O Parlamento galego insta á Xunta a colaborar cos concellos na loita contra a violencia de xénero

23 de novembro de 2022. O Parlamento galego aprobou hoxe por unanimidade a proposición non de lei do Grupo Popular a través da que se insta á Xunta a colaborar cos concellos no ámbito da formación dos profesionais dos centros de información á muller e as mesas locais contra a violencia de xénero; seguir fomentando a rede galega de entidades locais contra a violencia de xénero; e fomentar a extensión de novos centros de información á muller.

Seguir leyendo

O Parlamento galego demanda ao Goberno central accións para manter viva a memoria das vítimas do terrorismo de ETA, en especial entre os novos

23 de novembro de 2022. O Parlamento de Galicia aprobou hoxe por unanimidade a proposición non de lei do Grupo Popular a través da que se insta ao Goberno de España a realizar as accións oportunas para manter viva a memoria das vítimas do terrorismo de ETA, en especial entre a mocidade. “Todos nós, como demócratas, temos a obriga de manter viva a memoria e o espírito de Ermua xa que, se non segue vivo, gañan os que tratan de reescribir con equidistancia unha historia que é un puntal da nosa memoria democrática”, manifestou o deputado popular Adrián Pardo.

Seguir leyendo

O Grupo Popular acusa ao BNG de “facer o paripé” na súa defensa do sector pesqueiro ao manterse no grupo dos Verdes en Europa, ao que pertence o comisario que vetou ás artes de fondo

22 de novembro de 2022. A portavoz do Mar do Grupo Popular, Teresa Egerique, acusou hoxe ao BNG de “facer o paripé na súa defensa do sector pesqueiro das artes de fondo porque se manteñen como socios en Bruxelas do grupo dos Verdes, ao que pertence o comisario europeo que vetou ás artes de fondo”. “Ese ecoloxismo radical é o que está en contra da pesca galega, en contra da nosa idiosincrasia”, apuntou.

Seguir leyendo

O Grupo Popular considera “paradóxico que o BNG da pancarta e os do non á industria veña ao Parlamento a pedir un pacto pola industria”

22 de novembro de 2022. A viceportavoz do Grupo Popular, Marta Nóvoa, afirmou hoxe no Pleno do Parlamento galego que “resulta paradóxico que o BNG da pancarta e os do non á industria veñan aquí a pedir un pacto pola industria”. Neste sentido, asegurou que “non compartimos a súa estratexia de bloquear calquera alternativa industrial que supoña crecemento, riqueza e emprego que non cumpra cos seus criterios, o que lles leva incluso a pedir o peche de empresas”.

Seguir leyendo

O Parlamento galego aproba a lei que ratifica a retribución extraordinaria aos empregados públicos para facer fronte á suba da inflación

22 de novembro de 2022. O Pleno do Parlamento de Galicia aprobou hoxe, sen o apoio do BNG, a lei pola que se ratifica a retribución de carácter extraordinario para os empregados do sector público de Galicia para facer fronte á suba da inflación. O portavoz do Grupo Popular, Pedro Puy, considerou “unha medida xusta que a Xunta aplicará con esforzo”, xa que será o Goberno galego quen faga fronte aos 78,4 millóns de euros que supón a aplicación desta suba.

Seguir leyendo

O Grupo Popular afirma que a Xunta levará ao Consello Forestal o libro branco para modificar a Lei de montes veciñais no primeiro trimestre de 2023

22 de novembro de 2022. A portavoz do Medio Rural do Grupo Popular, Elena Candia, afirmou hoxe no Pleno do Parlamento galego que a Xunta está a traballar no borrador do Libro Blanco que recolle o novo marco normativo dos montes veciñais en man común, un documento que será trasladado ao Consello Forestal de Galicia no primeiro trimestre de 2023 para a súa valoración.

Seguir leyendo