“Si ENCE seguiu traballando despois de 2008 é porque o BNG e o PSOE desde o Goberno galego declararon que si cumpría as normas medioambientais, e non temos motivos para pensar que a concesión daquela autorización supuxera un acto de prevaricación”, manifestou.

Respecto á postura dos socialistas galegos, Jacobo Moreira subliñou que “mudaron e agora, a pesar de que as Mareas de Podemos lle esixen que cumpran o compromiso que asumiron con eles de pechar ENCE, din que é un asunto que está subiúdice”. “Está ben porque en non poucas ocasións nos teñen recriminado cando apelamos a que hai que respectar as leis e as sentenzas xudiciais, pero non deixa de ser curioso contemplar o espectáculo de ver como son capaces de prometer e logo de traizoar aos seus socios”, apuntou.