Santiago, 3 de decembro de 2019.- O Parlamento de Galicia aprobou hoxe a nova Lei de medidas de garantía do abastecemento nos episodios de seca e nas situacións de risco sanitario, unha norma “na que todos estamos de acordo que é necesaria e na que se recoñece que é imprescindible un marco de colaboración entre todas as administracións para garantir o subministro a toda a poboación”, sinalou o portavoz de Medio Ambiente do Grupo Popular, Gonzalo Trenor.
Tellado: “Un Goberno con estabilidade e orzamentos está sendo capaz de mellorar os datos de desemprego do conxunto do Estado”
3, decembro, 2019. O secretario xeral do PPdeG, Miguel Tellado, asegurou que un Goberno con estabilidade e con orzamentos, como o de Galicia, está sendo capaz de mellorar, ano tras ano, os datos de desemprego do conxunto do Estado. Así se expresaba tras publicarse os datos do paro de novembro que reflicten que, na evolución anual, baixa na Comunidade a maior ritmo que en España e que somos a quinta Autonomía na que máis descende.
O Grupo Popular asegura que o peche do paritorio de Verín “é unha decisión estritamente profesional, non política nin económica”
Santiago, 2 de decembro de 2019.- O portavoz do Grupo Popular, Pedro Puy, asegurou hoxe que a decisión de pechar o paritorio do Hospital de Verín “non é unha cuestión política nin por criterios económicos, senón estritamente por criterios profesionais co único obxectivo de garantir a saúde e a vida das nais que dan a luz e dos seus fillos”.
Feijóo pide á mocidade que non se deixe levar polos que queren sometela “no pensamento único”
30, novembro, 2019. O presidente do PPdeG, Alberto Núñez Feijóo, pediu á mocidade galega que non se deixe levar polos que queren “silenciarvos e sometervos nese pensamento único”.
Tellado: “O Goberno central só ingresou menos dunha quinta parte do que lle debe a Galicia e non ten intención de ingresar nin a metade”
29, novembro, 2019. O secretario xeral do PPdeG, Miguel Tellado, asegurou que o Goberno central só ingresou menos dunha quinta parte do que lle debe a Galicia e non ten intención de ingresar nin a metade.
Teresa Egerique subliña que a Xunta “é a administración que máis investiu en Vigo nos últimos dez anos”
Santiago, 27 de novembro de 2019.- A deputada do Grupo Popular Teresa Egerique lamentou hoxe que o alcalde de Vigo “utilice á cidade como vítima política dun enfrontamento e do odio persoal que ten ao Presidente da Xunta”. “Abel Caballero non entende que a cooperación e a lealdade institucional, e dicir a verdade é fundamental en política, e debería recoñecer que a Xunta é a administración que máis investiu en Vigo nos últimos dez anos”, engadiu.
O PPdeG salienta que o arquivo do caso da hepatite C recoñece que a actuación do Sergas respondeu unicamente a criterios dos especialistas e totalmente allea a intereses económicos
Santiago, 27 de novembro de 2019.- O portavoz de Sanidade do Grupo Popular, Aurelio Núñez Centeno, salientou esta tarde que o auto do Xulgado de Instrución número 3 de Santiago que arquiva o caso da hepatite C “recoñece a correcta actuación desenvolvida polos cargos do Sergas, que respondeu unicamente a criterios dos especialistas médicos e totalmente allea a intereses económicos, como denunciaron ata a saciedade os grupos da oposición e organizacións interesadas”.
O Parlamento demanda ao Goberno de España un cambio lexislativo que considere prioritaria a defensa da muller deportista no embarazo
Santiago, 27 de novembro de 2019.- O Parlamento de Galicia aprobou hoxe unha proposición non de lei, logo dunha transacción entre o Grupo Popular e o Grupo Mixto, a través da que se insta á Xunta a realizar unha campaña de concienciación entre as federacións deportivas galegas co obxectivo de que inclúan comportamentos discriminatorios como as cláusulas antiembarazo como censurables nos seus códigos de boas prácticas, dentro do seu réxime de financiamento e relacións de partenariado, patrocinio e esponsor. A través desta campaña tamén se poñerá en valor o dobre esforzo realizado polas mulleres deportistas que deciden ser nais ao longo da súa carreira deportiva, conseguindo así un maior apoio dos patrocinadores e esponsors.
O PPdeG demanda acordos entre a Xunta e deputacións para prestar o servizo de extinción de incendios e salvamento nas zonas de sombra
Santiago, 27 de novembro de 2019.- O Parlamento de Galicia aprobou hoxe, logo dunha transacción entre o Grupo Popular e o BNG, unha proposición non de lei a través da que se demanda á Xunta que desenvolva a Lei de emerxencias en todas aquelas cuestións pendentes de planificación e desenvolvemento normativo, estudando e acordando solucións con outras administracións públicas para prestar con garantías o servizo de extinción de incendios e salvamento nas zonas de sombra nas que os tempos de resposta superen os 20 minutos.
O Parlamento galego demanda para as festas parroquiais o recoñecemento como patrimonio cultural inmaterial
Santiago, 26 de novembro de 2019.- O Parlamento galego aprobou hoxe por unanimidade a proposición non de lei do Grupo Popular a través da que se insta á Xunta a que recoñeza ás festas parroquiais galegas como patrimonio cultural inmaterial de Galicia na súa categoría de Ben de Interese Cultural.