Santiago, 11 de xullo de 2019.- A deputada do Grupo Popular Encarna Amigo asegurou hoxe no Parlamento que “o Servizo Galego de Saúde garante a asistencia sanitaria en atención primaria a toda a poboación durante a época estival, do mesmo xeito que no resto dos meses do ano, ao mesmo tempo que compatibiliza os dereitos dos traballadores ao seu descanso vacacional”.
O Parlamento galego demanda ao Goberno central o abono dos 700 millóns de euros que o Estado adebeda á Comunidade galega
Santiago, 10 de xullo de 2019.- O Parlamento de Galicia aprobou hoxe a proposición non de lei, impulsada polo Grupo Popular e coa única abstención do PSOE, a través da que se demanda ao Goberno central que habilite de maneira urxente os mecanismos legais correspondentes para transferir a Galicia os 700 millóns de euros comprometidos para 2019 e que aínda lle adebeda, dos que 330 corresponden ás entregas á conta de 2019, 200 millóns da devolución da mensualidade do IVE de 2017 e 170 dos incentivos por cumprir todos os parámetros de estabilidade orzamentaria en 2017 e 2018.
O PPdeG demanda á oposición que “deixen de hostigar aos galegos que, no uso da súa liberdade, exercen actividades lexítimas e legalmente amparadas”
Santiago, 10 de xullo de 2019.- O deputado do Grupo Popular, Alberto Pazos, demandou hoxe no Pleno aos grupos da oposición que “deixen de hostigar a aqueles galegos que, no uso da súa liberdade persoal, exercen actividades lexítimas e legalmente amparadas”. Neste sentido, sinalou que “pretenden impoñer todo aquelo que lles gusta e prohibir todo aquelo que lles disgusta”.
O Parlamento galego demanda que o Goberno central programe “de xeito inmediato” carga de traballo para Navantia-Ferrol
Santiago, 10 de xullo de 2019.- O Parlamento de Galicia aprobou hoxe por unanimidade unha proposición non de lei, impulsada polo Grupo Popular, a través da que se solicita ao Goberno central unha programación inmediata de carga de traballo suficiente para os estaleiros de Navantia en Ferrol.
O Grupo Popular amosa a súa oposición á limitación de prezos no aluguer de vivendas
Santiago, 10 de xullo de 2019.- O portavoz de Vivenda do Grupo Popular, Jaime Castiñeira, amosou hoxe “a nosa oposición á limitación de prezos no aluguer de vivendas, logo de que esta medida fracasara naqueles sitios onde se implantou, como Francia ou Alemaña”. “O que se está a demostrar é o acerto da Xunta co seu Programa de Vivendas Baleiras, cuxas medidas están a ser implantadas agora noutros países, como Portugal”, indicou.
O PPdeG asegura que a nova Lei de rehabilitación e rexeneración urbana permitirá axilizar os expedientes relativos ao patrimonio cultural galego
Santiago, 10 de xullo de 2019.- O deputado do Grupo Popular Carlos Gómez Salgado afirmou hoxe no Parlamento que a nova Lei de rehabilitación e rexeneración urbana, que recentemente entrou en vigor, “permitirá axilizar os expedientes relativos ao patrimonio cultural galego, xa que simplifica os trámites e facilita a concesión de licencias directas por parte dos concellos”.
O Grupo Popular afirma que o Sergas habilita este verán o 88,3% das camas existentes nos hospitais, 13 puntos máis que a ocupación media noutros anos
Santiago, 9 de xullo de 2019.- O portavoz de Sanidade do Grupo Popular, Aurelio Núñez Centeno, salientou hoxe que o Servizo Galego de Saúde manterá habilitadas este verán o 88,3 por cento do total das camas existentes nos hospitais galegos, 13 puntos máis que a ocupación media que se rexistrou no período estival dos últimos anos.
O PPdeG apoia solicitar ao Goberno do Estado as competencias de xestión das bolsas de axuda ao estudo
Santiago, 9 de xullo de 2019.- O Grupo Popular apoiará no Pleno a solicitude ao Goberno do Estado para que transfira a Galicia as competencias de xestión das bolsas de axuda ao estudo, así como os recursos económicos correspondente a elas.
O Grupo Popular demanda retomar a mesa de diálogo das artes escénicas para tratar a situación do Centro Dramático Galego
Santiago, 9 de xullo de 2019.- A deputada do Grupo Popular Maribel Novo Fariña demandou hoxe no Pleno do Parlamento que se retome a mesa de diálogo, creada en 2017 coa participación das principais entidades do ámbito das artes escénicas galegas, para tratar da situación actual do Centro Dramático Galego (CDG) e do papel dunha compañía pública de produción teatral no contexto da Galicia do século XXI.
O Grupo Popular asegura que en Galicia estase a cumprir a Lei de saúde sexual e reprodutiva
Santiago, 9 de xullo de 2019.- A deputada do Grupo Popular Marta Rodríguez-Vispo afirmou hoxe no Pleno que desde o PPdeG “apoiamos inequivocamente a liberdade da muller e que elixan ou non ser nais”. Así mesmo, asegurou que en Galicia estase a cumprir a Lei de saúde sexual e reprodutiva, “como supoñemos que se fai no resto das comunidades autónomas, porque as leis están para cumprilas por todos os gobernos”.