Santiago, 2 de agosto de 2021.- O viceportavoz do Grupo Popular, Miguel Tellado, afirmou hoxe que a retirada do recurso presentado polo Goberno central á reforma da Lei galega de saúde, xunto á sentenza do Tribunal Constitucional que avalía esta modificación lexislativa, “volveu demostrar que o Goberno de Pedro Sánchez sempre acaba dándonos a razón, antes de que os tribunais o obriguen a facelo”.
O tempo sempre acaba dándolle a razón ao @ppdegalicia e a @Xunta: co IVE de 2017, coa reforma da Lei de Saúde. Non somos adiviños, simplemente somos serios e rigorosos fronte as ocurrencias do Goberno socialista que acaba dándonos a razón ou o obrigan os tribunais @Mtelladof pic.twitter.com/AlvAN6hMuk
— GrupoPopularGalicia (@GrupoPopularGal) August 2, 2021
Ademais, Tellado lamentou que “a improvisada Conferencia de Presidentes celebrada o pasado venres fora unha nova oportunidade perdida de chegar a consensos e acordos coas comunidades autónomas e só serviu para que o Presidente Sánchez se fora de vacacións cunha foto de grupo”.
Miguel Tellado comezou a rolda de prensa felicitando, en nome do Partido Popular de Galicia, “a todos os deportistas que están deixando moi alto o nome de Galicia nos xogos olímpicos de Tokio”. “O seu esforzo, compañeirismo e deportividade convérteos nos mellores embaixadores de Galicia en todo o mundo”, indicou.
BLOQUEO DA NORMATIVA GALEGA
Na súa comparecencia, o viceportavoz popular lembrou que “a semana pasada celebramos que o Goberno de Pedro Sánchez retirara o recurso que bloqueaba a reforma da Lei de saúde de Galicia, logo de cinco meses bloqueando esta normativa sen que a Xunta puidera tomar todas as medidas necesarias nos momentos máis decisivos da pandemia, xerando dúbidas e inseguridade xurídica aos cidadáns; e poñendo en perigo a saúde e a vida dos galegos”.
Deste xeito, afirmou que “os mesmos acordos que adoptamos na Comisión Bilateral poderían terse acordado hai moitos meses, nas múltiples propostas que se fixeron desde a Xunta”. “O recurso que presentou o Goberno de Pedro Sánchez non tiña unha motivación xurídica, senón política, porque a súa prioridade é sacar réditos políticos aínda que sexa a costa da saúde dos galegos”, lamentou.
?️@sanchezcastejon nin quixo lexislar nin nos deixou facelo!O Goberno retirou o recurso que bloqueaba a reforma da Lei de Saúde de Galicia,5 meses bloqueando que Xunta tomara medidas,5 meses xerando inseguridade xurídica,5 meses poñendo en perigo a saúde dos galegos @Mtelladof pic.twitter.com/6oj9tsetAZ
— GrupoPopularGalicia (@GrupoPopularGal) August 2, 2021
“Hoxe volvemos constatar que o tempo sempre acaba dando a razón ao PPdeG e ao Goberno galego: tiñamos razón coa débeda do IVE de 2017, coa reforma da Lei de saúde de Galicia e coa nefasta venta da planta de Alcoa en A Coruña”, sinalou. Así, engadiu que “fronte ao curtoplacismo e as ocorrencias do Goberno socialista, o Goberno galego traballa con rigor e seriedade, pensando sempre no medio e o longo prazo”.
Miguel Tellado criticou a postura adoptada polos grupos da oposición no Parlamento galego. Así, situou ao BNG “sometido a Pedro Sánchez e ao PSOE, tratando de ocultar a súa culpabilidade por investir ao presidente máis centralista da nosa historia”, e indicou que o PSdeG atópase “enterrado nas súas pelexas internas, máis preocupado por repartir miserias que por ver quen liderará a balsa de náufragos na que se converteu o partido que en defender os intereses de Galicia”.
APROBACIÓN DO TEITO DE GASTO
Para rematar, o viceportavoz popular referiuse á sesión plenaria do Parlamento galego que se celebrará mañá, na que se procederá á aprobación do teito de gasto da Xunta de Galicia para 2022, que ascende a 11.571 millóns de euros. Neste sentido, explicou que “ten uns obxectivos moi definidos: asegurar a capacidade económica para supera a pandemia sanitaria, impulsar a reactivación do emprego e a economía de Galicia, e garantir a protección dos sectores máis afectados pola crise”.
“Se fomos quen de manter por segundo ano consecutivo esta capacidade máxima de gasto foi gracias á sentenza do Tribunal Supremo que obrigou ao Goberno central a transferir a Galicia a mensualidade do IVE correspondente a 2017, unha débeda que o Goberno de Pedro Sánchez negouse reiteradamente a pagar a Galicia”, destacou. “Un goberno moroso e mentireiro, que xogou cos cartos de todos os galegos e agora vese obrigado a pagar por orde do alto tribunal”, dixo.
