Santiago, 05 de xuño de 2018. O Grupo Popular apoiou esta tarde no Pleno do Parlamento a aprobación dunha moción dirixida a buscar solucións para os emigrantes galegos retornados procedentes de Venezuela que levan dous anos e medio sen percibir as súas pensións, e que lle corresponde aboar ao Goberno venezolano.
O Grupo Popular demanda a En Marea que “amose nos concellos onde goberna a súa preocupación polo patrimonio do Camiño de Santiago”
Santiago, 5 de xuño de 2018. A deputada do Grupo Popular María Antón demandou hoxe no Parlamento a En Marea, no debate dunha moción sobre a protección do patrimonio cultural do Camiño de Santiago, que “amosen ese interese nos concellos onde gobernan para facer bo o dito de que valen as obras, non as palabras”.
O PPdeG cre que se podería incorrer en prevaricación de atender a demanda de En Marea para retirar expedientes sancionadores a persoal sanitario
Santiago, 5 de xuño de 2018. O portavoz de Sanidade do Grupo Popular, Aurelio Núñez Centeno, considerou hoxe que “se podería incorrer en prevaricación atendendo a demanda de En Marea para que a Xunta retire os expedientes sancionadores abertos iniciados contra auxiliares de clínica do Hospital Álvaro Cunqueiro ao marxe dos procedementos establecidos e sen analizar os graves feitos que causaron prexuízos aos pacientes por non recoller e transportar as bolsas de roupa sucia nas habitacións, boxes de UCI e portas de quirófano”.
O PPdeG defende a autonomía das universidades galegas para adoptar medidas en materia de igualdade
Santiago, 5 de xuño de 2018. A viceportavoz do Grupo Popular, Paula Prado, criticou hoxe no Parlamento que o BNG pretenda “entremeterse nas competencias das universidades obrigándoas a adoptar medidas en materia de igualdade”. “O Goberno galego non pode interferir nin impoñer ás universidades accións para paliar as desigualdades no eido profesional e académico”, apuntou.
Paula Prado explicou que, da análise dos distintos estudos existentes a nivel nacional e galego sobre a igualdade de xénero e a ciencia, “constátase que determinadas profesións teñen infrarrepresentación de mulleres; que a proporción de mulleres diminúe cando aumenta o nivel de representatividade; que a presenza de mulleres diminúe se se considera tamén o nivel de idade; ou que o número de mulleres investigadoras que son nais tamén diminúe”.
O PPdeG critica que os socialistas traian ao Parlamento unha lei sobre bolsas de plástico menos ambiciosa que a lexislación vixente
Santiago, 5 de xuño de 2018. O portavoz de Medio Ambiente do Grupo Popular, Gonzalo Trenor, criticou hoxe que os socialistas “traian ao Parlamento unha proposición de lei sobre as bolsas de plástico dun só uso menos ambiciosa ambientalmente que o vixente Real Decreto sobre redución do consumo de bolsas de plástico”. “A lei que os socialistas propoñen se limita a establecer un imposto con mero ánimo recadatorio, prexudicando directamente ao consumidor e ao pequeno comercio”, indicou.
Gonzalo Trenor lembrou que o Real Decreto 293/2018 sobre redución do consumo de bolsas de plástico xa prohibe que a partir do vindeiro 1 de xullo a súa entrega gratuíta aos consumidores, así como a prohibición a partir do 1 de xaneiro de 2020 da entrega de bolsas de plástico fragmentables e a partir de 1 de xaneiro de 2021 da prohibición da entrega de bolsas de plástico lixeiras e moi lixeiras, agás as de plástico compostable.
FEITO IMPOÑIBLE CON DATA DE CADUCIDADE
“Non parece moi acertado establecer un imposto sobre a utilización das bolsas de plástico cando o feito impoñible ten data de caducidade”, sinalou o portavoz popular. Ademais, indicou que a proposta socialista “consagraría indefinidamente a utilización das bolsas non biodegradables ao establecer un tipo impositivo para o ano 2020 e posteriores, esquecendo que a entrega de bolsas de plástico non compostables xa estará prohibida por unha norma estatal de carácter básico desde o 1 de xaneiro de 2021”.
Así mesmo, Trenor explicou que a proposición socialista “é unha copia practicamente literal dun artigo dunha lei existente en Andalucía desde o ano 2010”, unha norma que “nunca funcionou ben, xa que non chegan ao 10 por cento dos 35 millóns ao ano que pensaban recadar”.
CAMBIO INTEGRAL
O portavoz popular lembrou o anuncio feito no pasado Pleno pola conselleira do Medio Ambiente de traer no vindeiro período de sesións ao Parlamento dunha nova Lei de residuos e solos contaminados de Galicia, que contemplará medidas relativas non só para as bolsas de un só uso, senón tamén outros materiais desbotables como pratos, vasos, cuncas ou bandexas alimentarias.
“Defendemos un modelo de economía circular que supón un cambio integral do modelo actual, no que tamén vai incluída, como non pode ser doutro xeito, a modificación da lexislación actual, pensada para un modelo lineal e non para a economía circular”, sinalou Trenor.
Respecto desta nova lei, apuntou que será un texto “innovador, práctico e que se sitúa en liña coas políticas europeas, contribuíndo ao fomento do emprego verde en Galicia”. “Entre as medidas máis novidosas da lei destacarán as accións para loitar de forma efectiva contra o desperdicio alimentario, a regulación da venda do menaxe dun só uso ou o fomento do mercado dos residuos valorizados e da compra pública verde innovadora”, explicou.
Puy amosa “o noso agradecemento e respaldo a Rajoy, un Presidente do Goberno digno ata o final”
Santiago, 4 de xuño de 2018. O portavoz do Grupo Popular, Pedro Puy, amosou “o noso agradecemento e respaldo persoal a Mariano Rajoy, un Presidente do Goberno de España digno ata o final que deixou a Presidencia nunha moción de censura coa elegancia que caracterizou a súa presenza na política”. A nivel de Galicia, Puy asegurou que “abordamos os próximos días con absoluta tranquilidade, porque a estabilidade institucional está perfectamente garantida coa maioría ampla que respalda as políticas do Goberno galego e, a nivel político, porque pertencemos a un partido democrático que nos vindeiros días vai tomar as decisións que considere oportunas nesta nova situación”.
Tellado: “A nosa estabilidade política permite que Galicia sexa un dos motores da redución do número de desempregados”
4, xuño, 2018. O secretario xeral do PPdeG, Miguel Tellado, asegurou que “a nosa estabilidade política permite que Galicia sexa un dos motores da redución do número de desempregados”. Así se expresou logo de coñecerse os datos do paro do mes de maio, que reflicten que somos, por terceiro mes consecutivo, a Comunidade Autónoma onde máis baixa, cunha caída de 5,4 puntos superior á da media estatal.
O Grupo Popular solicita que a Xunta elabore un estudo histórico sobre a variante do Camiño Inglés desde o porto de Sada ata Betanzos
Santiago, 1 de xuño de 2018. O Grupo Popular vén de rexistrar unha proposición non de lei a través da que se solicita á Xunta de Galicia que realice un estudo histórico da variante do Camiño Peregrino Inglés a Santiago, que discorre desde o porto de Sada-Fontán ata Betanzos, lugar onde se une á ruta cara Santiago. A deputada popular Soraya Salorio afirma que este estudio facilitará a posterior delimitación desta variante do Camiño de Santiago, no caso de que tecnicamente sexa viable.
O Parlamento demanda que a Xunta valore a inclusión do reto demográfico na Estratexia de Investimento Territorial Integral da UE
Santiago, 31 de maio de 2018. O Parlamento aprobou esta mañá, logo dunha transacción entre o Grupo Popular e o Grupo Socialista, unha proposición non de lei a través da que se insta á Xunta a considerar, de cara ao período post 2020, unha proposta de aplicación de fondos na Estratexia do Investimento Territorial Integrado da Unión Europea co obxectivo de axudar a reverter a situación de regresión demográfica na que se atopan moitas comarcas galegas.
O Grupo Popular demanda a creación dun rexistro de familias monoparentais
Santiago, 31 de maio de 2018. O deputado do Grupo Popular José González Vázquez demandou hoxe a creación dun rexistro de familias monoparentais para, a partir de aí, desenvolver un programa de axudas específico para estas familias no que se integren e fagan visibles as actuacións e beneficios que existen ou se vaian programar desde os distintos departamentos das administracións públicas”.