Santiago, 20 de decembro de 2021.- O Grupo Popular proporá no Pleno desta semana que o Parlamento galego renove o seu compromiso e apoio á vixente Constitución Española e ao Estatuto de Autonomía de Galicia, rexeitando calquera iniciativa que promova a independencia de Galicia ou de calquera outra comunidade autónoma.
?Fala @paulapra2 dos nacionalistas galegos disfrazados de falsa moderación,»os galegos teñen dereito a saber que defende cada opción política» o @ppdegalicia defenderá no Pleno o compromiso coa Constitución Española e o Estatuto de Autonomía #40aniversarioEstatuto pic.twitter.com/FncFvFhpCk
— GrupoPopularGalicia (@GrupoPopularGal) December 20, 2021
“Será o momento oportuno para coñecer realmente o que defende o Bloque Nacionalista Galego, que un día afirman que non son independentistas, pero si soberanistas; e ao día seguinte insisten na súa loita pola independencia de Galicia”, manifestou a viceportavoz popular, Paula Prado.
?️Mañá se celebra o Pleno do @Par_Gal que aprobará os #orzamentos2022 da @Xunta,dos máis altos que tivo a historia de Galicia,dirixidos a avanzar cara a reactivación e recuperación económica cos maiores recursos para o gasto social, emprego e novas rebaixas fiscais, @paulapra2 pic.twitter.com/ytDNKqPQPA
— GrupoPopularGalicia (@GrupoPopularGal) December 20, 2021
A actividade parlamentaria dará comezo esta semana coa celebración mañá da sesión plenaria para a aprobación dos orzamentos da Xunta para 2022, que ascenden a 11.627 millóns de euros e os sitúa como os máis altos da historia de Galicia. “Están dirixidos, principalmente, a avanzar cara a reactivación e a recuperación da economía galega logo da pandemia sanitaria, cos maiores recursos para o gasto social e o emprego, e con novas rebaixas fiscais”, explicou Paula Prado, quen incidiu que estas contas “consolidan o modelo que Galicia vén aplicando nos últimos anos, baseado en máis investimento, menos ratio débeda/PIB e menos impostos”.
MEMBROS CONSELLO DE CONTAS
A continuación, e xa no Pleno ordinario, terá lugar a elección de tres novos membros do Consello de Contas de Galicia: Anxo Ramón Calvo Silvosa, proposto polo Bloque Nacionalista Galego; e José Antonio Redondo López e Tomás Pérez Vidal, propostos polo Grupo Popular.
A viceportavoz popular lembrou que este ano 2021 cómprense 40 anos da aprobación do Estatuto de Autonomía de Galicia e da constitución do Parlamento de Galicia, tempo no que “Galicia viviu unha das mellores e máis prósperas etapas da súa historia, con importantes avances a nivel económico, social e cultural”.
“Por este motivo, o Grupo Popular considera oportuno que o principal partido da oposición fale claro e diga a verdade respecto dos seus proxectos de futuro para Galicia, porque os galegos teñen dereito a saber que defende cada formación política que os representa e nada mellor que poñer enriba da mesa unha proposición non de lei que reafirma o compromiso e apoio á vixente Constitución Española e ao Estatuto de Autonomía de Galicia”, indicou.
VERDADEIRO BNG
Paula Prado lamentou que “estamos ante o BNG máis radical da súa historia: que se manifesta xunto con Bildu pedindo un Euskadi independente; que festexan o 1 de outubro, aniversario do referendo ilegal pola independencia de Cataluña; que invita a Galicia a impartir doutrina ao independentista Gabriel Rufián; ou que demanda unha tarifa eléctrica galega, esixe a nacionalización forzosa de empresas ou está en contra de calquera proxecto empresarial que sexa positivo, cree emprego e traia riqueza para Galicia”.
“Este é o verdadeiro BNG, non o que queren vender os propios nacionalistas galegos: un BNG que comparte listas e proxecto político con Bildu e con Esquerra Republicana de Cataluña; sometido ao PSOE de Madrid, a cambio de pactos para colocar á súa xente nas deputacións e concellos de Galicia; e que votou a favor de que Pedro Sánchez sexa Presidente do Goberno e volveu confirmalo negándose a votar en contra dos orzamentos do Estado, a pesar de que bloquearon todas e cada unha das emendas que presentou o BNG no Congreso”, apuntou.
