Santiago, 31 de xaneiro de 2018.- O presidente do Novas Xeracións de Galicia, Adrián Pardo, asegurou esta mañá que, “fronte aqueles que cando gobernan fan da Educación un foco de conflito ou de adoutrinamento, nós facemos un motor de progreso”.
O GPP defenderá no pleno o mantemento da figura da prisión permanente revisable
Santiago, 30 de xaneiro de 2018.- O Grupo Popular defenderá no Pleno da vindeira semana unha proposición non de lei a través da que se solicita o apoio do Parlamento galego á figura da prisión permanente revisable e que os grupos parlamentarios do Congreso reconsideren a súa postura sobre a derrogación desta figura penal. Así mesmo, pedirase ao Goberno central que os residentes en países que non pertenzan á Unión Europea tamén tributen no caso de herdanzas ou doazóns de acordo coa normativa da comunidade autónoma e non a estatal.
Ao remate da Xunta de Portavoces, o portavoz popular, Pedro Puy, informou que a sesión plenaria da vindeira semana debaterá a toma en consideración do proxecto de Lei de reforma da Lei de Saúde de Galicia, “un texto lexislativo que é
unha mostra máis do compromiso do Goberno galego para manter e mellorar o sistema público de saúde”.
Puy explicou que este proxecto de lei “entrou no Parlamento o pasado 14 de decembro e está a seguir os trámites ordinarios” dos textos lexislativos. Ademais, apuntou que “trata de racionalizar a organización territorial da sanidade, establecendo un mapa sanitario que blinda os hospitais comarcais, que pasan a ser distritos propios”.
“Esta lei consolida un modelo sanitario que xa beneficiou a 260.000 galegos que, gracias á atención no seu hospital comarcal por especialistas dos grandes hospitais aforraron o desprazamento ás cidades”, destacou. Porén, lamentou que “calquera decisión que se adopta no ámbito da sanidade galega, das mellor valoradas en España, vese suxeita a críticas que despois non se confirman na realidade, desde pagar pola sanidade ata pechar uns hospitais comarcais nos que o Goberno galego está a facer importantes investimentos para a súa ampliación e mellora”.
COMPARECENCIA SOBRE O PLAN GALICIA INNOVA 2020
O Pleno continuará coa comparecencia do conselleiro de Economía e Industria para informar do Plan Galicia Innova 2020, “un novo modelo de colaboración coas empresas de Galicia para avanzar na especialización, na investigación e no liderado empresarial introducindo novas tecnoloxías para o desenvolvemento do noso tecido empresarial”.
Respecto das proposicións non de lei que defenderá o Grupo Popular, Pedro Puy incidiu na que solicitará o apoio á figura da prisión permanente revisable, incluída en diversos ordenamentos xurídicos democráticos e avaliada polo Tribunal Europeo de Dereitos Humanos. “Trátase de previr a presenza na sociedade de persoas que non están debidamente rehabilitadas nin adaptadas para deixar de cometer crimes especialmente atroces”, puntualizou.
En segundo lugar, o Grupo Popular defenderá que o Goberno central aplique nos casos de herdanzas ou doazóns de residentes en países que non pertencen á Unión Europea o mesmo criterio que para os casos de residentes da UE, tributando o imposto de sucesións e doazóns de acordo coa normativa da comunidade autónoma e non do Estado.
Pedro Puy tamén deu conta das preguntas que o Grupo Popular realizará ao Goberno galego na sesión plenaria. En primeiro lugar, cuestionará sobre o balance da viaxe que hoxe inicia o Presidente da Xunta a Israel; pero tamén sobre as axudas aos proxectos de transformación de produtos agrarios concedidas nos últimos anos; e sobre o fomento e a dinamización da lectura en Galicia.
SUPRESIÓN DE PEAXES
Cuestionado sobre os peaxes na autoestrada AP-9, Puy criticou que os socialistas “digan que hai caos cando aprobaron que Galicia pagara unha peaxe entre Vigo e Morrazo que correspondía ao Estado, deixando fóra da liberación desa peaxe ao tramo entre Vigo e Redondela”. “A solución adoptada para a supresión da peaxe de Redondela vén paliar a existencia dun caos e dunha cuestión absurda que ninguén explicou no seu momento”, dixo.
“Galicia e a Xunta teñen conseguido suprimir unha peaxe que era irracional e aforrarse os cartos que estábamos pagando pola supresión da peaxe entre Vigo e O Morrazo”, subliñou o portavoz popular, polo que considerou que “algo se vai mellorando”.
O GPP salienta o investimento de máis de 90 millóns de euros en Ourense no primeiro ano de Lexislatura
Santiago, 29 de xaneiro de 2018.- Os deputados do Grupo Popular celebraron hoxe a súa tradicional reunión dos luns na cidade de Ourense, onde fixeron un balance das actuacións realizadas polo Goberno galego neste primeiro ano de lexislatura e que superan os 90 millóns de euros.
Feijóo: “Galicia está disposta a liderar o Pacto Educativo que España necesita”
O presidente do Partido Popular de Galicia, Alberto Núñez Feijóo, asegurou esta mañá que “Galicia está disposta a liderar o Pacto Educativo que España necesita”, salientando que “o Pacto de Estado Social e Político pola Educación é a maior oportunidade educativa nestes 40 anos”.
O PPdeG celebra que o PSdeG-PSOE pida xa uns Presupostos do Estado para o 2018 que inclúan a equiparación salarial dos corpos policiais
Santiago, 26 de xaneiro de 2018.- O PPdeG celebra que o PSdeG-PSOE pide xa uns Presupostos do Estado para o 2018 que inclúan a equiparación salarial do Corpo Nacional de Policía e Garda Civil con outros corpos policiais. Neste sentido o Parlamento aprobou hoxe unha iniciativa socialista que incorporou unha emenda do PPdeG na que se solicita que os acordos do Ministerio do Interior coa Mesa técnica de negociación se reflexen nos Presupostos Xerais do Estado para o ano 2018.
O PPdeG reunirá mañá a máis de 500 docentes para agradecer os «éxitos colectivos» do sistema educativo galego
Santiago, 26 de xaneiro de 2018.- O secretario xeral do Partido Popular de Galicia, Miguel Tellado, visitou a montaxe da Convención Nacional de Educación que o PPdeG celebrará mañá na Cidade da Cultura e onde reunirán a máis de 500 profesionais da ensinanza. Segundo sinalou, o obxectivo é moi claro: “valorar aos docentes como a peza fundamental que son do noso sistema educativo” porque “eles son os artífices de boa parte dos éxitos recentes”.
Tellado: “Se as Mareas e o PSdeG se preocupasen polo naval, apoiarían os Orzamentos Xerais do Estado”
Fene, 25 de xaneiro de 2018.- O secretario xeral do Partido Popular de Galicia, Miguel Tellado, participou este xoves nunha visita ás instalacións de Navantia Fene, nas que declarou que “se as Mareas de Podemos e o PSdeG se preocupasen de verdade pola situación do naval galego, apoiarían os Orzamentos Xerais do Estado”, e argumentou que da aprobación das contas do Goberno central depende o proxecto de construción das Fragatas F110, unha embarcación punteira que será o futuro buque da Armada Española.
O Parlamento galego insta á Xunta a desenvolver accións en común con rexións e flotas pesqueiras europeas para flexibilizar a normativa dos descartes
Santiago, 24 de xaneiro de 2018.- O Parlamento de Galicia aprobou hoxe unha proposición non de lei do Grupo Popular a través da que se insta á Xunta de Galicia a seguir desenvolvendo accións para por en común con outras rexións e flotas pesqueiras as experiencias e coñecementos obtidos en torno á problemática dos descartes pesqueiros, con especial atención á súa refundición e transmisión das demandas á Comisión Europea de cara á adaptación da normativa.
O Parlamento insta á xunta a continuar traballadno para construír o novo centro de saúde da Falperra en A Coruña nun espazo cedido polo Concello no Merdado de Santa Lucía
Santiago, 24 de xaneiro de 2018.- O Parlamento galego aprobou hoxe, co voto en contra de En Marea e BNG, e a abstención do PSOE, a proposición non de lei do Grupo Popular a través da que se insta á Xunta a seguir traballando para facer realidade a dotación dun novo centro de saúde para o barrio da Falperra en A Coruña, nun espazo adecuado cedido polo Concello no actual edificio do Mercado de Santa Lucía.
O PPdeG considera que «o vodevil do alcalde de Vigo co trasvase do Verdugo ten como obxectivo ocultar aos vigueses quelles subministra a prezo de auga mineral a auga dos floreiros»
Santiago, 24 de xaneiro de 2018.- O deputado do Grupo Popular Alberto Pazos asegurou esta mañá no Parlamento que “o vodevil do alcalde de Vigo co trasvase do río Verdugo e o abastecemento de auga nesta cidade ten un único obxectivo: ocultar aos vigueses que lle están a subministrar a prezo de auga mineral a auga dos floreiros”. Así mesmo, criticou que “o alcalde decidiu gastar en autopromoción os cartos que deberían dedicarse a mellorar a rede de abastecemento de Vigo, tal e como o afirma a propia concesionaria do servizo municipal de auga”.