Skip to content

O Grupo Popular rexistra 40 propostas de resolución para continuar pola senda da recuperación económica e da mellora na prestación de servizos públicos

Santiago, 10 de outubro de 2018.- O Grupo Popular rexistrou esta mañá as súas 40 propostas de resolución do Debate sobre o Estado da Autonomía, que inciden nas medidas anunciadas polo Presidente da Xunta na súa intervención de onte ante o Pleno e que permitirán continuar pola senda da recuperación económica de Galicia e da mellora na prestación dos servizos públicos a todos os galegos.
 
 
“A partir de agora, afrontamos o día de hoxe coa man tendida e con vontade de chegar a acordos co resto dos grupos da oposición que sexan o máis amplos posibles, porque cremos na importancia de que todos xuntos traballemos para construír a Galicia de hoxe e a Galicia das próximas décadas”, manifestou o viceportavoz do Grupo Popular, Miguel Tellado.
 
 

 

Tellado iniciou o acto de presentación das propostas de resolución facendo un balance da xornada de onte do Debate sobre o Estado da Autonomía, no que “puidemos ver a un presidente da Xunta que está absolutamente centrado na mellora da Galicia do presente, e no deseño da Galicia do futuro”. “Por iso trouxo unha batería con ducias de medidas que van enfocadas á consolidación do crecemento económico, á mellora dos nosos servizos públicos e á creación das condicións para que Galicia sexa o mellor lugar para vivir e para formar unha familia”, concretou.
 
 

 

“En fronte, vimos a unha oposición sen ideas, sen rigor e sen proxecto algún para Galicia”, sinalou o viceportavoz popular. Así, indicou que “os socialistas galegos non teñen máis proxecto que o de exercer de delegados da Moncloa en Galicia, sen capacidade para facer nin unha soa crítica aos agravios que comete o goberno de Sánchez coa nosa terra; o BNG non ten máis proxecto que a mentira e a manipulación para intentar desacreditar a este Goberno, dignos aprendices da mentira e da manipulación do independentismo catalán ao que tanto lles gusta copiar, e as Mareas de Podemos non teñen máis proxecto que o insulto, en especial o seu portavoz que fixo varias afirmacións que non merecen cualificación porque son impropias dun representante da vontade dos galegos”.
 

 

 

CINCO APARTADOS
 
 

 

Respecto das propostas de resolución do Grupo Popular, Miguel Tellado dividiunas en cinco grandes apartados: economía e emprego, sectores produtivos, benestar, infraestruturas, e institucional e defensa do Estado social, democrático e de dereito.
 
 

 

Dentro do primeiro apartado, incídese nas medidas anunciadas onte polo Presidente para que Galicia continúe rebaixando a súa débeda e os galegos paguemos menos impostos. Así, en primeiro lugar, pídese que o Goberno central convoque unha Conferencia de Presidentes para avanzar no deseño dun novo modelo de financiamento autonómico e local; pero tamén, demándase que a Xunta continúe coa súa política de rebaixas fiscais, co obxectivo de situar a Galicia no grupo de comunidades autónomas con impostos máis baixos; e manteña unha política de rigor e solvencia orzamentaria e financeira para reducir o seu endebedamento.
 
 

 

“Unha das cuestións que máis nos preocupa neste momento, ante os bandazos que está dando o Goberno central, é o anuncio dunha suba da fiscalidade ao diésel, polo que solicitamos que non leve adiante esta medida polo impacto negativo que tería na sociedade galega”, sinalou Tellado.
 
 

 

No ámbito do emprego, o Grupo Popular solicita á Xunta que poña en marcha un programa de segunda oportunidade para a mocidade que non estuda nin traballa; ao tempo que afonde no diálogo social para mellorar a calidade do emprego. “Non nos esquecemos de pedir que se continúen mellorando as condicións de traballo dos empregados públicos, a través da implantación da carreira profesional e contratos máis estables; así como promover a conciliación e a corresponsabilidade, tanto no sector público como no privado”, engadiu.
 
 

 

Dentro do bloque de sectores produtivos, Miguel Tellado referiuse á celebración do Xacobeo 2021, polo que se demanda que se impulse a súa preparación, facendo partícipe do mesmo a toda a sociedade, incluíndo as achegas que poidan facer os grupos parlamentarios. Na celebración do Xacobeo terá unha importancia especial o ámbito cultural, polo que pídese o impulso da cultura galega en todas as súas manifestacións a través da colaboración cos distintos sectores e industrias culturais; ao tempo que se deseña o proxecto “Legado artístico de Galicia” para a protección, conservación e dispoñibilidade da obra dos artistas galegos
 

 

 

“Estamos na lexislatura do rural e, por este motivo, varias das nosas propostas de resolución están relacionadas con este ámbito: En primeiro lugar, pedimos que se sigan as recomendacións do ditame da Comisión de estudo sobre política forestal, pero tamén que se adopten medidas para dotar dunha posición relevante nos mercados tanto ao produtor local como as economías rurais e se priorice a atención ao rural no marco da segunda fase do Plan de Transporte Público de Galicia”, sinalou.
 

 

 

Outro dos sectores produtivos importantes na economía galega é o mar, e por iso o Grupo Popular solicita que se optimice a comercialización e valorización dos produtos pesqueiros e marisqueiros; ao tempo que se avanza no uso dos espazos de continuidade entre os portos e as vilas onde se asentan.
 
 

 

REVITALIZACIÓN DEMOGRÁFICA
 

 

 

Dentro do ámbito da mellora das políticas de benestar, o Grupo Popular reitera o compromiso coa revitalización demográfica e por iso pide a elaboración dunha Lei de impulso demográfico, xunto coa creación dunha oficina específica para favorecer a integración dos retornados.
 

 

 

“Para as persoas maiores e dependentes, solicitamos a licitación no primeiro trimestre de 2019 das sete residencias nas grandes cidades galegas, a ampliación do Bono Autonomía e o número de horas do Sistema de Axuda no Fogar; sen esquecer a demanda para que o Goberno central achegue a porcentaxe de fondos que lle corresponden no financiamento da dependencia”, explicou.
 

 

 

Miguel Tellado afirmou que “a violencia machista é unha lacra na sociedade actual e para isto pedimos a sinatura dun Pacto galego contra a violencia machista, baseado no ditame que elabore a comisión non permanente constituída no Parlamento”.
 
 

 

No ámbito sanitario, o Grupo Popular avoga por desenvolver un Plan estratéxico de hospitalización a domicilio, unha estratexia para os pacientes crónicos, un rexistro de enfermidades raras, a reforma da lei sobre o consumo de alcohol en menores ou un programa galego de detección precoz do cancro de cérvix uterino. Neste punto, Tellado destacou que “insistimos na necesidade de continuar mellorando e ampliando as infraestruturas sanitarias, neste caso incidindo no impulso dun novo Hospital Público de A Coruña, coa total renovación do actual e unha ampliación dun 50% da súa superficie; e na necesidade de manter o nivel da calidade asistencial na poboación asignada a POVISA, protexendo os postos de traballo existentes neste centro sanitario”.
 

 

 

No que respecta á educación, o viceportavoz popular considerou “necesario proseguir as políticas de reforzo e de estabilidade do sistema educativo, recuperando a negociación dun Pacto de Estado pola Educación; así como potenciar as ensinanzas en FP e unha estratexia de fomento dos grados duais nas universidades galegas”.
 

 

 

TRASPASO DA AP-9 E COMPROMISO CO AVE
 

 

 

Un cuarto apartado das propostas de resolución do Grupo Popular refírense ás infraestruturas. En concreto, materia de estradas, insístese en conseguir a transferencia da AP-9, garantindo o mantemento dos compromisos actuais tanto en materia de peaxes como de ampliacións previstas. “Pero non nos esquecemos de solicitar un programa de inspección de pontes e outras obras de paso para o seu correcto mantemento”, engadiu.
 

 

 

Respecto do AVE, o Grupo Popular reitera ao Ministerio de Fomento que cumpra o seu compromiso para que estea en funcionamento en probas en 2019, ao tempo que continúe coa tramitación das melloras das conexións ferroviarias internas: Ourense-Lugo, saída sur de Vigo-conexión con Portugal, Ourense-Vigo, variante de Ourense, A Coruña-Ferrol e Ferrol-Ribadeo.
 

 

 

“Unha das cuestións que preocupa ao Grupo Popular é o abastecemento de auga a toda a poboación galega, polo que demandamos unha estratexia para que todos os galegos gocemos de auga en calidade e suficiente cantidade”, sinalou Miguel Tellado. Neste punto, engadiu que “centramos a nosa atención na cidade de Vigo pola súa especial importancia e vulnerabilidade, polo que pedimos ao Goberno central que declare o seu sistema de abastecemento como de interese xeral do Estado en Galicia”.
 

 

 

Por último, o Grupo Popular aposta pola sostibilidade ambiental coa elaboración dunha Lei de residuos e unha rebaixa do 10% do canon de SOGAMA, sempre que os concellos repercutan esta redución directamente no que pagan os veciños.
 

 

 

O último apartado das propostas de resolución ten que ver coa actividade institucional e defensa do Estado social, democrático e de dereito. “Ademais de reafirmar a nosa defensa da Constitución Española, pedimos que o Senado potencie o seu papel de Cámara de representación territorial, reactivando os traballos da ponencia constituída para abordar a súa reforma”, indicou.
 

 

 

Outra proposta de resolución pide a adopción de medidas encamiñadas a facilitar ás familias vítimas da guerra civil e da represión franquista a localización, exhumación e traslado, se procede, dos restos mortais dos seus familiares.
 
 

 

PROTECCIÓN DOS DENUNCIANTES DA CORRUPCIÓN
 

 

 

“Tamén demandamos, logo do accidente ocorrido en Vigo durante o festival do Marisquiño, que a Xunta siga promovendo, en colaboración coa FEGAMP, o cumprimento da Lei de espectáculos públicos e actividades recreativas por parte dos concellos”, sinalou Tellado, quen anotou a “demanda aos concellos para que adopten as medidas necesarias de xeito que queden exentos do pago do IBI os centros sanitarios de titularidade pública, e bonificado ao 95 por cento o pagamento dos centros de investigación de organismos públicos e os de ensinanza universitaria”.
 
 

 

No ámbito da Xustiza, solicítase que o Ministerio proceda á programación e creación de novas  unidades xudiciais en Galicia, que de xeito consensuado propoña a Comisión Mixta Xunta-TSXG.
 

 

O viceportavoz popular indicou que “tampouco nos esquecemos da corrupción e pedimos que o Goberno central impulse a aprobación de normativa básica reguladora da actividade dos grupos de interese e da protección das persoas denunciantes de corrupción”, ao tempo que “para loitar contra actitudes pouco beneficiosas na política, tanto galega como española, pedimos que o Parlamento condene o abuso das prerrogativas parlamentarias da inviolabilidade e inmunidade por calquera dos membros do Parlamento, instando a todos os deputados e deputadas a facer unha utilización prudente das mesmas, en atención a súa condición de garantía da actividade parlamentaria, e nunca dende unha concepción de privilexio persoal”.

Noticias recomendadas

Barreiro: “O PP defende Galicia e a súa industria a pesar da intención de Sánchez de discriminala”
Hoxe, no pleno do Senado O portavoz adxunto do PP e senador por Lugo, José Manuel Barreiro, defende a moción para que o Goberno transfira fondos europeos a Galicia para
Alfonso Rueda reivindica a vitoria do PPdeG nas eleccións autonómicas coa mobilización máis alta da historia: “Galicia participou como nunca e votou como sempre”
Hoxe, acompañado polo presidente nacional do PP, Alberto Núñez Feijóo, na Xunta Directiva do PPdeG “Galicia tiña que escoller entre as mentiras que algúns intentaron contar e o camiño da
A xornada de reflexión de Alfonso Rueda
Durante a xornada de reflexión deste sábado, 17 de febreiro, o presidente e candidato do Partido Popular de Galicia, Alfonso Rueda, saíu camiñar a primeira hora desta mañá coa súa
Para brindar las mejores experiencias, utilizamos tecnologías como cookies para almacenar y/o acceder a la información del dispositivo. El consentimiento para estas tecnologías nos permitirá procesar datos como el comportamiento de navegación o identificaciones únicas en este sitio. No dar su consentimiento o retirarlo puede afectar negativamente a ciertas características y funciones. View more
Cookies settings
Aceptar
Rechazar
Política de Cookies
Privacy & Cookies policy
Cookie name Active
A través da presente Política de Cookies, o PARTIDO POPULAR (en adiante, o PP ou a Entidade) garante o cumprimento da normativa aplicable. A presente Política de Cookies, poderá ser modificada en calquera momento por razóns legais ou normativas, por motivos técnicos ou por cambios na prestación dos servizos do Sitio web. Cando isto ocorra e co obxectivo de avisarlle, publicarémolo no propio Sitio. Se continúa utilizando os servizos do Sitio web, entenderemos que aceptou as modificacións introducidas.

1. Que son as cookies?

Co obxectivo de garantir a súa privacidade, informámoslle que en www.ppdegalicia.com utilizamos cookies que nos permiten facilitarlle o uso e navegación a través da páxina web; garantir o acceso a determinadas funcionalidades e, adicionalmente, axúdannos a mellorar a calidade da páxina de acordo aos hábitos e estilos de navegación dos usuarios. Unha cookie é un ficheiro que se descarga no seu terminal (xa sexa un computador, Smartphone ou tableta) cando accede a unha páxina web e que permite ao titular da devandita páxina almacenar ou recuperar determinada información sobre múltiples variables, por exemplo: o número de veces que a páxina foi visitada polo usuario, identificar o usuario rexistrado, garantir a sesión do usuario mentres navega pola páxina, permitir que se realicen operacións de forma segura e estable, conectar con aplicacións como redes sociais, etc. Como se indicou, as cookies ofrecen información sobre os hábitos de navegación dos usuarios e en consecuencia poden afectar á privacidade dos mesmos, por este motivo, desde o PP queremos ofrecerlle a información necesaria sobre a tipoloxía de cookies utilizada na nosa páxina web, para que vostede teña plena capacidade de decisión en relación ao uso das mesmas e en relación á protección da súa privacidade.

2. Tipoloxía de cookies empregadas

A continuación ofrecémosche información sobre o tipo de cookies utilizadas en www.ppdegalicia.com e a finalidade das mesmas:
  • Cookies de sesión: son un tipo de cookies deseñadas e utilizadas para solicitar e almacenar datos mentres o usuario accede a unha páxina web. Como o seu propio nome indica, estas cookies almacénanse no seu terminal ata que finalice a sesión de navegación do usuario.
  • Cookies analíticas: son un tipo de cookies deseñadas e utilizadas para o seguimento e análise do comportamento dos usuarios. Este tipo de cookies ofrecen ao titular da páxina a medición da actividade no sitio web a través de información agregada ou de carácter estatístico. En www.ppdegalicia.com utilízanse para esta finalidade, as cookies de Google Analytics que teñen distintos prazos de caducidade en función da información que ofrecen á Entidade. Se precisa obter máis información sobre o funcionamento deste tipo de cookies, recomendámoslle que consulte este enlace http://www.google.com/intl/es/analytics/privacyoverview.html Cookies técnicas: Son aquelas que permiten ao usuario a navegación a través da páxina web e a utilización das diferentes opcións ou servizos que nela existen como, por exemplo, controlar o tráfico e a comunicación de datos, utilizar elementos de seguridade durante a navegación, lembrar as preferencias do usuario respecto das cookies, permiten proporcionar a correcta reprodución dos contidos multimedia.

3. Quen utiliza as cookies?

A información que se recaba a través das cookies de www.ppdegalicia.com pode ser utilizada tanto polo titular da páxina web como por terceiros.

4. Xestión das cookies

Tendo en conta a información facilitada a través da presente Política de Cookies, a continuación ofrecémoslle información sobre como pode levar a cabo a xestión das cookies utilizadas en www.ppdegalicia.com a través das diferentes opcións que ofrecen os navegadores máis comúns (Explorer, Firefox e Chrome). Se se impide a instalación de todas as cookies da páxina web, algunhas funcionalidades da mesma, así como algúns contidos poden verse afectados.

Como visualizar as cookies

Para restrinxir ou bloquear as cookies, vostede deberá modificar a configuración do navegador que utilice no seu terminal, xa sexa ordenador, smartphone ou tablet. Con carácter xeral os navegadores ofrecen as seguintes opcións de configuración en relación á instalación de cookies:

Como eliminar as cookies

Para restrinxir ou bloquear as cookies, vostede deberá modificar a configuración do navegador que utilice no seu terminal, xa sexa ordenador, smartphone ou tablet. Con carácter xeral os navegadores ofrecen as seguintes opcións de configuración en relación á instalación de cookies:
  • Que o navegador rexeite todas as cookies e por tanto, que non se instale ningunha cookie de ningunha páxina web no seu terminal.
  • Que o navegador avíselle antes de que se produza a instalación da cookie para que vostede decida se acepta ou non a instalación da mesma.
  • Que o navegador unicamente rexeite as cookies de terceiros dos sitios web que visita pero non as utilizadas polo sitio web polo que vostede navega.
  • A opción de navegación en modo privado mediante a cal, as cookies instálanse no terminal pero elimínase de maneira automática cando finaliza a navegación pola páxina web:
* Google Chrome: https://support.google.com/chrome/answer/95464?hl=es * Mozilla Firefox: https://support.mozilla.org/es/kb/navegacion-privada-navega-en-la-web-sin-guardar-in?redirectlocale=en-US&as=u&redirectslug=Private+Browsing&utm_source=inproduct * Internet Explorer: http://windows.microsoft.com/es-ES/windows-8/help-protect-yourself-ie-10?ocid=IE10_priv_browsing#firstTabControl=tab1 * Safari: http://support.apple.com/kb/PH1191
Save settings
Cookies settings