Santiago, 18 de xaneiro de 2017.- A totalidade dos deputados dos catro grupos parlamentarios do Parlamento galego rexistraron hoxe unha nova proposición de Lei a través da que se solicita a transferencia á Comunidade Autónoma de Galicia da titularidade e as competencias sobre o réxime xurídico da concesión, así como as funcións e servizos ata agora exercidos pola Administración xeral do Estado en relación coa AP-9.
Para o GPP a apertura de estacións de servizo desatendidas favorece o emprego e unha rebaixa do custe dos carburantes
Santiago, 18 de xaneiro de 2017.- A deputada do Grupo Popular Marta Nóvoa subliñou esta tarde no Parlamento que a apertura de estacións de servizo desatendidas “favorece a creación de empregos en Galicia pola tecnoloxía coa que operan ou a televixilancia das instalacións, empregos que son habituais no resto da Unión Europea”.
O Grupo Popular téndelle a man á oposición para acadar amplos consensos no impulso do I+D+I en Galicia
Santiago, 18 de xaneiro de 2017.- O viceportavoz do Grupo Popular, Miguel Tellado, tendeulle este mércores a man á oposición para que no Parlamento galego se consiga un amplo consenso en favor do impulso ao I+D+i na Comunidade, co afán de continuar co proceso de modernización da economía galega levado a cabo durante os últimos anos. “Coincidimos en que a investigación é estratéxica, por iso máis alá da discrepancia deberiamos mandar unha mensaxe de unidade ao sector”, apuntou.
O Parlamento insta á Xunta que intensifique as relacións de colaboración entre os profesionais da cociña e da artesanía
Santiago, 18 de xaneiro de 2017.- O Parlamento galego aprobou hoxe, a iniciativa do Grupo Popular, solicitar á Xunta que poña en marcha novas medidas que intensifiquen as relacións de colaboración entre os profesionais da cociña e do sector artesanal, tendo en conta a enorme visibilidade que están a ter os cociñeiros galegos e as grandes sinerxías que poden crear para outros sectores como o artesanal, converténdose en escaparates excelentes da marca Artesanía de Galicia.
O Parlamento aproba instar á Xunta a publicar este ano os modelos de pregos de contratos públicos
Santiago, 18 de xaneiro de 2017.- O Parlamento de Galicia aprobou hoxe, logo dunha transacción entre o Grupo Popular e o Grupo Socialista, instar ao Goberno galego a completar e publicar durante o presente ano os distintos modelos de pregos de contratos públicos, que deberán incorporar todas as innovacións contidas tanto na normativa galega e nas guías que a desenvolven como as novidades que incorpore a lexislación básica estatal, así como a revisalos e actualizalos, cando sexa procedente, con carácter anual.
O GPP defende que a Xunta incremente o orzamento destinado ás ONGD´S como mínimo o dobre do que suba o presuposto da Administración galega
Santiago, 18 de xaneiro de 2017.- O deputado do Grupo Popular Alberto Pazos defendeu hoxe no Parlamento que a Xunta de Galicia impulse un crecemento anual, progresivo e previsible da axuda ás ONGD’s galegas, tendo sempre como horizonte o 0,7 por cento do seu orzamento consolidado e cun incremento anual como mínimo do dobre do incremento do orzamento total consolidado da Xunta.
O Parlamento galego solicita ao Goberno central a creación dun novo xulgado do social en Lugo
Santiago, 18 de xaneiro de 2017.- O Parlamento de Galicia aprobou hoxe, a iniciativa do Grupo Popular logo dunha transacción co BNG, demandar ao Goberno central a creación dun novo xulgado do social en Lugo, sempre que a criterio da Comisión Mixta entre o Tribunal Superior e a Xunta de Galicia se considere que existen as condicións obxectivas de necesidade para a súa posta en marcha. Ademais, solicitouse ao Consello Xeral do Poder Xudicial e ao Tribunal Superior de Xustiza de Galicia o nomeamento dun maxistrado de reforzo para os xulgados do social da provincia de Lugo.
O PPdeG celebra que a política da Xunta e as súas preocupacións se estendesen á Conferencia de Presidentes e ao conxunto de España
Santiago, 18 de xaneiro de 2017.- O secretario xeral do PPdeG, Miguel Tellado, asegurou que o partido celebra que a política que está levando a cabo a Xunta e as preocupacións principais do goberno galego se estendan ao conxunto de España. “É unha mostra máis de que Galicia está a acertar tanto no diagnóstico das necesidades dos seus cidadáns como nas ferramentas para atender estas necesidades”, afirmou.
O Parlamento acorda solicitar á Xunta que convoque este ano unha nova orde de axudas para asociacións de veciños
Santiago, 18 de xaneiro de 2017.- O Parlamento de Galicia aprobou esta mañá a proposición non de lei do Grupo Popular a través da que se solicita á Xunta de Galicia que convoque este ano unha nova orde de axudas que colabore coa importante labor que se está realizando polo asociacionismo veciñal en Galicia, co obxectivo de contribuír a mellorar a calidade da vida local e fomentar e dinamizar estas entidades veciñais.
O Grupo Popular sospeita que hai un “fraude” detrás do peche do CIM de Ponte Caldelas e solicita o restablecemento inmediato do servizo de atención ás mulleres
Santiago, 18 de xaneiro de 2017.- A viceportavoz e voceira de Igualdade do Grupo Popular, Paula Prado, indicou que existen sospeitas da “existencia dun fraude detrás do peche do Centro de Información á Muller (CIM) de Ponte Caldelas“xa que se o servizo de asesoramento xurídico en Igualdade e atención psicolóxica as mulleres vítimas de violencia machista ten que realizarse a través dunha atención especializada como se viña facendo por unha avogada e unha psicóloga desde fai dez anos”