Santiago, 23 de outubro de 2020.- O deputado do Grupo Popular Daniel Vega salientou hoxe no Parlamento que a Xunta destinará 24 millóns de euros para axudas ao sector da carne de vacún, de plantas ornamentais e para a compra de uva de vinificación.
?Fala Daniel Vega hoxe no @Par_Gal sobre as axudas á sectores afectados pola COVID19: 24 millóns de euros, 9M€ ao sector cárnico 3M€ planta ornamental, 12M€ sector vitivinícola máis axudas concretadas en orzamentos e directas por vaca nodriz pic.twitter.com/TF4nYRTq1g
— GrupoPopularGalicia (@GrupoPopularGal) October 23, 2020
En concreto, Daniel Vega concretou que as axudas para o sector da carne de vacún ascenderán a 9 millóns de euros e para a planta ornamental e de flor cortada serán 3 millóns. Estas axudas sairán nunha convocatoria única a comezos do mes de decembro.
Pola súa banda, as subvencións para a compra de uva de vinificación serán de 12 millóns de euros, dirixidas especialmente á axuda para que as adegas constitúan avais para os créditos de compra de uva.
REPARAR OS DANOS DO CONFINAMENTO
O deputado popular tamén se referiu ao dano importante que o confinamento causou nos produtores que tiñan como canles principais de comercialización os mercados agrarios, así como os hoteis, restaurantes e cafeterías.
“En resposta a esta situación, a Consellería levou a cabo diversas accións para favorecer a comercialización destes produtos, como a creación de Mercaproximidade, a instalación de puntos de venda nos supermercados e hipermercados baixo a marca Superfeirón; a compra directa da Consellería aos pequenos produtores; ou a creación dunha páxina web para a venta online dos produtos”, explicou Daniel Vega.
