Santiago, 18 de xuño de 2019.- O Grupo Popular defenderá no Pleno da vindeira semana dúas proposicións non de lei a través das que se demanda á Xunta para que, en colaboración coa Fegamp, fomente a constitución de parques públicos de vivenda en alugueiro social nos concellos de menos de 20.000 habitantes; e se manifesta o apoio do Parlamento galego á proposición de lei orgánica contra a ocupación ilegal e para a convivencia veciñal rexistrada polo PP no Congreso. Así mesmo, a Xunta de Portavoces acordou a celebración dun Pleno extraordinario para a elección dos senadores en representación da Comunidade galega, fixando de prazo ata o vindeiro venres, 21 de xuño, para o rexistro de candidatos por parte do Grupo Popular e En Marea.
O Parlamento demanda ao Goberno central que teña en conta as demandas do sector pesqueiro galego para a mellora dos intercambios de cota
Santiago, 18 de xuño de 2019.- O Parlamento de Galicia aprobou hoxe a proposición non de lei do Grupo Popular a través da que se solicita ao Goberno central que teña en conta os aspectos formulados polo sector pesqueiro galego para a mellora da regulación dos intercambios de cota, de forma que permitan un mellor aproveitamento das posibilidades de pesca ao tempo que non se prexudique ao sector de artes menores.
O Parlamento traslada ao Goberno central e á Comisión Europea o quebranto que suporá para a frota galega a inclusión do marraxo como especie protexida
Santiago, 18 de xuño de 2019.- O Parlamento de Galicia aprobou hoxe a proposición de lei do Grupo Popular a través da que se insta á Xunta a poñer en coñecemento do Goberno central e da Comisión Europea o quebranto que supón para a frota galega o feito de que se inclúa ao marraxo entre as novas especies coas que se busca reforzar a protección e conservación de especies migratorias.
O PPdeG insiste no Parlamento que a Xunta “cumprirá estritamente a lexislación para a posible autorización da reapertura da mina de Touro”
Santiago, 18 de xuño de 2019.- A portavoz do Mar do Grupo Popular, Teresa Egerique, insistiu hoxe no Parlamento que “a Xunta de Galicia cumprirá estritamente a lexislación vixente, aprobada polo Goberno bipartito de socialistas e nacionalistas, para a posible autorización da reapertura da mina de Touro”.
Jackeline Fernández substituirá a César Fernández, novo alcalde de Ribadavia, como deputada do Grupo Popular
Santiago, 17 de xuño de 2019.- O viceportavoz do Grupo Popular, Miguel Tellado, avanzou hoxe que Jackeline Fernández Macías será a nova deputada do Grupo Popular pola provincia de Ourense, en substitución de César Fernández Gil, que foi nomeado este sábado alcalde de Ribadavia.
Tellado asegura que o acordo entre o PP de Ourense e Democracia Ourensana garante “gobernos estables, centrados no crecemento e preocupados polos servizos públicos”
Santiago, 17 de xuño de 2019.- O viceportavoz do Grupo Popular, Miguel Tellado, asegurou Hoxe que o acordo acadado entre o Partido Popular de Galicia e Democracia Ourensana “é moi positivo para os intereses de Ourense, xa que garante gobernos estables, gobernos centrados no crecemento económico e gobernos preocupados pola mellora dos servizos públicos tanto no concello con en toda a provincia”. Neste sentido, criticou que o Partido Socialista rexeitara a proposta realizada polo PPdeG para que gobernara a lista máis votada nos concellos e deputacións galegos, polo que asegurou que “o único culpable de que o PSOE non goberne o concello de Ourense é o propio Partido Socialista; e os únicos culpables de que Rafael Villarino non sexa o alcalde Ourense son o propio Rafael Villarino e Gonzalo Caballero”.
O PPdeG salienta que “Galicia está atravesando un dos mellores ciclos exportadores dos últimos tempos”
Santiago, 14 de xuño de 2019.- A deputada do Grupo Popular Lupe Murillo salientou hoxe no Parlamento que “Galicia está atravesando un dos mellores ciclos exportadores dos últimos tempos, momento no que o peso das exportacións no PIB da Comunidade galega é do 36,35 por cento, mentres que na media do Estado a porcentaxe cae ata o 23,59 por cento”.
Marta Rodríguez-Vispo: “ Co 70% dos artigos da nova lei de farmacia están de acordo un ou varios grupos da oposición, ademáis do grupo maioritario”
Santiago, 13 de xuño de 2019.- A deputada do Grupo Popular Marta Rodríguez-Vispo asegurou hoxe no Parlamento que o 70% dos artigos da nova lei de ordenación farmacéutica, cuxo ditame foi aprobado hoxe na Comisión 5ª, contan coa conformidade de un ou varios grupos da oposición, ademáis do grupo maioritario.
O Parlamento reitera ao Goberno central a demanda para que inicie de maneira urxente a recuperación do Pazo de Meirás para o patrimonio público
Santiago, 12 de xuño de 2019.- O Grupo Popular apoiou hoxe no Parlamento, logo dunha transacción realizada co BNG, a aprobación dunha proposición non de lei a través da que se reitera ao Goberno central a demanda para que inicie de maneira urxente as accións legais pertinentes para recuperar o Pazo de Meirás para o patrimonio público.
O Grupo Popular demanda aos socialistas galegos que “traballen para que o Goberno central elimine a taxa de reposición do persoal da sanidade”
Santiago, 12 de xuño de 2019.- O portavoz de Sanidade do Grupo Popular, Aurelio Núñez Centeno, demandou hoxe no Pleno aos socialistas galegos que “traballen para que o Goberno central elimine a taxa de reposición do persoal da sanidade pública, mentres a Consellería de Sanidade avanza na contratación de persoal e na cobertura e estabilización de postos de traballo”.