Alfonso Rueda en Betanzos

Visita do presidente e candidato do PPdeG, Alfonso Rueda, a Betanzos acompañado polo cabeza de lista pola provincia da Coruña, Diego Calvo, e a tamén candidata provincial Cecilia Vázquez.

Durante o percorrido, visitou lugares emblemáticos da vila como a Porta da Ponte Vella ou o paseo á beira do río Mandeo e reiterou o seu compromiso de seguir impulsando a dinamización e revitalización do conxunto histórico-artístico da vila mediante o Plan Rexurbe.

De feito, en materia de vivenda,  o programa electoral do PPdeG inclúe a aposta por seguir dando vida aos centros históricos rehabilitando inmobles abandonados e o emprego da madeira certificada na rehabilitación de vivendas. Ademais do compromiso de ampliar o parque público de vivenda.

Alfonso Rueda comprométese a defender o dereito de galegas e galegos “a vivir tranquilos lonxe das imposicións”

Hoxe, nun mitin en Lalín ao que asistiron 2.000 persoas e no que tamén participou o presidente nacional do PP, Alberto Núñez Feijóo

Alfonso Rueda comprométese a defender o dereito de galegas e galegos “a vivir tranquilos lonxe das imposicións”

  • Contrapón o retroceso que supón o nacionalismo co avance que propón o PPdeG: “Quero que Galicia siga funcionando e que todo o que temos por diante sexamos capaces de facelo xuntos”
  • Fronte aos que non teñen nada máis que ofrecer que a ruptura con España e as imposicións lingüísticas, o presidente defende o inconformismo do seu partido: “Temos a imaxinación, as ganas e a valentía para ofrecer cousas novas para que Galicia sexa cada día mellor”

9 de febreiro de 2024. O presidente e candidato do PPdeG, Alfonso Rueda asegurou hoxe que o nacionalismo é sinónimo de retroceso para Galicia e que a única forma de seguir avanzando é facelo xuntos e desde a unidade, apelando á oportunidade que se presenta o 18 de febreiro para “librarnos das matracas da nacionalismo votando unha maioría do PPdeG”.

Sostivo neste sentido que esta campaña electoral está evidenciando que por unha banda están os que “non teñen nada que ofrecer a Galicia e dedican o seu día a día á descualificación” e, por outra, o PPdeG. “Nós si temos un programa e por iso empregamos cada día para facer propostas para todos: os mozos, as familias, os que están fora e queremos que volvan e a xente do agro e do mar”, engadiu.

Fronte a esta actitude propositiva dos populares galegos, Rueda afirma que o que hai en fronte é “a mesma matraca de sempre”. Unha visión negativa de Galicia e que nada mudou nestes anos: “Tiveron tempo para pensar cousas novas, pero seguen coas súas mesmas pretensións: a independencia, a ruptura con España e coa Constitución, e a imposición de falar só na lingua na que eles queren falar”.

“Nós temos a imaxinación, as ganas e a valentía para ofrecer as cousas novas. Porque somos inconformistas e queremos que as cousas sexan cada día mellor. Pero, sobre todo, porque sabemos o que é gobernar e por iso podemos seguir facendo propostas”, contrapuxo.

Alfonso Rueda reivindicou que o seu obxectivo “non vai ser impoñer unha ideoloxía aos demais, nin pretender que a algúns lle vaia ben a costa de que lle vaia mal a Galicia”, senón “seguir traballando polos galegos e as galegas”. De aí o seu compromiso de continuar defendendo “o dereito de Galicia a vivir tranquila lonxe das imposicións” para que “sigamos sendo unha terra tranquila e amable afastada dos problemas que nos queren traer”.

Apostou así por unha Galicia que “se supere a si mesma” e continúe o camiño de avance experimentado nestes anos no que se refire ao apoio ás familias, a aposta pola educación pública, a potenciación da excelencia entre a mocidade, a defensa do medio rural e o continuo incremento do investimento na sanidade pública.

“Eu non quero que Galicia se atasque en follóns. Quero que Galicia funcione con sentidiño e que todo o que temos por diante sexamos capaces de facelo xuntos”, concluíu animando aos seus a seguir traballando con convencemento para que o día seguinte das eleccións poidan “seguir traballando por Galicia durante catro anos coa maioría necesaria para poder facelo” e pedíndolles a todos a súa confianza asegurando que el, a cambio, fará “todo o posible por responder a ela”.

Alfonso Rueda comprométese a facer gratuítos os primeiros gastos veterinarios para as persoas que adopten e a poñer en marcha un centro autonómico de acollida de mascotas

Hoxe, en declaracións aos medios tras visitar unha clínica veterinaria en Ponteareas

Alfonso Rueda comprométese a facer gratuítos os primeiros gastos veterinarios para as persoas que adopten e a poñer en marcha un centro autonómico de acollida de mascotas

  • O programa electoral do PPdeG inclúe ademais a proposta de crear parques caninos en concellos de máis de 20.000 habitantes, que se sumarían aos xa anunciados nas sete cidades galegas
  • “Queremos seguir traballando para estender entre os galegos o bo hábito de ter unha mascota e, ao mesmo tempo, apoiar e aprender a todos os profesionais que garanten o benestar destes animais”, asegura o presidente poñendo en valor que Galicia foi a primeira comunidade en aprobar unha Lei de Benestar Animal

9 de febreiro de 2024. O presidente e candidato do PPdeG, Alfonso Rueda, amosou hoxe o seu compromiso de facilitar a adopción de animais ofrecendo gratis as primeiras vacinas e a implantación do microchip e mediante a posta en marcha dun centro autonómico de acollida de animais.

Así mesmo, ao igual que no seu día o líder dos populares galegos anunciara a creación de parques caninos nas sete cidades, o programa electoral do PPdeG inclúe ademais a proposta de ampliar o seu número e estendelos tamén aos concellos de máis de 20.000 habitantes.

“Os galegos queren ter animais e queren coidalos e atendelos nas mellores condicións”, afirmou Rueda destacando que a día de hoxe un de cada tres galegos ten dada de alta unha mascota e apostando por unha Administración que sexa partícipe desta realidade e ofreza facilidades en materia regulatoria.

Salientou neste sentido que Galicia foi a primeira comunidade en aprobar unha Lei de Benestar Animal que se compromete a desenvolver para “darlle seguridade de todo tipo a quen ten un mascota e tamén a todos os profesionais no ámbito da medicina veterinaria e do comercio de produtos de coidado e alimentación”.

“Queremos seguir traballando para estender entre os galegos o bo hábito de ter unha mascota e, ao mesmo tempo, apoiar e aprender a todos os profesionais que garanten o benestar destes animais”, subliñou durante a visita realizada á Clínica Veterinaria Canis de Ponteareas acompañado pola alcaldesa Nava Castro, a candidata pola provincia de Pontevedra Raquel Plana, a tamén candidata pola Coruña Ánxeles Vázquez e o presidente provincial do PP de Pontevedra, Luis López.

– FOTOS E DECLARACIÓNS COMPLETAS EN VÍDEO E AUDIO DISPOÑIBLES PARA A SÚA DESCARGA NA CARPETA PRENSA PPdeG

Alfonso Rueda aposta polo retorno dos galegos na diáspora ofrecendo novas axudas para os estudos universitarios e sanidade pública gratuíta

Alfonso Rueda aposta polo retorno dos galegos na diáspora ofrecendo novas axudas para os estudos universitarios e sanidade pública gratuíta

Hoxe, nun acto con galegos retornados en Vigo no que tamén participaron a candidata número 2 pola provincia de Pontevedra, Patricia García, e o responsable do PP exterior e tamén candidato pola provincia de Ourense, Antonio Rodríguez Miranda

Alfonso Rueda aposta polo retorno dos galegos na diáspora ofrecendo novas axudas para os estudos universitarios e sanidade pública gratuíta

  • “Hai que seguir ampliando dereitos a quen ten todo o dereito”, asegura o presidente ao tempo que remarca a “débeda” que a Galicia de hoxe ten con todos aqueles que no seu día tiveron que emigrar e “contribuíron a converternos nunha terra de oportunidades e de acollida”
  • Galicia rexistrou en 2022 un saldo migratorio positivo de 27.251 persoas máis que volveron respecto ás que se foron: “Son cada vez máis os que queren volver e quedarse porque aquí se vive moi ben”

Alfonso Rueda aposta polo retorno dos galegos na diáspora ofrecendo novas axudas para os estudos universitarios e sanidade pública gratuíta

8 de febreiro de 2024. O presidente e candidato do PPdeG, Alfonso Rueda, asegurou hoxe que quere dar un paso máis á hora de ofrecer facilidades ao retorno dos galegos na diáspora e por iso se compromete a poñer en marcha unha axuda para estudar un grao nas universidades galegas e tamén a que todos os retornados, veñan do país que veñan, poidan desfrutar da sanidade pública galega de xeito totalmente gratuíto.

Nun acto celebrado en Vigo, o líder dos populares galegos recordou que a día de hoxe xa se ofrece unha axuda para a realización dunha FP ou un máster, pero agora tamén se poderá cursar un grao “con axuda para a viaxe, a matrícula e a manutención”. Unha axuda que os seus beneficiarios verían complementada ademais coa gratuidade das primeiras matrículas universitarias que o PPdeG propón implantar no sistema educativo galego.

“Hai que seguir ampliando dereitos a quen ten todo o dereito”, remarcou Rueda ao tempo que recoñecía ser consciente das dificultades que, en función do país de procedencia, moitos galegos retornados se atopan á hora de acceder a prestacións sanitarias na nosa Comunidade. De aí o seu compromiso de que todos eles, “veñan do país que veñan”, terán sanidade totalmente gratuíta en Galicia.

O presidente asegurou que “os galegos retornados teñen moito que dicir no futuro de Galicia” e que a nosa historia non podería entenderse sen a diáspora. De feito, apuntou á “débeda” que a Galicia de hoxe ten con todos aqueles que no seu día tiveron que emigrar e “contribuíron a converternos nunha terra de oportunidades e de acollida”.

“A Galicia continental e a do exterior son a mesma porque non hai quen poña límites aos galegos”, engadiu ao tempo que explicaba que a mellor forma de manter esa “unión indisoluble” é facer todo o posible para que quen queira volver á que é a súa casa poida facelo nas mellores condiciones posibles. “Non só porque sexa un dereito, senón tamén por unha cuestión de xustiza e incluso de necesidade”, apuntou.

Os bos resultados desta política aberta cara os galegos do exterior pódese constatar co feito de que Galicia rexistrou en 2022 un saldo migratorio positivo de 27.251 persoas máis que volveron –desde o estranxeiro ou desde outras comunidades autónomas– que das que abandonaron a nosa Comunidade.

Unha cifra que Rueda cualifica de “récord e histórica” e que demostra que “son cada vez máis os que queren volver e quedarse en Galicia porque aquí se vive moi ben”. Por iso concluíu a súa intervención dando as grazas a todos eles por apostar pola nosa Comunidade e ofrecéndose a corresponder esa aposta: “Necesitámosvos para que Galicia siga funcionando”.

– FOTOS E INTERVENCIÓNS COMPLETAS EN VÍDEO E AUDIO DISPOÑIBLES PARA A SÚA DESCARGA NA CARPETA PRENSA PPdeG

Alfonso Rueda rebélase contra o sectarismo do nacionalismo: “Somos orgullosamente galegos e orgullosamente españois”

Nun mitin en Baiona ante 400 persoas e no que tamén interviñeron o presidente provincial do PP de Pontevedra, Luis López, e o alcalde Jesús Vázquez Almuiña

Hoxe, nun mitin en Baiona ante 400 persoas e no que tamén interviñeron o presidente provincial do PP de Pontevedra, Luis López, e o alcalde Jesús Vázquez Almuiña

Nun mitin en Baiona ante 400 persoas e no que tamén interviñeron o presidente provincial do PP de Pontevedra, Luis López, e o alcalde Jesús Vázquez Almuiña

Alfonso Rueda rebélase contra o sectarismo do nacionalismo: “Somos orgullosamente galegos e orgullosamente españois”

  • Reivindica o pobo galego como un pobo grande porque é plural, fraterno, aberto e respectuoso con todo o mundo e quere que así siga sendo a partir do 18-F: “Temos que elixir entre a Galicia que funciona desde a estabilidade ou a Galicia da imposición”
  • Avoga por un Goberno que sexa “un sistema de resolver problemas, non unha fonte de problemas, e un mecanismo que sirva para aportar solucións fronte a quen só sabe recrearse nos problemas que non sabe resolver”

8 de febreiro de 2024. O presidente e candidato do PPdeG, Alfonso Rueda, asegurou hoxe que non vai aceptar ningunha lección dun nacionalismo ao que criticou o seu sectarismo: “É compatible ser e sentirse galego con ser e sentirse español, do mesmo xeito que é compatible querer o progreso de Galicia sen que lle vaia mal a outros territorios. Porque por moito que non o entendan, nós somos orgullosamente galegos e orgullosamente españois”.

Reivindicou neste sentido que o pobo galego é un pobo grande porque é plural, fraterno, aberto e respectuoso con todo o mundo. E así quere o líder dos populares galegos que siga sendo, tal e como explicou ao tempo que propoñía unha Galicia de todos e para todos, afastada da negatividade e do enfado e na que non se distinga entre bos e malos galegos.

“O 18 de febreiro temos que elixir o modelo de Galicia que queremos: ou a Galicia que funciona desde a estabilidade ou a Galicia da imposición”, afirmou avogando por un Goberno que sexa “un sistema de resolver problemas, non unha fonte de problemas, e un mecanismo que sirva para aportar solucións fronte a quen só sabe recrearse nos problemas que non sabe resolver”.

Rueda asegurou que os 10 días que quedan ata a xornada electoral teñen que ser días de traballo e de ilusión por decidir o futuro de Galicia, tendo claro o que funciona e valorando feitos como as rebaixas fiscais ou a gratuidade da educación pública. Así como todas as medidas pensadas desde o respecto para a xente maior “que todo nos deron e todo merecen”, como poden o Bono Coidado xa en marcha ou o futuro Bono Actívate.

Apostou así mesmo por unha Galicia que atraia investimentos para crear emprego, que aposte polo sector primario – a diferenza dun Goberno central que nin apoia nin respecta a un rural que está levantado contra unhas decisións inxustas que veñen de fóra – e que respecte á xente do mar á que tanto dano fixo a esquerda cos seus inxustos bulos.

“Sei que pido un enorme caudal de confianza e que o reto é maiúsculo, pero tamén sei que é realizable e quero facelo pactando só cos galegos e as galegas”, concluíu pedindo o voto e chamando aos seus a seguir traballando “sen dar ningún voto por gañado nin por perdido”.

Alfonso Rueda comprométese a “seguir poñendo sentidiño, tendendo pontes e indo da man co resto de España” alá onde outros “só propoñen barullo, muros e fronteiras artificiais”

Nun mitin en Baiona ante 400 persoas e no que tamén interviñeron o presidente provincial do PP de Pontevedra, Luis López, e o alcalde Jesús Vázquez Almuiña

O presidente do PPdeG, Alfonso Rueda, mostrou hoxe a súa aposta por “construír España desde Galicia” e da man de todos os líderes autonómicos do Partido Popular, reivindicando a nosa Comunidade como unha terra de portas abertas, con moita identidade e inconformista: “Queremos seguir mellorando e progresando, pero estando orgullosos de ser como somos. Non queremos que ninguén nos cambie nin nos fai falta buscar fose ningún outro modelo. O noso modelo é ser galegos e, estando orgullosos de ser galegos, sentirnos tamén moi españois”.
Continue reading

Alfonso Rueda: “Preséntome para gañar e para gobernar, debéndome só aos galegos e co obxectivo de que Galicia non pare”

O presidente do PPdeG, Alfonso Rueda, asume a responsabilidade de liderar a candidatura do seu partido ás eleccións autonómicas do 18 de febreiro con convencemento e firmeza pero tamén con humildade, e co obxectivo de seguir gobernando para que Galicia non pare: “Quero gañar obtendo a confianza maioritaria da xente na miña palabra e tendo feitos cos que merecela, debéndome só aos galegos e ás galegas”.

Continue reading

O programa electoral do PPdeG reflexará o “estilo Rueda” e será “participativo, de amplo espectro social, pegado á terra e á xente e pensado para unha Galicia que non para”

O PPdeG anunciou hoxe que o programa electoral co que concorrerá ás eleccións do 18 de febreiro reflexará “estilo Rueda” na medida en que será “participativo, de amplo espectro social, pegado á terra e á xente, impregnado da nosa forma de ser e pensado para unha Galicia que non para”.

Continue reading

Paula Prado: “O PSOE, o BNG e Sumar non están coas mulleres, só loitan por protexer aos seus partidos mentres as desprotexen”

A secretaria xeral do PPdeG, Paula Prado, afirma que a decisión do Goberno central de non dotar a Galicia de ningún xulgado específico de violencia de xénero nas cidades galegas demostra que “o PSOE, o BNG e Sumar nin están coas mulleres, nin loitan pola igualdade”, senón que “só loitan por protexer aos seus partidos mentres desprotexen ás vítimas”.

Continue reading