Iniciativa sobre a demanda da Xunta de Galicia ao Goberno de España para que inicie o proceso de revisión dos coeficientes redutores dos traballadores e traballadoras do mar e os adapte ás circunstancias actuais da frota e da actividade marítimo-pesqueira, marisqueira e acuícola
A lexislación sociolaboral española faculta ao Goberno para reducir a idade mínima para acadar a pensión de xubilación en aquelas actividades profesionais de natureza excepcionalmente penosa, tóxica, perigosa ou insalubre nas que se acusen elevados índices de morbilidade ou sinistralidade, así como naquelas outras cuxa realización implique unha continua separación familiar e afastamento do fogar.
Esta redución débese efectuar mediante o establecemento duns coeficientes aplicables ao tempo de traballo efectivamente realizado nas citadas actividades que fixeran posible, en cada caso, unha vez cumpridos os demais requisitos legais, a percepción da pensión con anterioridade ao cumprimento da idade esixida con carácter xeral.
Concretamente, no eido que nos atinxe, o establecemento inicial dos citados coeficientes no mundo do mar levouse a cabo mediante o Decreto 2309/1970, de 23 de xullo e foron modificados pola disposición adicional oitava do Real Decreto 863/1990, de 6 de xullo e posteriormente en 2004 e 2007.
Durante este amplo período de tempo transcorrido desde a súa instauración, véñense dando cambios substanciais que modificaron as circunstancias sobre os que se aplicaban, xa que as variacións dos tempos de permanencia no mar derivados dos sistemas de conservación do peixe, as introducións das normativas de acceso aos caladoiros ou as xestións e ordenacións das propias pesquerías motivaron unha variación total da situación da actividade pesqueira.
Tanto é así que cómpre revisar esta normativa e os seus efectos toda vez que desta evolución danse situacións de incoherencia grave entre a práctica pesqueira real e a contemplada na normativa, existindo anacronismos (presenza de buques baleeiros) ou agravios comparativos (dous buques no mesmo caladoiro e pescando coa mesma arte poden ter coeficientes diferentes) que é preciso eliminar a prol de buscar unha maior equidade nos dereitos de xubilacións dos mariñeiros poden ter coeficientes diferentes) que é preciso eliminar a prol de buscar unha maior equidade nos dereitos de xubilacións dos mariñeiros.
Este Parlamento aprobaba no pleno do 7 de febreiro de 2017, un acordo parlamentario por iniciativa deste grupo parlamentario, no que se solicitaba o seguinte:
«O Parlamento de Galicia insta a Xunta de Galicia a exixir ao Goberno do Estado que se manteñan os coeficientes redutores ata a entrada do Regulamento europeo polo que se definen as características dos buques de pesca e, unha vez que entre en vigor, iniciar un proceso de diálogo co sector de cara ao mantemento e mellora dos coeficientes redutores da idade de xubilación ás características da actividade marítimo- pesqueira de Galicia, toda vez que os cambios substanciais na realidade operativa das embarcacións e prácticas de marisqueo demanda esta posibilidade de cambio.»
Dende este Grupo Parlamentario consideramos positivo retomar o traballo feito ata o de agora neste asunto, agora que por fin ten sido aprobado este regulamento comunitario, xa que consideramos crucial uniformizar e igualar os coeficientes conforme a criterios realistas e máis acaídos á realidade actual.
Sabemos que o ISM, a DGMM e a Segepesca tiñan anunciado no anterior Goberno a súa intención de revisar estes coeficientes unha vez que se aprobase este Regulamento do Parlamento Europeo e do Consello polo que se definen as características dos barcos de pesca, cuestión xa superada.
Amais, tamén se puido constatar interese en avanzar nesta materia no Foro Mar, organizado en Cambados pola Unión de Profesionales y Trabajadores Autónomos (UPTA) e no que participaron o ministro de Inclusión, Seguridad Social y Migraciones, José Luis Escrivá e a directora del Instituto Sacial de la Marina (ISM) María Elena Martínez Carqués.
O Ministro asegurou que se lle estaba buscando un encaixe ao colectivo de traballadores do mar na reforma que busca que os autónomos coticen por ingresos e,
que este ano 2022 revisarase o modelo polo que se determinan as profesións con
penosidade e, sobre todo, a penosidade prolongada. A directora do ISM informou que o que se pretende é equiparar o coeficiente redutor da idade (COE) de xubilación das
mariscadoras de a pé, ao dos mariscadores a frote.
Por todo o anterior, o Grupo Parlamentario Popular, presenta a seguinte proposición non de lei en Pleno:
“O Parlamento de Galicia insta á Xunta de Galicia a dirixirse ao Goberno de España para ínstalo a iniciar o proceso de revisión dos coeficientes redutores dos traballadores e traballadoras do mar, adecuando os mesmos as circunstancias actuais da frota e da actividade marítimo-pesqueira, marisqueira e acuícola”.
Rexistro: https://www.parlamentodegalicia.es/Rexistros/Wgp4CnITYAPfllmmDbscmFa5phEvIERQj7VVrtFrLpE=
