Santiago, 12 de abril de 2021.- O portavoz do Grupo Popular, Pedro Puy, salientou hoxe, no día que o Parlamento galego conmemora o 40 aniversario do Estatuto de Autonomía de Galicia, que “o exercicio da autonomía está sendo fundamental para a loita contra a pandemia”.
“O grupo parlamentario maioritario estamos na realidade coas nosas iniciativas, mentres que o principal grupo da oposición está na proposta dun programa ideolóxico, que se asemella máis ao BNG do inicio do proceso autonómico que o que debería ter hoxe como a súa principal preocupación”, sinalou.
Pedro Puy apuntou que o Estatuto de Autonomía “permitiu desde o primeiro día o desenvolvemento da Comunidade galega en todos os ámbitos: xurídico, institucional, avance do autogoberno, na autoidentificación e na construción das institucións propias de Galicia, dentro dun Estado composto no que as autonomías exercen as súas competencias con lealdade institucional e con espírito de cooperación, acadando cotas de progreso sen igual na historia contemporánea”.
Neste sentido, indicou que neste momento “o exercicio da autonomía de Galicia está sendo fundamental na loita contra a pandemia, adaptando ás políticas á realidade sociolóxica da Comunidade galega e conseguindo uns resultados dos que, en termos comparativos, podemos sentirnos satisfeitos”.
?️O exercicio da autonomía está sendo fundamental para a loita contra a pandemia, adaptándoa á realidade sociolóxica de Galicia, o autogoberno se exerce dunha maneira que incide na realidade vital das persoas di Pedro Puy @ppdegalicia #40aniversarioEstatuto pic.twitter.com/WbGzZ2ig0j
— GrupoPopularGalicia (@GrupoPopularGal) April 12, 2021
O portavoz popular lamentou que “o mesmo día que conmemoramos o Estatuto de Autonomía de Galicia de maneira oficial, a líder da oposición pide un estado confederal que non encaixa na nosa Constitución”. Do mesmo xeito, engadiu que “mentres o Grupo Popular leva ao Pleno desta semana iniciativas de reactivación económica na comarca de Ferrol ou que o reparto dos fondos europeos se faga con equidade, porque a Galicia lle corresponde moito máis do que nos están a conceder, vemos que o BNG pide un referendo no Bierzo para facer unha nova provincia ou, nun momento no que se está a vacinar a millóns de persoas en todo o mundo, veñen con ideas como eliminar as patentes das vacinas”.
?️Mentres @ppdegalicia leva ao Pleno iniciativas para a reactivación económica,na comarca de Ferrol ou pedindo o un reparto xusto dos fondos europeos, o BNG pide un referéndum no Bierzo, que entendemos que non é certamente unha das prioridades de Galicia, sinala o Pedro Puy pic.twitter.com/dSVIQNKR2C
— GrupoPopularGalicia (@GrupoPopularGal) April 12, 2021
“Este xuízo non evita que pactemos todo aquelo que, veña de quen veña, consideremos que mereza o apoio do Grupo Parlamentario”, sinalou Pedro Puy, quen lembrou que “neste Pleno imos apoiar unha pequena reforma da Lei galega para a prevención e o tratamento integral da violencia de xénero pola que a violencia vicaria, algo que a Xunta xa está atendendo, se vai incorporar como unha das formas deste tipo de violencia tan execrable”.
DESCUSPAS TÍMIDAS
Por outra banda, Pedro Puy manifestou “todo o apoio dos deputados do Grupo Popular á nosa viceportavoz, Elena Candia”, polo ataque machista que sufriu por parte do presidente socialista da Deputación de Lugo. “Houbo unhas desculpas tímidas, pero todos debemos evitar tanta personalización nas críticas políticas, especialmente aquelas que son gravemente desafortunadas por canto inciden nas desigualdades de xénero”.
?️Pedro Puy manifesta todo o apoio do @GrupoPopularGal á viceportavoz @ElenaCandiaLu ante as críticas do presidente socialista da @depulugo #StopMachismoPSOE pic.twitter.com/3ek2FCc1k3
— GrupoPopularGalicia (@GrupoPopularGal) April 12, 2021
Cuestionado sobre a tramitación do proxecto de Lei de cambio climático nas Cortes Xerais, Puy recoñeceu a existencia de discrepancias xurídicas, pero lembrou que “a nosa opinión é compartida polos órganos consultivos de Galicia e por todo o sector, que está a denunciar que non se contara con eles na preparación dunha norma que lles vai afectar”.
“A Xunta fai moi ben dirimindo xuridicamente esta discrepancia, no caso de que no final do trámite se manteña ese artigo da Lei de cambio climático que trata de ir reducindo a presenza de industrias no litoral”, manifestou, para engadir que “é unha medida certamente contraproducente e moi especificamente nestes momentos nos que a pandemia está a xerar unha crise económica moi fonda e o propio sector mar-industria ten demostrado a súa importancia produtiva para exportar e manter postos de traballo”.
