Santiago, 14 de setembro de 2020.- O portavoz do Grupo Popular, Pedro Puy, incidiu hoxe que “estamos dispostos a aplicar todos os medios para que os incendiarios paguen as consecuencias das súas accións irresponsables”, ao tempo que avogou por continuar mellorando o sistema de prevención e loita contra os incendios.
?️Dispostos a aplicar todos os medios para que os incendiarios paguen as consecuencias das súas accións irresponsables, Puy avanza que o @ppdegalicia presentou iniciativa para a posta en marcha dun Centro Integral para a loita contra o lume @JoseGonVaz pic.twitter.com/KynBA97x6X
— GrupoPopularGalicia (@GrupoPopularGal) September 14, 2020
Neste sentido, avanzou que o seu grupo parlamentario xa presentou unha proposición non de lei para a posta en marcha dun Centro Integral para a loita contra o lume, con persoal especializado para analizar e desenvolver accións que supoñan maior eficacia contra os incendios forestais.
?️A sociedade galega está moito máis activada na defensa do noso monte,hai máis colaboración cidadá e aínda que continúa habendo incendidarios hai máis capacidade de atopalos e facerlles pagar, di o voceiro Pedro Puy @josegonzalezCMR @ppdegalicia pic.twitter.com/Vd39CObIXs
— GrupoPopularGalicia (@GrupoPopularGal) September 14, 2020
Os deputados do Grupo Popular retomaron esta mañá as súas habituais reunións dos luns preparatorias das sesións plenarias e de coordinación da actividade parlamentaria. Así, entre outros asuntos, Puy informou que se abordaron cuestións como a difícil situación que están a vivir os traballadores de Alcoa, ante o que demandou que se acheguen posicións co posible comprador e se estableza canto antes un marco electrointensivo estable. Neste momento, apuntou que o custo da enerxía en España está en 49,07 euros por megavatio, mentres que en Francia está en 25 euros e en Alemaña en 20 euros.
Ademais de amosar a preocupación polo sector naval da ría de Ferrol como consecuencia da ausencia de carga de traballo no período transitorio ata o inicio da construción das fragatas F-110, o portavoz popular manifestou que na reunión abordouse a complexa situación que se está a vivir na provincia de Ourense cos incendios forestais, que nos últimos días xa queimaron máis de 6.000 hectáreas de terreo.
APROVEITARSE DAS CONDICIÓNS METEOROLÓXICAS
“Queremos trasladar o noso ánimo ás familias e veciños que ven afectadas as súas propiedades e ameazadas as súas vivendas, así como agradecer o traballo importante que se está a facer por parte dos servizos de prevención e defensa contra os incendios da Xunta e da Unidade Militar de Emerxencias”, subliñou. Neste sentido, lamentou que os incendiarios “se aproveitaran das difíciles condicións meteorolóxicas que vivimos estes días, con moito calor, seca e ventos, que favoreceron a implantación”.
Pedro Puy indicou que “seguiremos mellorando todo o que é o sistema de prevención e extinción de incendios” existente en Galicia, para o que informou que o Grupo Popular xa rexistrou unha proposición non de lei para “poñer en marcha un Centro Integral para a loita contra o lume, dotado con persoal especializado no comportamento e análise dos incendios forestais que dea formación a bombeiros forestais e desenvolva accións de análise e investigación para loitar con maior eficacia contra os lumes forestais”.
DEMANDAS AO GOBERNO CENTRAL
Outra das cuestións tratadas na reunión do Grupo Popular foi a evolución da pandemia do coronavirus. Puy expresou o pesar polos falecementos rexistrados a consecuencia da Covid-19 e agradeceu o traballo que están a facer tanto os profesionais sanitarios como os que traballan nos servizos sociais de Galicia.
Neste sentido, apuntou que o Grupo Popular tamén rexistrou iniciativas parlamentarias a través das que se insiste ao Goberno central na necesidade de que se leven a cabo os cambios necesarios la Lei Orgánica de Sanidade Pública para poder actuar ante a pandemia da Covid-19 con plenas garantías de seguridade xurídica; se retire a limitación das taxas de reposición do persoal do sistema sanitario público, co obxecto de permitir ofertar todos os postos necesarios para poder actuar ante a pandemia do coronavirus; e se estableza unha normativa común que regule as sancións derivadas do incumprimento das medidas establecidas para a prevención e loita contra a pandemia.
Cuestionado sobre o inicio do curso escolar, Pedro Puy lembrou que 950 centros de ensino de Galicia abriron sen ningunha incidencia, limitándose a 12 os colexios afectados por obras ou outras cuestións que impediron o comezo normal das clases. “Semella que a situación foi relativamente razoable”, asegurou, para avanzar que, unha vez se poña en marcha o curso tanto en infantil e primaria, como en secundaria e FP, o propio conselleiro de Educación comparecerá no Parlamento “para dar conta de todo o que se fixo e como transcorreu o inicio do curso escolar en Galicia”.
?️Puy considera razoable a decisión consensuada de adiar o curso en Secundaria para preparar mellor os centros ante os cambios no pactado previamente entre CCAA e Ministerio de Educación e poder garantirse a máxima presencialidade sobre todo nos cursos inferiores @ppdegalicia pic.twitter.com/8zqeozIwBr
— GrupoPopularGalicia (@GrupoPopularGal) September 14, 2020
ACCESO INTERVENCIÓN ÍNTEGRA YOUTUBE: https://www.youtube.com/watch?v=xWvSwuq64_Q
