Santiago, 4 de outubro de 2019.- O Parlamento galego aprobou hoxe a proposición non de lei do Grupo Popular a través da que se insta á Xunta para que, antes e que remate o ano 2019, proceda a realizar as xestións oportunas para avanzar decididamente en todo o relativo a constitución e funcionamento dos montes de varas, así como a regulación do rexistro público correspondente.
O PPdeG afirma que a Xunta cumpre coa lexislación tramitando a proposta dunha universidade privada, que dependerá da aprobación dunha lei no Parlamento
Santiago, 4 de outubro de 2019.- O portavoz de Educación do Grupo Popular, Martín Fernández Prado, afirmou hoxe que a Xunta “está a cumprir coa lexislación vixente no procedemento de tramitación dunha proposta de creación dunha universidade privada en Galicia, un proxecto que dependerá da aprobación dunha lei no Parlamento galego”.
O PPdeG reitera a esixencia para que o Goberno central rectifique e incorpore a lingua galega no Certame Arquímedes
A deputada do Grupo Popular Sandra Vázquez reiterou hoxe no Parlamento a esixencia para que o Goberno central rectifique a súa decisión de incorporar á lingua galega, así como calquera outra lingua oficial española, no Certame Arquímedes, “sumándonos á solicitude que xa fixo o Goberno galego á secretaria de Estado de Universidades, Investigación, Desarrollo e Innovación hai un mes”.
O PPdeG insiste que “o futuro de Ferroatlántica pasa polo mantemento da actividade industrial, a mellor maneira para garantir o emprego”
Santiago, 2 de outubro de 2019.- A portavoz de Enerxía do Grupo Popular, Marta Nóvoa, insistiu hoxe no Parlamento que “o futuro das instalacións de Ferroatlántica en Cee-Dumbría pasa irremediablemente polo mantemento da actividade industrial, que é a mellor maneira para garantir o emprego”.
Tellado: “Sánchez é unha ameaza constante para o emprego e para a nosa industria”
2, outubro, 2019. O secretario xeral do PPdeG, Miguel Tellado, afirmou que Pedro Sánchez é unha ameaza constante para o emprego tanto para a nosa Comunidade como para o conxunto do Estado. Así se expresaba tras publicarse os datos do paro de setembro, que tamén reflicten que, malia que as decisións do Executivo nacional non fan máis que prexudicar á nosa industria, “Galicia segue resistindo o efecto Sánchez no emprego”.
O Parlamento galego demanda ao Goberno central unha axenda sectorial da industria da automoción
Santiago, 2 de outubro de 2019.- O Parlamento de Galicia aprobou hoxe a proposición non de lei do Grupo Popular a través da que se demanda ao Goberno do Estado impulsar a execución dunha axenda sectorial da industria da automoción, co obxectivo de promover un sector competitivo.
O Grupo Popular apoia as reivindicacións dos traballadores das empresas auxiliares que prestan servizos de R Cable e Euskaltel
Santiago, 2 de outubro de 2019.- O Grupo Popular amosou hoxe no Parlamento o seu apoio, a través da aprobación dunha proposición non de lei, ás xustas reivindicacións das traballadoras e traballadores das empresas auxiliares que prestan servizos de operación e mantemento de rede e atención ao cliente de R Cable, para que estes servizos continúen a ser prestados desde territorio galego, garantindo ademais que a atención ao cliente se siga dando en galego.
O PPdeG demanda reforzar o apoio ao relevo xeracional dos autónomos
Santiago, 2 de outubro de 2019.- A deputada do Grupo Popular Sandra Vázquez defendeu hoxe no Parlamento que a Xunta reforce o vindeiro ano 2020 as medidas de apoio ao relevo xeracional en favor das traballadoras e traballadores autónomos, mantendo o diálogo e o consenso coas asociacións máis representativas do colectivo ao abeiro da Mesa do Emprego Autónomo de Galicia.
O Pleno da vindeira semana abordará a preocupante situación que viven a central térmica de As Pontes e a factoría de Alcoa en San Cibrao
Santiago, 1 de outubro de 2019.- O Grupo Popular defenderá no Pleno da vindeira semana que o Goberno central garanta os centros produtivos e os postos de traballo na factoría de Alcoa en San Cibrao, ao tempo que se aprobe, de xeito inmediato, o estatuto de apoio ás empresas electrointensivas. Así mesmo, solicitará a creación, dentro da futura Lei reguladora dos xogos de Galicia, dun Observatorio galego de xogos, que elabore un protocolo de menores nesta materia e un informa anual sobre o xogo na Comunidade galega.
Pedro Puy salienta a centralidade do PPdeG fronte a unha oposición incapaz de poñerse de acordo nos aspectos relevantes para os galegos
Santiago, 30 de setembro de 2019.- O portavoz do Grupo Popular, Pedro Puy, manifestou hoxe que o Debate sobre o Estado da Autonomía deixou patente que “tanto o Presidente da Xunta como o PPdeG ocupan a centralidade no ámbito da modernización e na procura e busca de acordos para mellorar a situación económica, social e a calidade de vida dos galegos, fronte a unha oposición que non se puxo de acordo en ningún aspecto relevante para os galegos”.