Santiago, 11 de xullo de 2017.- O deputado do Grupo Popular Carlos Gómez Salgado acusou esta tarde no Parlamento aos grupos da oposición de defender “unha emenda á totalidade da política económica e de emprego da Xunta, pretendendo revisar e botar por terra as medidas que están dando bos resultados e xerando emprego”.
O Parlamento aproba a lei que permite á Xunta dispor de 230 millóns de euros para gasto social, crecemento económico e suba dos salarios aos empregados públicos
Santiago, 11 de xullo de 2017.- O Parlamento de Galicia aprobou hoxe o proxecto de lei de impulso ao crecemento e reforzo do gasto social, que permitirá á Xunta de Galicia dispor de 230 millóns de euros para destinalos ao incremento do gasto social, aumentar o investimento para o crecemento económico e para aplicar a suba máxima do 1 por cento autorizada pola Administración central do salario dos empregados públicos, con efectos retroactivos ao mes de xaneiro.
Continue reading
O PPdeG avoga polo consenso para continuar desenvolvendo a Lei de igualdade de trato e non discriminación das persoas LGTBI
Santiago, 11 de xullo de 2017.- A deputada do Grupo Popular Marta Rodríguez-Vispo avogou hoxe no Parlamento por manter “o consenso que conseguimos coa Lei pola igualdade de trato e a non discriminación de lesbianas, gays, transexuais, bisexuais e intersexuais de Galicia, e continuar desenvolvendo esta norma para seguir avanzando todos xuntos na mesma dirección”. Neste sentido, apuntou que as proposicións de lei defendidas pola oposición sobre a identidade de xénero “non contan co consenso de todas os colectivos, pois algunhas das entidades transexuais non se senten identificadas e se desmarcan totalmente desta proposta”.
Pedro Puy destaca que o Goberno galego disporá desde mañá de 230 millóns de euros adicionais para reforzar as políticas de gasto no presente ano
Santiago, 10 de xullo de 2017.- O portavoz do Grupo Popular, Pedro Puy, salientou hoxe que a aprobación mañá no Pleno do proxecto de lei de actuacións de apoio ao crecemento económico e reforzo do gasto social permitirá ao Goberno galego dispor de xeito inmediato de 230 millóns de euros adicionais para reforzar as políticas de gasto para o presente ano.
O Parlamento solicita á Xunta que vele porque o cambio de propiedade do Banco Pastor teña o menor impacto posible para Galicia
Santiago, 7 de xullo de 2017.- O Parlamento de Galicia aprobou hoxe por unanimidade, logo dunha transacción entre o Grupo Popular e En Marea, unha proposición non de lei a través da que se solicita á Xunta para que vele porque o cambio de propiedade no Banco Pastor teña para Galicia o menor impacto posible sobre a concesión de crédito e o emprego, ao tempo que os axustes se fagan co maior acordo posible e defendendo os intereses dos traballadores no eido das competencias que ten a Administración galega.
O Parlamento solicita ao Consello Xeral do Poder Xudicial un protocolo que garanta a accesibilidade sensorial e cognitiva das resolucións xudiciais
Santiago, 7 de xullo de 2017.- O Parlamento de Galicia aprobou hoxe por unanimidade, logo dunha transacción entre o Grupo Popular e o Grupo Socialista, unha proposición non de lei a través da que se solicita ao Consello Xeral do Poder Xudicial, en coordinación coa Administración de Xustiza, que elabore un protocolo de actuación con medidas que garantan a accesibilidade sensorial e cognitiva das resolucións xudiciais. “Compre contar co esforzo de todos os operadores xurídicos para acadar unha maior claridade na linguaxe xurídica que acerque o Dereito aos cidadáns, e para conseguilo é necesario adoptar medidas que, sen afectar ao rigor técnico, favorezan a comprensión por parte dos cidadáns das resolucións xudiciais das que son destinatarios”, indicou a portavoz de Xustiza do Grupo Popular, Julia Rodríguez.
Continue reading
O Parlamento insta á Xunta a inscribir a declaración como BIC das Torres de Meirás no Rexistro da Propiedade
Santiago, 6 de xullo de 2017.- O Parlamento de Galicia aprobou hoxe por unanimidade, logo dunha transacción entre o Grupo Popular e En Marea, unha proposición non de lei a través da que se insta á Xunta para que proceda á inscrición da declaración como ben de interese cultural das Torres de Meirás no Rexistro da Propiedade unha vez finalizado o proceso técnico oportuno.
Continue reading
O Grupo Popular defende o mantemento do servizo de transporte escolar no rural adaptado ás necesidades do alumnado
Santiago, 6 de xullo de 2017.- O portavoz de Educación do Grupo Popular, César Fernández, demandou esta mañá no Parlamento o mantemento do servizo de trasporte escolar no rural adaptado ás necesidades do alumnado, así como manter o criterio de cinco ou máis alumnos á hora da reestruturación da oferta de unitarias nos concellos do rural.
Continue reading
O Parlamento insta á Xunta a incrementar progresivamente os recursos persoais e materiais do Banco de Terras
Santiago, 4 de xullo de 2017.- O Parlamento de Galicia aprobou esta mañá, logo dunha transacción entre o Grupo Popular e En Marea, e coa única abstención do BNG, unha proposición non de lei a través da que se insta á Xunta á incrementar progresivamente os recursos persoais e materiais do Banco de Terras. En concreto, demándase o deseño de plans estratéxicos para impulsar de novo esta ferramenta, con partidas orzamentarias específicas.
Continue reading
O Grupo Popular demandará no pleno da vindeira semana maior seguridade para os ciclistas e a devolución das plusvalías cobradas indebidamente polos concellos
Santiago, 4 de xullo de 2017.- O Grupo Popular defenderá no Pleno da vindeira semana dúas proposicións non de lei a través da que se demanda mellorar a seguridade dos ciclistas nas estradas galegas e se solicita ao Goberno central a adaptación ás últimas sentenzas do Tribunal Constitucional da Lei Reguladora de Facendas Locais no relativo ás plusvalías municipais, así como que os concellos habiliten mecanismos para proceder á devolución das cantidades indebidamente recadadas aos contribuíntes.
Continue reading