O PPdeG asegura que os beneficios das fusións de concellos “son obvios”

Santiago, 15 de febreiro de 2019.- A viceportavoz do Grupo Popular, Paula Prado, asegurou hoxe no Parlamento que “os beneficios das fusións de concellos son obvios” e a modo de exemplo sinalou que o novo concello de Oza-Cesuras incrementou os seus ingresos procedentes do Estado máis dun 14 por cento, reducindo 25.000 euros anuais os custos de representantes corporativos e un 10 por cento os gastos municipais.
Continue reading

Puy afirma que o PP “actuou de forma coherente votando en contra duns orzamentos do Estado que eran malos para a economía española e galega”

Santiago, 13 de febreiro de 2019.- O portavoz do Grupo Popular, Pedro Puy, afirmou hoxe que o Partido Popular “actuou de forma coherente no Congreso ao votar en contra dos orzamentos xerais do Estado”, que foron rexeitados ao prosperar as seis emendas á totalidade presentadas, porque “son malos para a economía española e galega, que está a vivir unha fase de crecemento e transformación; e tamén son malos no ámbito territorial, porque trataban dunha forma inxusta a Galicia”.
Continue reading

O Parlamento galego apoia a Asemblea Nacional de Venezuela e ao seu presidente elixido democraticamente

Santiago, 13 de febreiro de 2019.- O Parlamento galego aprobou este mércores unha proposición non de lei do Grupo Popular na que se demandan medidas para actuar de forma urxente ante a situación de emerxencia humanitaria que vive Venezuela por estes anos de sometemento ao réxime bolivariano. No mesmo sentido, exprésase o apoio á Asemblea Nacional lexítima e democraticamente elixida polo pobo venezolano, así como ao seu presidente, Juan Guaidó.
Continue reading

O Grupo Popular reitera a súa demanda para que o Goberno español defenda a inclusión da conexión Vigo-Porto no Corredor do Atlántico

Santiago, 13 de febreiro de 2019.- O Grupo Popular apoiou hoxe no Pleno do Parlamento a aprobación dunha nova proposición non de lei a través da que se demanda ao Goberno español que defenda a inclusión da conexión Vigo-Porto no Corredor Atlántico dentro do proceso de reforma regulamentaria para o desenvolvemento da Rede Transeuropea de Transporte e a creación do mecanismo Conectar Europa.
Continue reading

O Grupo Popular amosa a súa “plena disposición de seguir traballando para manter o consenso en materia de violencia de xénero”

Santiago, 12 de febreiro de 2019.- A viceportavoz do Grupo Popular, Paula Prado, amosou hoxe no Parlamento “a plena disposición do PPdeG de seguir traballando no Pacto galego contra a violencia de xénero e manter o consenso existente desde o inicio da lexislatura neste Parlamento”. Por este motivo, apoiou esta tarde a aprobación no Parlamento galego dunha moción do Grupo Socialista contra a violencia de xénero, á que se incorporaron puntos de En Marea e o BNG.
Continue reading

Pedro Puy alerta do “erro que cometen algunhas esquerdas ao aventar o pantasma da estrema dereita para mobilizar aos seus”

Santiago, 12 de febreiro de 2019.- O portavoz do Grupo Popular, Pedro Puy, alertou hoxe no Parlamento do “erro que cometeron e cometen algunhas esquerdas ao aventar a pantasma da estrema dereita para mobilizar aos seus e darlle pulos a quen quere desprazar ata a súa extinción aos grandes partidos liberal conservadores e demócrata cristiáns que construíron coa socialdemocracia a Europa en paz, democrática e integrada da post guerra”.
Continue reading

O PPdeG sinala que, mentres a oposición fai catastrofismo coa sanidade galega, organismos internacionais póñena entre as máis valoradas do mundo

Santiago, 12 de febreiro de 2019.- A deputada do Grupo Popular Encarna Amigo asegurou hoxe que En Marea, PSdeG e BNG “seguen ancorados no catastrofismo e no masoquismo” en materia de sanidade, “mentres organismos internacionais de toda solvencia poñen a nosa sanidade entre as máis valoradas do mundo e os nosos hospitais e profesionais son premiados pola súa labor de xestión, científica ou asistencial”.
Continue reading

O Grupo Popular destaca que a Comisión do Marisquiño demostrou que “Caballero minte ao afirmar que o festival contaba con todos os permisos”

Vigo, 11 de febreiro de 2019.- O portavoz do Grupo Popular na Comisión de Investigación sobre o accidente do Marisquiño, Alberto Pazos, fixo hoxe en Vigo un balance das comparecencias que se celebraron ata o momento nesta comisión parlamentaria e subliñou que as intervencións de técnicos municipais demostraron que “Abel Caballero minte ao afirmar que este festival contaba con todos os permisos necesarios”.

Continue reading