que caracteriza a Galicia, facendo referencia ao inicio de curso político presidido a pasada fin de semana en Cerdedo Cotobade por Alberto Núñez Feijóo e Alfonso Rueda.

Neste acto, onde os discursos de apoio a Ceuta estiveron presentes en todas as intervencións, tamén se lembrou o desprezo constante a Galicia por parte de Sánchez en cuestións que, tal e como lembrou hoxe Prado, van dende a falta dun financiamento xusto, ao mal estado das infraestruturas ou a falta de médicos. Igualmente, afeou aos nacionalistas e independentistas que, co seu apoio ao Goberno de Sánchez, forman parte do “impedimento constante ao desenvolvemento da Galicia do futuro e do progreso”.

O PPdeG chama aos galegos e galegas á mobilización simultánea en apoio ao pobo ceutí e pola defensa da soberanía nacional

O PPdeG fai un chamamento aos galegos e galegas a participar nas concentracións simultáneas en apoio ao pobo ceutí, que se celebran mañá ás 20.00 horas diante dos concellos de Galicia. Os populares sinalan que esta mobilización se trata dunha mostra de “unión, solidariedade e compromiso” con Ceuta ante a crise migratoria actual que padecen estes compatriotas, tralos efectos da invasión que se produciu nos últimos días de xullo.

Os populares galegos defenden que estas mobilizacións non son un asunto “nin de esquerdas nin de dereitas”, senón de apoio á soberanía nacional e á volta a normalidade no territorio español, amosando empatía con compatriotas que o están pasando mal fronte a un Goberno central sumido na “absoluta pasividade” e no “abandono” do pobo ceutí.

Para o PPdeG, a realidade é que o PSOE de Pedro Sánchez provoca unha imaxe de “país fallido”, despois de asegurar que o problema estaba resolto aos dous días da invasión, cando a realidade é que un mes despois hai centos de persoas que seguen vagando polas rúas de Ceuta, sen que o Goberno dea ningunha solución. “Este é un Goberno experto en escorrer vultos pero incapaz de resolver problemas. Ceuta é o espello do que ocorre desde hai anos en España”, insisten os populares.

Neste sentido, o PPdeG apela á conciencia solidaria, se existe, dos dirixentes do PSOE. “Non é compatible defender os valores da socialdemocracia con encartarse ás necesidades egoístas do presidente do Goberno, negando o apoio a quen máis o necesitan”, apuntan os populares galegos. Fronte a isto, dende Galicia trasladan o seu apoio aos ceutís e ao presidente de Ceuta, Juan Jesús Vivas, que solicitou aos españois que se mobilicen nestas concentracións simultáneas por toda España, baixo o lema “Todos con Ceuta”.

Alfonso Rueda apela á “unidade” dun PPdeG que “resolve problemas” fronte a outros que “din si a Sánchez” e “non a todo o que beneficia a Galicia”

O presidente do PPdeG, Alfonso Rueda, fai un chamamento a “cargar as pilas” de cara aos próximos retos electorais, animando á “unidade” e defendendo que os populares “non miran o calendario, miran á xente e resolven problemas”, mediante o único camiño posible: o do “sentidiño”, a “humildade” e o “traballo”, fronte aos socialistas galegos que “din que si a todo o que di Sánchez, aínda que prexudique a Galicia”, ou aos independentistas galegos do “non a todo”. Neste punto, tamén fixo referencia a outros partidos sen representación no noso territorio, “que seguen sen entender porque aquí non teñen presenza”.

No tradicional acto de inicio de curso político do Partido Popular celebrado hoxe en Cerdedo Cotobade, o líder dos populares galegos subliñou que Galicia “está para resolver, fronte aos que miran para outro lado ou se dedican só a crispar e berrar”. Para Rueda, o PPdeG seguirá traballando na resolución de problemas con “determinación, orgullo, valentía e estando na rúa coa xente”. Así o manifestou no acto ao que asistiron unhas 1.000 persoas e no que estiveron presentes o presidente do PP nacional, Alberto Núñez Feijóo; o presidente honorífico do PPdeG, Mariano Rajoy; o secretario xeral nacioal do PP, Miguel Tellado; a secretaria xeral do PPdeG, Paula Prado; o presidente do PP da provincia de Pontevedra, Luis López; o alcalde de Cerdedo Cotobade, Jorge Cubela, así como outros representantes do partido a nivel autonómico e nacional.

Facendo referencia ás próximas eleccións, destacou que no caso das Xerais, que serán “cando a Sánchez lle interese convocalas”, o PP “estará listo para que se acabe este pesadelo, da man dun Goberno de Alberto Núñez Feijóo”.

No caso das eleccións municipais, animou aos populares a seguir traballando e perfilando equipos con “ilusión” e “forza”, de xeito que o PPdeG consolide gobernos e mellore resultados onde sexa necesario, “sen renunciar a nada”, insistiu.

Diante do presidente nacional do Partido Popular, Alberto Núñez Feijóo, reivindicou así mesmo que o PPdeG é un partido “moi unido” para, chegado o momento, facer presidente de España a quen defenderá que “ninguén nos pise”, asegurando un Goberno central que “non quite a uns para darlle a outros”, que respecte a Galicia e non faga distincións entre as comunidades. “Queremos un Goberno normal, que non discrimine, e que crea no noso rural, no noso mar, na nosa industria e na nosa maneira de estar neste país”, engadiu.

Para Rueda, se os populares continúan na senda actual de traballo e humildade, o ano que vén, na mesma Carballeira de San Xusto, o panorama será o “dun Sánchez en vacacións perpetuas e moitos máis alcaldes e alcaldesas do PPdeG gobernando”.

LEMBRANZA PARA O POBO CEUTÍ

Por outra banda, durante todos os discursos houbo palabras de apoio e recoñecemento ao pobo ceutí. O presidente autonómico trasladou tamén o cariño de Galicia ao presidente de Ceuta, Juan Jesús Vivas, traballando polos seus cidadáns fronte a un Goberno “máis pendente de agresores que de agredidos, que parece que lle dá igual o sufrimento dos seus cidadáns” e que se “escaquea” das súas responsabilidades. Neste punto, reivindicou que os ceutís “son tan españois coma o resto”. Facendo unha comparativa con Galicia, lembrou que “ninguén lle vai dar aos galegos leccións do que é emigrar, con respecto e integridade, sabendo que a un país vaise a traballar”.

CERDEDO COTOBADE, NO ESCAPARATE NACIONAL

Na súa intervención, o presidente provincial do PP de Pontevedra, Luis López, comezou mandando unha mensaxe de apoio a Ceuta pola situación que levan padecendo o último mes e agradeceu a nova elección de Cerdedo Cotobade polas direccións nacional e autonómica para abrir «un novo curso político que non pode ser un máis, xa que ten concluír co triunfo da estabilidade, das maiorías, da unidade e no que a política sirva para resolver problemas e non para crealos».

O responsable provincial salientou que os representantes do PP en todos os concellos estiveron e están «dando a cara en cada aldea, en cada lugar e en cada concello fronte aos que estaban agochados, de vacacións ou detrás dunha pancarta», polo que amosouse convencido de que esta confianza gañada e o feito de estar preparados servirá para «manter a Deputación libre de sectarismo, para que nas municipais haxa un clamor a favor de gobernos útiles, para lograr o imprescindible cambio en España con Alberto Núñez Feijóo e como antesala dunha nova maioría absoluta do presidente Rueda». «En 2023 puxemos a semente e este ano recolleremos os froitos. Alberto, o ano que vén esperámoste como presidente de España», sinalou.

Pola súa banda, o alcalde anfitrión, Jorge Cubela, destacou a importancia deste acto «para poñer no escaparate nacional» a Cerdedo Cotobade e agradeceu a reiterada aposta dos populares polo municipio para abrir cada ano o curso político: «Os españois van outorgarlle a Feijóo a mesma confianza que o PP ten cada ano con Cerdedo Cotobade, polo que xa queda un día menos para que sexas o presidente que España merece e necesita e volva a atención ás necesidades da xente».

O PPdeG celebra mañá un acto de inicio do curso político coa ilusión de “reivindicar a Galicia e a España” fronte aos radicalismos e os escándalos da esquerda

O PPdeG celebrará mañá en Cerdedo Cotobade o inicio do curso político nun acto marcado “pola ilusión de reivindicar Galicia e España” fronte á “mala política” dos radicalismos do independentismo galego e os escándalos do PSOE. Un arranque coa ollada posta no próximo reto electoral, as eleccións municipais de 2027, pero tamén nas Xerais. Coa presenza do presidente nacional, Alberto Núñez Feijóo, e do presidente autonómico, Alfonso Rueda, a Carballeira de San Xusto volverá a ser, como marca a tradición, o epicentro deste arranque de curso.

“En maio de 2027 iremos ás urnas para decidir quen nos representará nos lugares nos que desenvolvemos as nosas vidas. Dende o PPdeG seguiremos traballando día tras día, formando equipos e ofrecendo proxectos de futuro”, sinalou a secretaria xeral do PPdeG, Paula Prado, hoxe durante a visita á carballeira de San Xusto, coincidindo co inicio das labores de montaxe do acto.

A número dous dos populares galegos subliñou que o PP presentará “as mellores candidaturas”, coa meta posta en mellorar resultados nas urnas, “xa que somos o partido que máis se parece aos galegos e galegas”.

Por outra banda, lembrou que neste curso político tamén se espera unha nova convocatoria ás urnas: para elixir ao próximo presidente do Goberno de España. “Nós temos claro quen será: Alberto Núñez Feijóo, porque a era de Sánchez chegou ao seu fin, os días de Sánchez na Moncloa están contados”, asegurou. Neste punto, aproveitou para esixir ao presidente do Goberno central que convoque Eleccións Xerais.

Prado agradeceu ao presidente nacional do PP que elixise unha vez máis “a súa casa” para este inicio de curso e reclamou o seu papel na defensa de Galicia e España. “Imos reivindicar Galicia e España, a igualdade de todos os españois, porque non queremos ser máis que ninguén, pero tampouco menos. E por desgraza, Sánchez ten territorios de primeira e territorios de segunda”, engadiu. Así, puxo en valor fronte á mala política do socialismo e os seus socios, a política que promove Feijóo e a política que se realiza dende o Goberno galego, liderada polo presidente do PPdeG, Alfonso Rueda.

“O PPdeG é a forza que tamén nos impulsa a seguir camiñando con “sentidiño”, con políticas pensadas para todos os galegos e galegas e pola senda da estabilidade”, destacou Prado, que criticou a Galicia dos “radicalismos, leas e algaradas” que promoven os nacionalistas e independentistas do BNG, que, lonxe de traballar pola súa terra, dixo, “debuxan unha Galicia escura e só se guían polo seu verdadeiro líder, a radicalista UPG”.

Para a secretaria xeral dos populares galegos, esa forza do PPdeG seguirá encamiñada en apostar por “unha Galicia unida e que viva en convivencia, traballando polo presente e polo futuro, o do progreso e o das oportunidades para os galegos do mañá”.

“POLA NOSA TERRA, A SÚA XENTE E O FUTURO DE TODOS ELES”

Prado aproveitou para anunciar que o acto do inicio do curso político comezará mañá ás 12.00 horas, nesa carballeira de San Xusto, en Cerdedo Cotobade, onde “celebraremos o inicio do curso político para seguir debuxando entre todos a Galicia que queremos, con alegría e ilusión, e tamén con reivindicacións: pola nosa terra, a súa xente e o futuro de todos eles”.

Ademais de representación popular das catro provincias de Galicia, haberá unha parte moi importante do equipo de dirección do PP nacional, entre eles o secretario xeral do partido, Miguel Tellado, xunto con outros cargos, arroupando ao líder nacional do PP. Tamén estará o presidente de honra do PPdeG, Mariano Rajoy.

LUIS LÓPEZ: “A RECEITA HABITUAL DO PP É O TRABALLO DIARIO”

Pola súa banda, o presidente provincial do PP de Pontevedra, Luis López, agradeceu ás direccións nacional e autonómica a súa reiterada aposta por Cerdedo Cotobade e pola provincia para iniciar un novo curso político e adiantou que o partido «volverá a ofrecer unha imaxe de forza e unidade imposible para as demais formacións galegas».

O tamén presidente da Deputación sinalou que a provincia está «preparada e comprometida para todos os retos dun curso político frenético comezando polo necesario cambio en España» e advertiu de que a receita para os próximos meses será a habitual de «conquistar a confianza da xente día a día». «Iso é que nos dá credibilidade. O traballo diario, estar na rúa, escoitar aos veciños e apoialos cando precisan é o que se viu en cada concello neste verán e o que lle amosaremos a toda España desde Cerdedo Cotobade», aseverou.

“ENORME IMPORTANCIA” PARA CERDEDO COTOBADE

Por último, o alcalde anfitrión, Jorge Cubela, destacou a «enorme importancia» para o seu municipio de que o PP aposte de novo pola Carballeira do San Xusto para arrancar o curso político en toda España, «xa que nos sitúa na primeira liña e xera un importante retorno socioeconómico pola presenza de centos de persoas». Así mesmo, tamén salientou que supón un «premio» para a agrupación local do PP, xa que é un recoñecemento «ao traballo e a fortaleza» de moitos anos.

O PP denuncia a “asfixia fiscal” a autónomos e cidadáns por parte de Pedro Sánchez e lamenta que a recadación de impostos se incremente en Galicia o dobre que no resto de España

O Partido Popular denunciou hoxe en Vigo, a través dos deputados nacionais Irene Garrido e Pedro Puy, a “asfixia fiscal” a autónomos e cidadáns por parte do Executivo de Pedro Sánchez e lamentou que esta enorme carga impositiva prexudique principalmente a Galicia, posto que revelaron que a recadación tributaria na nosa comunidade no primeiro semestre deste ano (+18,3%) incrementouse o dobre que no resto de España (+10,4%).

Os dous congresistas do PP criticaron esta “persistente voracidade” do Goberno central” cos petos das familias, xa que apostillaron que esta política está a xerar unha “evidente perda de poder adquisitivo” dos cidadáns, que dispoñen dun 2% menos de renda real en comparación co ano 2021 como consecuencia da presión fiscal, polo que esixen de novo que se axuste a tarifa do IRPF á inflación, tal e como foi aprobado pola maioría do Congreso dos Deputados.

“España é un país fiscalmente exhausto que vive baixo a maior presión fiscal da súa historia despois de que Pedro Sánchez aprobase, nestes oito anos, ata 100 subdas de impostos, incrementando os ingresos en 180.0000 millóns de euros e a débeda pública en 500.000 máis”, revelou Irene Garrido, que incidiu en que este “sablazo” aos cidadáns afecta especialmente ao colectivo dos autónomos, no que se inclúen 204.000 galegos.

A deputada viguesa arremeteu contra a desatención a este sector fundamental da economía da provincia e de Galicia e tamén contra os “incontables e sistemáticos incumprimentos”, comezando pola inaplicación da normativa europea que permitiría a exención da xestión do IVE para os que facturen menos de 85.000 euros anuais. Así, laiouse tamén da devolución do exceso de cotización desde hai dous anos ou da falta de recoñecemento para o 60% dos ceses de actividade.

Nesta liña, indicou que a implantación destas medidas figura entre as trinta propostas do contrato de autónomos do PP, no que tamén se recollen a tarifa cero para emprendedores, a redución da burocracia con só dúas declaracións anuais, unha lei de segunda oportunidade realista e as bonificacións do 100% das cotizacións polo primeiro traballador contratado. “Reclamamos xustiza contributiva e que o esforzo fiscal dos autónomos se corresponda cun Estado que cumpre o que promete”, sinalou, antes de lembrar que estas eivas está a ser suplidas en Galicia -que é a terceira rexión na que os autonómos teñen máis peso e representan ao 98% das pemes- por moitas medidas postas en marcha pola Xunta cos seus recursos con liñas de apoio que, só neste ano, suman máis de 42 millóns de euros.

“Duro” regreso das vacacións

Pola súa banda, Pedro Puy relacionou este aumento fiscal coa inflación interanual da provincia -un 4,2%-, que “vai facer especialmente duro para as familias este regreso das vacacións”, xa que ademais lembrou que a capacidade dos cidadáns para facer fronte aos seus gastos correntes é menor con respecto ao ano 2019.

“Desde que goberna Sánchez os galegos e os españois temos perdido poder adquisitivo pola incapacidade de facer reformas que fomenten a produtividade, pola incapacidade para aprobar orzamentos e, sobre todo, polo incremento da presión fiscal sobre o traballo”, advertiu o deputado pontevedrés, que cifrou o incremento da recadación polo IRPF cinco veces superior ao crecemento do PIB.

Puy engadiu que gran parte do incremento da recadación pola denominada Declaración da Renda débese á progresividade en frío, é dicir, á non adecuación do IRPF ás subas de salarios que só se axustan á inflación. “Gañamos máis nominalmente, pagamos máis de IRPF e, como consecuencia, en termos netos gañamos menos e perdemos capacidade de compra”, explicou.

Neste senso, lembrou que o PP impulsou e conseguiu aprobar varias iniciativas no Congreso para axustar o IRPF e compensar a perda de poder adquisitivo, principalmente coa modificación de alomenos os tres primeiros tramos, dos mínimos persoais e do resto de deduccións que atenden a circunstancias familiares, “pero o PSOE segue a ignoralas e engrosa as arcas do Estado a costa de que as familias sufran moito máis cando fan a compra e teñan que recurrir a créditos para o consumo”.

Rey Varela: “En septiembre volveremos a solicitar al Ministro que comparezca en el Senado para dar respuestas sobre el tren a Ferrol”

Los senadores del Grupo Popular José Manuel Rey Varela y Verónica Casal Míguez mantuvieron esta mañana una reunión de trabajo con representantes del Foro Cidadán polo Tren en la que hicieron un seguimiento de las reivindicaciones realizadas por el Foro y los Concellos de la Comarca de Ferrolterra y trasladadas al Gobierno del Estado en relación a la mejora del ferrocarril en Ferrol y ver nuevos pasos a dar para que Ferrol cuente con unas infraestructuras ferroviarias del Siglo XXI.

Durante el encuentro, Rey Varela puso en valor que existe un amplio consenso ciudadano y político en torno a la necesidad de mejorar las infraestructuras y los servicios ferroviarios, y defendió que esta cuestión debe abordarse desde la colaboración entre administraciones y con la participación de los distintos agentes sociales, lo que agradeció al Foro el trabajo que viene desarrollando a lo largo de los últimos años.

“En una cuestión tan importante para el futuro de Ferrol podemos y debemos estar juntos. Esto no va de partidos ni de quién gobierna en Madrid, en Santiago o en Ferrol. Va de que nuestros vecinos tengan derecho a disponer de un transporte ferroviario competitivo, fiable y moderno”, señaló.

Rey Varela trasladó al Foro la voluntad de seguir utilizando todas las vías institucionales disponibles para reclamar avances concretos. En este sentido, recordó las solicitudes de reunión realizadas al Ministerio de Transportes y su compromiso de continuar trabajando para que se produzca un encuentro en el que puedan abordarse las actuaciones pendientes tal y como el Ministro se comprometió en el mes de diciembre con Rey Varela.

“Han pasado 9 meses, el Ministro incumplió su palabra y no hemos obtenida ninguna respuesta”, lamentó Rey Varela, que afirmó que las prioridades que seguirá defendiendo son la recuperación y mejora de las frecuencias entre Ferrol y A Coruña, la modernización de la línea, la electrificación, la reducción de los tiempos de viaje y la resolución de las actuaciones pendientes, así como el avance en una estación intermodal acorde con las necesidades de Ferrol.

Rey Varela y Casal Míguez subrayaron que estas reivindicaciones no son nuevas y que forman parte de una demanda sostenida durante años por el Ayuntamiento, la Mancomunidad, el Foro Cidadán polo Ferrocarril y las diferentes instituciones y partidos políticos de la ciudad.

“Queremos seguir dialogando, pero dialogar también significa obtener respuestas. Nuestra posición es firme, pero constructiva; reivindicativa, pero responsable. No queremos enfrentamientos, queremos acuerdos. No queremos privilegios, queremos igualdad”, afirmó Rey Varela.

Asimismo, destacó que la mejora de la conexión ferroviaria debe entenderse como una infraestructura estratégica para el desarrollo económico y social de Ferrol y de todo el norte de Galicia, por su impacto en el empleo, la industria, la movilidad, las oportunidades y la cohesión territorial. En este sentido, recordó que Ferrol atraviesa un momento de transformación y crecimiento, con nuevos proyectos e inversiones, y que la modernización del ferrocarril debe acompañar ese proceso.

“Ferrol está creciendo en población, en inversión y en orgullo de ciudad, y precisamente por eso necesitamos que nuestras infraestructuras estén a la altura. No podemos construir un Ferrol en Grande con infraestructuras pequeñas”, manifestó el senador popular y trasladó que “Ferrol es una ciudad que no se pone límites. Tampoco vamos a poner límites a nuestra capacidad para defender aquello que consideramos justo”.

Casal Míguez por su parte trasladó que “Lo hemos dicho muchas veces: queremos un Gobierno de hechos, no de palabras. Necesitamos que las palabras se conviertan en proyectos, que los proyectos se conviertan en obras y que las obras se conviertan en mejores servicios para los ferrolanos”.

En este sentido Casal Miguez lamentó que obras que estaban planificadas desde hace años como el bypass de Betanzos, no se diera ni un solo paso en estos 8 años. “Seguimos sin tener noticias del bypass de Betanzos, una obra que permitiría acortar los tiempos de viaje entre Ferrol y Coruña y que demostraría que el Gobierno se acuerda de Ferrol” afirmó la senadora popular aludiendo al incumplimiento de palabra de Oscar Puente.

Verónica Casal instó tanto el Delegado del Gobierno como el Ministro de Transportes a dejarse de tanta política de Marketing y de tantos tweets, y que se centren en planificar y ejecutar las obras necesarias para que Ferrol cuente con un tren del Siglo XXI que permita la movilidad de los ferrolanos.

Por ello Rey Varela y Casal Míguez avanzaron a los representantes del Foro Cidadán polo Tren que en septiembre volverán a solicitar al Ministro que comparezca en el Senado para dar respuesta y explicaciones de porque ha incumplido su palabra, de porque no se ha avanzado en la modernización de nuestras infraestructuras ferroviarias y que de una fecha para la reunión solicitada por el Ayuntamiento, los grupos políticos y el Foro Cidadán.

A Comisión de Cultura do PPdeG visita a Casa-Museo de Otero Pedrayo, epicentro da conservación do legado do escritor ourensán

A comisión de Cultura do PPdeG pon en valor o traballo da Fundación Otero Pedrayo arredor  da conservación da figura do intelectual ourensán, xusto cando se cumpren 50 anos da morte do escritor, conmemorados coa declaración do 2026 como Ano Oteriano. Así, nunha visita á Casa-Museo do escritor, na parroquia de Trasalba, no concello ourensán de Amoeiro, os populares agradeceron ao presidente da entidade, Eduardo López, o papel que desenvolven para difundir a pegada dun dos piares do florecemento cultural de Galicia.

A secretaria xeral dos populares galegos, Paula Prado, o responsable da área de Cultura do Goberno galego, José López Campos e a coordinadora de Cultura do PPdeG, María Baleato, puideron coñecer os recunchos da Casa-Museo na que o escritor ourensán desenvolveu parte do seu talento e que, na actualidade, funciona como sede da Fundación.

Durante a visita, tamén lembraron a importancia da declaración do 2026 como Ano Oteriano, aprobada no Parlamento de Galicia o pasado 17 de decembro de 2025, que ademais de coincidir co 50 aniversario da morte do escritor, tamén conmemora o centenario da publicación da súa obra “Guía de Galicia”.