Santiago, 31 de maio de 2018. O Parlamento aprobou esta mañá, logo dunha transacción entre o Grupo Popular e o Grupo Socialista, unha proposición non de lei a través da que se insta á Xunta a considerar, de cara ao período post 2020, unha proposta de aplicación de fondos na Estratexia do Investimento Territorial Integrado da Unión Europea co obxectivo de axudar a reverter a situación de regresión demográfica na que se atopan moitas comarcas galegas.
O Grupo Popular demanda a creación dun rexistro de familias monoparentais
Santiago, 31 de maio de 2018. O deputado do Grupo Popular José González Vázquez demandou hoxe a creación dun rexistro de familias monoparentais para, a partir de aí, desenvolver un programa de axudas específico para estas familias no que se integren e fagan visibles as actuacións e beneficios que existen ou se vaian programar desde os distintos departamentos das administracións públicas”.
O Grupo Popular incide na necesaria e inaprazable revisión do modelo de financiamento local e na reforma da Lei de facendas locais
Santiago, 31 de maio de 2018. A viceportavoz do Grupo Popular, Paula Prado, incidiu hoxe no Parlamento que “resulta necesario e inaprazable a revisión do modelo de financiamento local e a reforma da Lei de facendas locais, mediante a que se garanta a autonomía e suficiencia financeira dos concellos”. Neste sentido, considerou “importante racionalizar o financiamento local reducindo o número de liñas de axuda destinadas aos concellos, simplificando as cargas administrativas que leva implícita a súa obtención, atendendo as necesidades reais existentes e reforzando a autonomía local”.
O Grupo Popular salienta que a Axenda 20 para o emprego está a fomentar traballo de calidade, indefinido e a tempo completo
Santiago, 31 de maio de 2018. A deputada do Grupo Popular Cristina Romero salientou hoxe que a Axenda 20 para o emprego da Xunta permitirá “fomentar traballo de calidade, indefinido e a tempo completo, reforzando a formación e especialización ao longo da vida laboral”.
O Parlamento demanda o impulso da marca Artesanía de Galicia
Santiago, 29 de maio de 2018. O Parlamento de Galicia aprobou hoxe, a instancias do Grupo Popular, unha proposición non de lei a través da que se demanda á Xunta o impulso do uso da marca Artesanía de Galicia nos establecementos comerciais e na comercialización dixital, coa finalidade de contribuír á súa visibilidade, fidelización e prestixio”. En concreto, a portavoz de Comercio, Cristina Romero, explicou que “se trata de facer moito máis sinxelo o procedemento para o uso desta marca, tanto polos establecementos comerciais como polos obradoiros”.
O Parlamento demanda á Xunta impulsar un programa formativo para directivos sobre as oportunidades e vantaxes da transformación dixital
Santiago, 29 de maio de 2018. O Parlamento de Galicia aprobou hoxe unha proposición non de lei do Grupo Popular a través da que se insta á Xunta a impulsar un programa formativo específico para concienciar a directivos e empresarios sobre as oportunidades e as vantaxes competitivas asociadas á transformación dixital.
Pedro Puy alerta sobre que a oposición recoñeza que “o acoso ao PP ten moito que ver co intento de derrubo do sistema do ano 78”
Santiago, 29 de maio de 2018. O portavoz do Grupo Popular, Pedro Puy, avogou porque a sociedade española e galega “tome nota do que se está a dicir por parte dos grupos da oposición: o acoso ao PP ten moito que ver co intento de derrubo do sistema do ano 78”. “En Galicia, hai estabilidade, estamos conseguindo superar retos, tomamos decisións contra a corrupción e non hai relación con ningún asunto que poida enturbar o ambiente político”, afirmou.
O Grupo Popular demandará no Pleno que o Concello de Santiago inicie a redacción do proxecto de accesos á nova estación de autobuses
Santiago, 29 de maio de 2018. O Grupo Popular defenderá no Pleno da vindeira semana que a Xunta, de xeito paralelo ao investimento público en tecnoloxía sanitaria, fomente e acolla todas aquelas accións de mecenado que redunden nunha mellora do servizo ao paciente. Así mesmo, solicitará ao Concello de Santiago que inicie o antes posible a redacción do proxecto de accesos á nova estación de autobuses, ao tempo que a Xunta culmine os trámites administrativos para iniciar as obras desta estación á maior brevidade posible.
Pedro Puy afirma que “estamos abochornados e indignados polo que di a sentenza do caso Gurtel”
Santiago, 28 de maio de 2018. O portavoz do Grupo Popular, Pedro Puy, afirmou hoxe que “estamos abochornados e indignados polo que di a sentenza do caso Gurtel” e pediu “desculpas porque houbo fallos evidentes de control que propiciaron episodios de aproveitamento de cargo público do PP para enriquecerse”. Respecto da moción de censura presentada polo PSOE, Puy manifestou que “están intentando envelenar o pozo da auga de onde beben todas as forzas políticas democráticas abrindo unha especie de competición de ventilador” sobre a corrupción, e considerou “difícil de xustificar que se presente unha moción de censura sen un programa alternativo fronte a un goberno que vén de aprobar uns orzamentos xerais”.
O PPdeG pide ao Goberno central medidas lexislativas para que as cesións de explotacións dos agricultores a cónxuxes e descendentes non tributen no IRPF
Santiago, 25 de maio de 2018. O portavoz do Medio Rural do Grupo Popular, José González Pérez, defendeu hoxe na Comisión 7ª do Parlamento a necesidade de que o Goberno central introduza modificacións lexislativas que eviten a tributación no imposto da renda aos agricultores galegos que realicen un cambio de titularidade da súa explotación a título gratuíto por motivos de xubilación ou cesión aos descendentes. Esta proposta será rexistrada polo Grupo Popular a través dunha proposición non de lei no Parlamento galego, logo de que os socialistas rexeitaran esta mañá un acordo para a súa aprobación, “coa única finalidade de dicir que o PPdeG non apoia aos agricultores galegos”.