Santiago, 26 de xuño de 2018.- A portavoz de Cultura do Grupo Popular, Teresa Egerique, criticou hoxe que o BNG pretenda “lavarlle a cara ao alcalde de Lalín coa súa proposta de que a Xunta asuma a xestión do conservatorio profesional de música”, un centro que “leva décadas funcionando cun nivel moi alto e quizais o problema actual está na incapacidade do actual Goberno local para levar a súa xestión”.
A proposición de lei para a transferencia da AP-9 á Xunta supera o trámite en Comisión e queda pendente da aprobación definitiva en Pleno
Santiago, 26 de xuño de 2018.- O Grupo Popular apoiou hoxe na Comisión 2ª a aprobación do ditame da proposición de lei, para remitir ao Congreso dos Deputados, de transferencia da titularidade e competencia da AP-9 á Xunta, de xeito que o texto queda pendente do seu debate definitivo en Pleno. O portavoz de Infraestruturas, Martín Fernández Prado, lamentou que En Marea e BNG se abstiveran de apoiar esta proposición de lei, tendo en conta “a importancia de que a iniciativa chegara ao Congreso dos Deputados respaldada pola unanimidade política do Parlamento galego”.
Tellado cualifica de “moi preocupante” que o ministro de Fomento poña en cuestión os prazos do AVE
25, xuño, 2018. O secretario xeral do PPdeG, Miguel Tellado, cualificou de “moi preocupante” que o ministro de Fomento, José Luis Ábalos, poña en cuestión os prazos do AVE a Galicia.
Os deputados do Grupo Popular visitaron esta mañá a exposición ‘Galicia Universal. A arte galega nas coleccións ABANCA e Afundación’
Santiago, 25 de xuño de 2018.- Os deputados do Grupo Popular visitaron esta mañá a exposición Galicia universal. A arte galega nas coleccións ABANCA e Afundación, aberta no Museo da Cidade da Cultura ata o vindeiro 14 de outubro. O portavoz popular, Pedro Puy, asegurou que “estamos ante unha colección de arte única, que representa a presenza da identidade de Galicia na cultura universal”, a través da que “se constata que, pese a todas as dificultades que houbo no proceso de bancarización das antigas caixas de aforro galegas, fomos capaces de preservar este patrimonio cultural para Galicia, que agora se pode observar asistindo a esta selecta mostra desa grande colección de arte galega”.
Paula Prado pregunta ao Goberno galego se o Concello de Teo trasladou algún informe sobre a planta de tratamento de residuos en Casalonga
Santiago, 22 de xuño de 2018.- A viceportavoz do Grupo Popular, Paula Prado, vén de rexistrar unha pregunta no Parlamento de Galicia na que solicita que o Goberno galego informe se o Concello de Teo ten trasladado algún tipo de informe en relación ao proxecto para instalar unha planta de tratamento de residuos en Casalonga. “O proxecto leva oito meses enriba da mesa dos responsables municipais sen que a día de hoxe avanzara na tramitación dos informes que poderían ser a base para paralizar a instalación da planta de tratamento de residuos, ao tempo que ningunea a colaboración entre administracións que lle ten ofrecido a Xunta de Galicia”, indicou.
Tellado pide a Sánchez que non aplique o “no es no” á reforma do sistema de financiamento
22, xuño, 2018. O secretario xeral do PPdeG, Miguel Tellado, pediu a Pedro Sánchez que non aplique o “no es no” á reforma do sistema de financiamento, como tamén está facendo ao renunciar a reformar o sistema de pensións, malia que, segundo dixera con anterioridade, tratábase de cuestións urxentes para o país.
O Parlamento galego demanda a creación dun concurso anual para proxectos innovadores en materia agroforestal
Santiago, 21 de xuño de 2018.- O Parlamento de Galicia aprobou hoxe a proposición non de lei do Grupo Popular a través da que se insta á Xunta a establecer a convocatoria anual dun concurso de proxectos en materia agroforestal para poñer en valor aquelas iniciativas que destaquen polo seu carácter innovador. O deputado Moisés Blanco sinalou que esta convocatoria contribuiría “a dar visibilidade e impulso aos proxectos presentados e a xerar condicións favorables para a súa posta en marcha, cun intercambio de coñecementos e conformando un ambiente proclive á innovación e o emprendedorismo”.
O PPdeG salienta a loita da Xunta contra a avispiña do castiñeiro, á que este ano destinará máis de un millón de euros para a solta de 700.000 parásitos
Santiago, 21 de xuño de 2018.- O portavoz do Medio Rural, José González Vázquez, salientou hoxe o traballo que está a desenvolver a Xunta na loita contra a praga da avispiña do castiñeiro, á que este ano destinará máis de un millón de euros para a solta de máis de 700.000 individuos do parásito Torymus sinensis, a única forma coñecida ata o momento para combater o insecto.
O Grupo Popular salienta que a Xunta dispoña de 3.500 vivendas en réxime de alugueiro
Santiago, 20 de xuño de 2018.- O portavoz de Vivenda do Grupo Popular, Jaime Castiñeira, salientou hoxe que a Xunta dispón dun parque público de 3.500 vivendas en réxime de alugueiro, “unha cifra que se vai incrementar coas novas construcións que se levan a cabo nas grandes cidades e vilas de Galicia”.
O Grupo Popular considera “divertido que toda a oposición de esquerdas pida que se suban as taxas universitarias á xente do común”
Santiago, 20 de xuño de 2018.- O deputado do Grupo Popular Martín Fernández Prado manifestou hoxe no Pleno do Parlamento que “resulta divertido ver que toda a oposición de esquerdas está a pedir que se suban as taxas universitarias á xente do común”. Neste sentido, salientou que, “desde a chegada ao Goberno galego do Presidente Feijóo, a política de prezos e taxas universitarias en Galicia vense caracterizando por ser a mínima legal permitida”, e explicou que “a Xunta xa contempla nos seus orzamentos unha compensación ás universidades para paliar o orzamento que se aforran as familias”.