31, outubro, 2019. O secretario xeral do PPdeG, Miguel Tellado, pediu que Pedro Sánchez aclare se no seu partido teñen cabida dirixentes con empresas en paraísos fiscais, facendo referencia aos graves feitos que recolle a prensa sobre Elena Espinosa, que apuntan que a ex ministra do Goberno de Zapatero e actual tenente de alcalde de Vigo segue figurando como administradora e tesoureira dunha sociedade en Panamá.
Tellado: “A Pedro Sánchez non lle vai saír gratis o desprezo co que tratou a Galicia desde que é presidente”
30, outubro, 2019. O secretario xeral do PPdeG, Miguel Tellado, afirmou que “a Pedro Sánchez non lle vai saír gratis o desprezo co que tratou a Galicia desde que é presidente”, sinalando que o socialista pagará as consecuencias de provocar as cuartas eleccións xerais en catro anos, do ataque permanente á nosa industria e ao noso emprego, de terlle adebedado 700 millóns á Comunidade e ocultado os prazos do AVE, do ridículo permanente do delegado do Goberno en Galicia e do delegado de Ferraz en Galicia e, en definitiva, de “ter traizoado a confianza que lle deron os galegos en abril e que, sen dúbida, quedou claro que non merecía”.
Puy afirma que o Goberno socialista “se está quedando só” negando á central térmica de As Pontes tempo para adaptarse á transición enerxética
Santiago, 28 de outubro de 2019.- O portavoz do Grupo Popular, Pedro Puy, lamentou hoxe que o Goberno central socialista “se está quedando só” porque se contradí internamente e non coincide con ningún dos actores que comparten a demanda para que a central térmica de As Pontes teña tempo para adaptarse a unha transición enerxética necesaria. Ademais, lembrou que Pedro Sánchez “dixo literalmente noutro mitin celebrado no mes de marzo en A Coruña que tiñan aprobado un estatuto para o consumidor electrointensivo para garantir o futuro deste sector industrial en Galicia e España, pero a día de hoxe recoñecen que aínda falta o visto bo da Comunidade Europea a esta iniciativa, introducindo moitas dúbidas sobre o que está a facer este goberno.”
Feijóo reivindica para España un Goberno como o galego: garantía de estabilidade e comprometido con Galicia
25, outubro, 2019. O presidente do PPdeG, Alberto Núñez Feijóo, reivindicou para España un Goberno como o galego que, ademais de exercer as súas funcións, sexa garantía de estabilidade política, institucional e económica e de compromiso con Galicia. Neste punto, avogou pola “política útil”.
Tellado: “Co estatuto electrointensivo a Xunta volveu facer o traballo que non soubo ou non quixo facer o Goberno central”
25, outubro, 2019. O secretario xeral do PPdeG, Miguel Tellado, asegurou que, co estatuto electrointensivo, “a Xunta volveu facer o traballo que non soubo ou non quixo facer o Goberno central”, e apuntou que, igual que aconteceu cos 700 millóns de euros -dos que aínda se lle deben 370 a Galicia- foi o Executivo autonómico quen propuxo solucións enriba da mesa a un problema que os socialistas non foron quen de arranxar.
O Grupo Popular incide que o pago das entregas a conta “chega tarde e chega incompleto”
Santiago, 23 de outubro de 2019.- O portavoz do Grupo Popular, Pedro Puy, incidiu hoxe no Pleno do Parlamento que o pago das entregas a conta por parte do Goberno central a Galicia “chega tarde e chega incompleto”, porque faltan os 200 millóns da mensualidade do IVE de 2017 e os 170 millóns das compensacións por ser unha comunidade cumpridora en materia de déficit e débeda. “O Goberno central estanos privando de capacidade de gasto a cambio de que eles incumpran un pouquiño menos a regra de gasto”, indicou.
O Parlamento galego esixe ao Goberno central un cambio na súa política enerxética para garantir a continuidade da central térmica das Pontes
Santiago, 23 de outubro de 2019. O Parlamento de Galicia aprobou hoxe a proposición non de lei do Grupo Popular, transaccionada co Grupo Socialista, a través da que se esixe ao Goberno Central que rectifique a súa política enerxética e tome as medidas necesarias que permitan garantir o funcionamento da central térmica das Pontes de García Rodríguez o tempo necesario para acadar unha alternativa viable, así como que proceda á negociación urxente dun convenio de colaboración para a posta en marcha da Estratexia de Transición Xusta en Galicia, como xa está a facer na maioría das comunidades autónomas, e que inclúa a Galicia nas axudas europeas para as zonas mineiras afectadas pola transición enerxética.
O Grupo Popular afirma que Galicia está preparada para minimizar os efectos dun bréxit abrupto
Santiago, 23 de outubro de 2019.- O deputado do Grupo Popular Alberto Pazos manifestou hoxe no Pleno que “todos desexamos que o Parlamento británico dea luz verde esta semana ao acordo para unha saída negociada do Reino Unido da Unión Europea, minimizando os efectos deste erro histórico froito do populismo”. “Se non fose así, teñan a completa seguridade de que atoparán á Xunta de Galicia preparada para minimizar os perniciosos efectos dun brexit abrupto”, manifestou.
O Parlamento galego demanda ao Goberno central actuacións para evitar a suba de peaxes e mellorar os accesos na AP-9
Santiago, 23 de outubro de 2019.- O Parlamento de Galicia aprobou hoxe por unanimidade a proposición non de lei do Grupo Popular a través da que se demandan ao Goberno central diversas actuacións relacionadas coa AP-9 para evitar a suba de peaxes, mellorar os seus accesos, a liberación da peaxe de Redondela e a posta en marcha de bonificacións para os usuarios frecuentes.
O Grupo Popular insiste en que a Xunta esixa o vixíe o cumprimento do concerto co Hospital POVISA
Santiago, 22 de outubro de 2019.- O portavoz de Sanidade do Grupo Popular, Aurelio Núñez Centeno, insistiu hoxe na necesidade de que a Xunta esixa e vixíe o cumprimento do concerto co Hospital POVISA de Vigo, diante da posibilidade do cambio da titularidade do mesmo, garantindo a calidade asistencial nesta área sanitaria e o mantemento dos postos de traballo deste centro médico.