Santiago, 12 de abril 2017.- O secretario xeral do PPdeG, Miguel Tellado, celebrou que as obras do AVE transcorran a pleno rendemento en Galicia logo de case un ano de bloqueo do Estado propiciado pola esquerda.
Seguir leyendo
O Parlamento aproba conmemorar este ano o 200 aniversario da Carta Xeométrica e difundir a obra do seu autor Domingo Fontán
Santiago, 11 de abril de 2017.- A Comisión 4ª de Educación e Cultura do Parlamento aprobou hoxe a iniciativa do PPdeG encamiñada a difundir a vida e obra de Domingo Fontán e conmemorar este ano 2017 o 200 aniversario dos comezos da elaboración da Carta Xeométrica.
O Parlamento aproba espallar o coñecemento da obra, o pensamento galeguista e a súa labor no eido da normalización lingüística de Carlos Casares
Santiago, 11 de abril de 2017.- O Parlamento de Galicia aprobou hoxe, na sesión da Comisión 4ª de Educación e Cultura, demandar á Xunta a impulsar e desenvolver iniciativas que contribúan a afondar e espallar o coñecemento da sobra literaria, o pensamento galeguista e a importante labor no eido da normalización lingüística, da modernización da cultura e na dignificación da lingua galega de Carlos Casares Mouriño con ocasión de adicarlle o Día das Letras Galegas neste ano 2017.
Pedro Puy afirma que cuestionar os orzamentos de España para Galicia «non é unha realidade que se constate con estudos académicos solventes»
Santiago, 10 de abril de 2017.- O portavoz do Grupo Popular, Pedro Puy, afirmou hoxe que “cuestionar os orzamentos de España na súa relación con Galicia, como está a facer a oposición, non é unha realidade que se constate con estudos académicos solventes”, polo que indicou que “dicir que España marxina a Galicia é facer un exercicio de voluntarismo e de posverdade”.
O PPdeG avoga por modificar a normativa da plusvalía municipal para adaptala ás sentenzas do Tribunal Constitucional
Santiago, 7 de abril de 2017.- O deputado do Grupo Popular José González Vázquez avogou hoxe no Parlamento, ante as recentes sentenzas do Tribunal Constitucional que declaran a inconstitucionalidade do método de cuantificación da base impoñible da coñecida como plusvalía municipal, porque se modifique a normativa deste imposto para adaptalo ao criterio emanado destas sentenzas.
O PPdeG critica que a oposición utilice ao IGAPE como «arma arroxadiza»e ao mesmo tempo pide á Xunta a continuidade das empresas con dificultades
Santiago, 7 de abril de 2017.- A deputada do Grupo Popular Sandra Vázquez Domínguez afirmou hoxe que “o Igape está para asumir riscos xunto coas empresas que teñan un plan de viabilidade”. Neste sentido, criticou que os grupos da oposición “utilicen este organismo como arma arroxadiza, cando constantemente instan á Xunta a garantir a continuidade dos postos de traballo de toda canta empresa atravesa un momento de dificultade”.
Seguir leyendo
Tellado asegura que nas Mareas son máis duros polos seus problemas internos, do que o chegou a ser o PPdeG coa súa xestión
Santiago, 7 de abril 2017.- O secretario xeral do PPdeG, Miguel Tellado, asegurou esta mañá “en Galicia hai goberno, pero non hai unha oposición construtiva senón autodestrutiva”. Deste xeito, subliñou que, malia que custaba imaxinalo, nas Mareas de Podemos son entre eles máis duros polos seus problemas internos, do que o chegaron a ser os populares co seu labor na xestión municipal.
Seguir leyendo
O Parlamento aproba demandar ao Goberno central que revise a aplicación da regra de gasto para adaptala á normativa europea
Santiago, 7 de abril de 2017.- O Parlamento de Galicia aprobou hoxe, a proposta do Grupo Popular, demandar ao Goberno central que revise o deseño e aplicación da regra de gasto seguindo as normas aprobados na Unión Europea, tendo en conta o criterios de estabilidade orzamentaria e de sostibilidade financeira das administracións públicas. Para iso, defendeu que se constitúa o anunciado grupo de traballo para analizar a regra de gasto contida na Lei de estabilidade orzamentaria e sostibilidade financeira e adaptala á normativa europea.
O PPdeG critica que a intransixencia do BNG privara dun acordo para solicitar a Fomento a supresión da peaxe na AP-9 entre Rande e Vigo
Santiago, 5 de abril de 2017.- O deputado do Grupo Popular Alberto Pazos criticou que “a intransixencia do BNG privara de aprobar hoxe un acordo no Parlamento a través do que se demanda ao Goberno centrala supresión da peaxe na AP-9 no treito entre Rande e Vigo, para que teña funcionalidade de circunvalación de Chapela e Teis”. Deste xeito, Pazos anunciou que o Grupo Popular presentará unha nova proposición non de lei “con este e outros asuntos dirixidos á mellora da calidade de vida e a minimizar o impacto das infraestruturas en Chapela, co obxectivo de que finalmente sexa aprobado polo Parlamento, co apoio ou non dos grupos da oposición”.
O Grupo Popular apoia demandar a Fomento os investimentos precisos para garantir un servizo ferroviario de ancho métrico nas mellores condicións
Santiago, 5 de abril de 2017.- O Grupo Popular apoiou esta mañá no Parlamento a aprobación dunha proposición non de lei a través da que se solicita ao Ministerio de Fomento para que realice os investimentos precisos para garantir un servizo ferroviario de ancho métrico (RENFE-FEVE) polo territorio galego nas mellores condicións posibles.